Fréttablaðið - 09.06.2012, Blaðsíða 8

9. júní 2012 LAUGARDAGUR8
1. Hvað heitir forseti Sýrlands?
2. Eftir hvern er bókin Örlaga-
borgin, sem er nýútkomin?
3. Með hvaða liði spilar Rúnar
Kárason á næstu leiktíð?
SVÖR
1. Bashar Assad 2. Einar Má Jónsson
sagnfræðing 3. Grosswaldstadt
VIÐSKIPTI Upplýsingatæknifyrir-
tækið Advania hefur ákveðið að
bregðast við skorti á fólki með
þekkingu á bæði upplýsingatækni
og viðskiptafræði með því að ráða
til sín 10 til 20 reynsluminni ein-
staklinga sem verða fyrsta starfs-
ár sitt þjálfaðir í að vinna ráð-
gjafastörf fyrir fyrirtækið.
„Þetta kemur þannig til að fólk
með menntun og þekkingu á bæði
upplýsingatækni og viðskipta-
fræði er einfaldlega ekki á lausu
hér heima. Bestu ráðgjafarnir
okkar eru því þeir ráðgjafar sem
við höfum þjálfað hér innanhúss
og hafa þá bakgrunn úr annarri
áttinni,“ segir Stefán Hrafn Haga-
lín, forstöðumaður samskipta-
sviðs Advania.
Stefán segir nokkuð þessu líkt
ekki hafa verið gert í íslenska
upplýsingatæknigeiranum áður.
„Neyðin kennir nöktum nörd að
spinna og við ákváðum að leysa
þetta vandamál svona. Þá kemur
þetta líka til vegna þess að er-
lendum verkefnum okkar hefur
fjölgað mikið og nú er svo komið að
við getum hæglega bætt við okkur
20 einstaklingum,“ segir Stefán.
Advania hóf að auglýsa störfin
í síðustu viku en 10 til 20 ein-
staklingar verða ráðnir. Að sögn
Stefáns hafa á þriðja hundrað
umsóknir þegar borist.
Aðspurður hvort Advania óttist
að starfsmennirnir færi sig annað
þegar þjálfuninni er lokið svarar
Ægir Már Þórisson, mannauðs-
stjóri: „Ekki meira í þessu til-
felli en með aðra starfsmenn. Það
er hins vegar okkar áskorun á
hverjum degi að halda í það góða
fólk sem vinnur hér. Þess vegna
reynum við að tryggja að aðbún-
aður og aðstaða sé fyrsta flokks.“
- mþl
Skortur á starfsmönnum með þekkingu á bæði upplýsingatækni og viðskiptafræði:
Advania hyggst þjálfa upp nýja sérfræðinga
PI
PA
R\
TB
W
A
\
S
ÍA
1
21
55
6
Stofnfrumur á mannamáli
Opið málþing fyrir almenning um stofnfrumur og notkun þeirra í
læknavísindum – Hátíðasal Háskóla Íslands, í dag, 9. júní kl. 13.30–15.
Allir velkomnir meðan húsrúm leyfir.
Fundarstjórar: Tómas Guðbjartsson og Magnús Karl Magnússon
13.30–13.45 Hvað eru stofnfrumur?
Þórarinn Guðjónsson, dósent við Læknadeild HÍ.
13.45–14.10 Notkun stofnfruma í lækningum
og rannsóknir hérlendis.
Magnús Karl Magnússon, prófessor við Læknadeild HÍ.
14.10–14.30 Fyrsta ígræðsla á gervibarka með stofnfrumum.
Tómas Guðbjartsson, prófessor við Læknadeild HÍ.
14.30–15.00 Pallborðsumræður með þátttöku frummælenda og
Andemariam T. Beyene, barkaþega og jarðfræðings.
320 km
Karachi
Islamabad
607/993
378/536
369/725
274/314
9 3 11 7 12 6 4
33
53 70
22
118
62/173
89/
112
Quetta
Khyber Pakhtunkhwa
Bagram
Árásir ómannaðra flugfara í Pakistan
Kabúl
A F G A N I S T A N
P A K I S T A N
Fjöldi árása
Fjöldi dauðsfalla
lágmark/hámark
Leiðtogar felldir
Forsetatíð George W. Bush Forsetatíð Baracks Obama
Ba
lú
ki
st
an
Ír
an
Arabíuhaf
Ættbálkahéruðin
Landa-
mæri
yfir-
ráða-
svæða
2004-07 2008 2009 2010 2011 2012
PAKISTAN „Árásir ómannaðra flug-
fara vekja spurningar um hvort
slíkt samræmist alþjóðalögum,“
segir Navi Pillay, mannréttinda-
fulltrúi Sameinuðu þjóðanna.
Hún hefur verið í Pakistan
undan farið til að afla sér gagna,
og ráðleggur Pakistönum meðal
annars að fá sérlegan ráðgjafa
Sameinuðu þjóðanna um skyndi-
og gerræðisaftökur til að rannsaka
sumar árásirnar.
Á síðustu árum hafa Bandaríkja-
menn í æ ríkari mæli beitt ómönn-
uðum flugförum til þess að gera
árásir á „hernaðarleg skotmörk“
í Pakistan, en slík skotmörk eru
yfirleitt hús eða staðir þar sem
lykilmenn í liði uppreisnarmanna
eða hryðjuverkasamtaka eru taldir
vera staddir.
Pakistönsk stjórnvöld hafa harð-
lega gagnrýnt þessar árásir, bæði
vegna þess að með þeim sé brotið
gegn fullveldisrétti landsins og
einnig vegna þess að margir
almennir borgarar láti lífið í
þessum árásum.
