Fréttablaðið - 13.06.2012, Blaðsíða 38

13. júní 2012 MIÐVIKUDAGUR34
GOTT Á GRILLIÐ
„Skírteinið er á leiðinni, það er
verið að framleiða það,“ segir Þrá-
inn Árni Baldvinsson, gítarleikari
í Skálmöld, og einn þriggja stjórn-
armanna í nýstofnuðum aðdáenda-
klúbbi Kiss á Íslandi.
Klúbburinn heitir Kiss Army
Iceland en fjölmargir Kiss Army-
klúbbar eru starfræktir víða um
heim, þar á meðal í Svíþjóð, Ástr-
alíu og Þýskalandi. Hinn upphaf-
legi Kiss-her var stofnaður í Banda-
ríkjunum árið 1975 af mönnum sem
ákváðu að elta rokksveitina Kiss
um Bandaríkin, rétt áður en hún
sló í gegn. Síðan þá hefur klúbbnum
heldur betur vaxið fiskur um hrygg.
Aðspurður segir Þráinn Árni að
stofnun íslenska klúbbsins hafi
verið í bígerð í mörg ár. „Svo
með aðstoð Facebook stofnuð-
um við félagarnir Kiss Army Ice-
land-grúppu. Þetta byrjaði allt að
blómstra í vetur og það eru komnir
hátt í tvö hundruð meðlimir. Þetta
gerðist á „no time“,“ segir hann.
„Fólk er að átta sig á því hvað þetta
er stórkostlegt. Margir hafa verið
heima hjá sér sem skápaaðdáendur
en eru komnir út núna.“
Með honum í stjórninni eru
Kittý Svarfdal og Heiðar Jónsson.
Ársgjald í klúbbinn er tvö þús-
und krónur. Handhafar skírtein-
is fá afslátt á ýmsum stöðum, þar
á meðal í Smekkleysu og Lucky
Records, á rokkbúllunni Dillon
og veitingastaðnum 73. Einnig er
verið að framleiða sérstaka Kiss
Army Iceland-boli fyrir meðlimi
klúbbsins. Hópurinn mun svo hitt-
ast reglulega til að bera saman
bækur sínar og verður fyrsti fund-
urinn á Gamla Gauk. „Þetta verður
flottasti og virkasti aðdáendaklúbb-
ur á landinu,“ fullyrðir Þráinn.
Sjálfur hefur hann verið í banda-
ríska Kiss Army-klúbbnum í
mörg ár en þeir sem eru í honum
geta keypt miða á Kiss-tónleika á
undan öðrum. Hann er einmitt að
fara ásamt Heiðari og nokkrum
öðrum Íslendingum að sjá goðin
á tónleikum í Ósló 30. júní, sem
verða þeir einu hjá þeim í Evrópu
á þessu ári. „Þeir í Kiss Army í
Noregi eru búnir að skipuleggja
grill og hitting. Það eru aðdáend-
ur frá níu eða tíu löndum búnir
að skrá sig og við verðum þarna
sem fulltrúar Íslands. Þetta verð-
ur dásamlegt, bara nördar að
hittast og tala um uppáhaldið.“
freyr@frettabladid.is
ÞRÁINN ÁRNI BALDVINSSON: ÞETTA VERÐUR FLOTTASTI KLÚBBURINN Á LANDINU
HÁTT Í TVÖ HUNDRUÐ MANNS
Í NÝSTOFNUÐUM KISS-KLÚBBI
KISS-STJÓRNARMENN Þráinn Árni Baldvinsson, Kittý Svarfdal og Heiðar Jónsson eru stjórnarmenn í Kiss Army Iceland.
FRÉTTABLAÐIÐ/STEFÁN
Sálin hefur sent frá sér lagið
Hjartadrottningar. Það er eftir
gítarleikarann Guðmund Jónsson
en söngvarinn Stefán Hilmarsson
á textann, sem er óður til kvenna
í dægurlögum. Þar er getið
sautján kvenna sem eru kunnar
úr íslenskum söngtextum fyrr
og síðar. Lagið er það fyrsta af
þremur sem koma út á næstunni
með Sálinni.