Samkvæmt athugunum samtaka
breskra rannsóknarblaðamanna,
The Bureau of Investigative Journ-
alism, hafa árásir ómannaðra flug-
fara í Pakistan síðustu átta árin
samtals kostað 2.464 manns lífið,
en af þeim voru 484 almennir borg-
arar, saklausir af tengslum við
uppreisnar- eða hryðjuverkamenn.
Tölur þessar eru samt nokkuð á
reiki og hlutfall almennra borgara
er ekki tekið með í töflunni hér til
hliðar, sem byggð er á samantekt
bandarísku rannsóknarstofnunar-
innar New America Foundation,
en sú stofnun áætlar að mann-
fall almennra borgara hafi verið á
bilinu 293 til 471.
Pillay sagði engan vafa leika á að
árásir með ómönnuðum flug förum,
eða flygildum, hljóti að teljast
mannréttindabrot: „Ég lít svo á að
undir öllum kringum stæðum sé það
mannréttindabrot þegar almennir
borgarar eru drepnir og særðir án
manngreinarálits.“
Hún lýsti einnig áhyggjum af því
að slíkar árásir séu hvorki háðar
borgaralegu né hernaðarlegu eftir-
liti. Til dæmis sé erfitt að sjá hver
beri ábyrgðina á því, hvort árásirn-
ar séu í samræmi við alþjóðalög,
þegar framkvæmd þeirra er ekki
undir stjórn yfirmanna hersins.
Það er bandaríska leyniþjónust-
an CIA, en ekki Bandaríkjaher,
sem sér um framkvæmd árása með
ómönnuðu flugförunum og það eitt
flækir verulega alla umræðu um
lögmæti þeirra samkvæmt alþjóð-
legum samningum um framferði í
stríðsrekstri. gudsteinn@frettabladid.is
Dregur í efa
lögmætið
Árásir Bandaríkjamanna með ómönnuðum flugför-
um hafa kostað hundruð almennra borgara lífið í
Pakistan síðustu átta ár. Mannréttindafulltrúi Sam-
einuðu þjóðanna segir óljóst um lögmæti þeirra.
Sjálfsvígstíðni meðal bandarískra hermanna hefur aukist mjög á þessu ári.
Nú er svo komið að fleiri hermenn falla fyrir eigin hendi en í átökum eða
árásum óvina. Að meðaltali hefur nærri einn bandarískur hermaður svipt sig
lífi á dag það sem af er árinu. Frá sama tíma á síðasta ári hefur sjálfsvígum í
bandaríska hernum fjölgað um 18 prósent.
Fleiri falla fyrir eigin hendi en óvina
VIÐSKIPTI Orkuveita Reykjavíkur
(OR) hefur samið við þýsk-írska
bankann Depfa um breytingar á
afborgunum 4,9 milljarða króna
láns sem var á gjalddaga á árinu
2016. Samkvæmt samkomulaginu
verður meginhluti afborgana á
árunum 2023 til 2025 í staðinn.
Stórir gjalddagar upp á samtals
hátt í 100 milljarða króna bíða OR
á næstu fimm árum en fyrirtækið
hefur undanfarið reynt að lengja
í lánunum samhliða hagræðingu.
Nýverið var tilkynnt að samið
hefði verið við belgíska bankann
Dexia um að fresta gjalddögum
frá næsta ári til ársloka 2015.
Að sögn Bjarna Bjarnasonar,
forstjóra OR, eru samningarnir
við Depfa og Dexia til merkis
um að traust á fyrirtækinu hefur
aukist á fjármálamörkuðum á
síðustu vikum og mánuðum. - mþl
Lánalínur að opnast hjá OR:
OR seinkar aft-
ur gjalddögum
REYKJAVÍK Reykjavíkurborg ætlar
að kaupa Alliance-húsið á Granda-
garði ásamt meðfylgjandi lóðar-
réttindum. Kaupverð er 340 millj-
ónir króna fyrir lóðina alla, sem
er 3.569 fermetrar. Borgarráð
samþykkti þetta á fundi sínum á
fimmtudag.
Áætlað er að leigja fyrstu hæð
hússins Sögusafninu Perlunni
næstu 25 árin og gekk Reykja-
víkurborg inn í kaupsamning sem
Sögusafnið hafði gert við eiganda
hússins, Inn Fjárfestingu, að því er
fram kemur í tilkynningu.
Alliance-húsið er friðað að ytra
byrði og hyggst borgin gera það
upp að utan. Ákveðið hefur verið
að það verði nýtt fyrir menningar-
tengda starfsemi.
Húsið var reist á árunum 1924
til 1925 til að hýsa umfangsmikla
starfsemi útgerðarfyrirtækisins
Alliance sem var stofnað af Thor
Jensen og fleirum. Reykjavíkur-
borg vinnur nú að rammaskipulagi
fyrir hafnarsvæðið. - sv
Reykjavíkurborg kaupir gamla Alliance-húsið:
Borgar 340 milljónir
og hyggst gera upp
VERÐUR GERT UPP Sögufélagið
Perlan mun leigja fyrstu hæð hússins af
Reykjavíkurborg. FRÉTTABLAÐIÐ/HEIÐA
VEISTU SVARIÐ?
Ég lít svo á að undir
öllum kringumstæðum
sé það mannréttindabrot þegar
almennir borgarar eru drepnir.
NAVI PILLAY
MANNRÉTTINDAFULLTRÚI S.Þ.
Neyðin kennir nökt-
um nörd að spinna.
STEFÁN HRAFN HAGALÍN
FORSTÖÐUMAÐUR
SAMSKIPTASVIÐS ADVANIA