Tvö ár eru liðin síðan síðasta
plata sveitarinnar, Upp og niður
stigann, kom út í samvinnu við
Stórsveit Reykjavíkur. Á laugar-
daginn spilar Sálin á Spot í Kópa-
vogi þar sem nýja lagið verður
frumflutt. 23. júní spilar sveitin
svo í Borgarnesi.
Sálin með óð
til 17 kvenna
NÝTT LAG Sálin hefur sent frá sér lagið
Hjartadrottningar.
Ég er rosa
mikill kjöt- og
kartöflu-
maður og
vil helst ekki
hafa neina
sósu heldur
krydda kjötið
með salti og
pipar og hef
með kartöfluna framreidda á
ítalskan hátt. Þannig finnur þú
miklu betur fyrir bragðinu af
kjötinu. Það er svona alvöru grill
að mínu mati.
Aron Bergmann Magnússon, myndlistar-
maður og leikmyndahönnuður.
- getur m.a. hjálpað ef þú finnur fyrir:
Sjúkraþjálfari framkvæmir göngugreiningu hjá Heilsulandi
Aumum hælum
Beinhimnubólgu
Verkjum í iljum
Þreytuverkjum og
pirring í fótum
Verkjum í hnjám
Verkjum í baki eða
mjöðmum
Hásinavandamálum
Sérfræðingar Heilsulands eru Ásmundur Arnarsson
og Jónas Grani Garðarsson sjúkraþjálfarar
GÖNGUGREINING
„Það var svo mikil pressa á mér úr öllum
áttum,“ segir tónlistarmaðurinn Helgi Björns-
son.
Upptökur eru hafnar á fjórðu hestamanna-
plötu hans en hinar þrjár hafa notið gífur-
legra vinsælda og samanlagt selst í um 32
þúsund eintökum. Sú síðasta, Ég vil fara upp
í sveit, seldist í um átta þúsund eintökum í
fyrra.
„Þetta lá svolítið beint við. Ég ætlaði
kannski að fara í sólóplötu en þurfti að fresta
henni,“ segir Helgi, spurður út í plötuna.
„Landsmót hestamanna verður í Reykjavík
í sumar og mikið húllumhæ. Ég fékk hvatn-
ingu úr mörgum áttum um að smella einni
Reiðmannaplötu í viðbót og ég varð við þeim
óskum.“
Meðal laga á plötunni verða Íslenskur kind-
reki, sem er ný útgáfa af lagi Spilverks þjóð-
anna, Icelandic Cowboy. Það var höfundurinn
Valgeir Guðjónsson sem samdi íslenska text-
ann. Einnig verða þar Sunnanvindur, sem er
íslensk útgáfa af Mr. Sandman, Heim í Heið-
ardalinn, Jörðin sem ég ann, Kvöldljóð sem
Savanna tríóið söng og hið sígilda Sveitaball í
hressilegri útgáfu.
Aðspurður vonast Helgi eftir góðum við-
brögðum við plötunni eins og þeim fyrri. „Það
er búið að vera ótrúlegt gengi á þessum plöt-
um, fólk virðist ekkert fá nóg. Maður fær líka
alls konar tillögur frá hinum og þessum hvort
ég væri til í að taka þetta lag eða hitt. Manni
þykir mjög vænt um þetta.“
- fb
Helgi tekur upp fjórðu hestaplötuna
SÚ FJÓRÐA Á LEIÐINNI Helgi Björnsson er að taka
upp fjórðu hestamannaplötu sína með Reiðmönnum
vindanna. FRÉTTABLAÐIÐ/ANTON
GEFÐU
VATN
gjofsemgefur.is
9O7 2OO3
„Ég leik ömmu sem er frekar
stíf,“ segir Margrét Helga
Jóhannsdóttir sem er meðal leik-
enda í þöglu kvikmyndinni Days
of Grey sem hljómsveitin Hjalta-
lín semur tónlist við.
Leikstjóri myndarinnar Ani
Simmon-Kennedy, sem var í
tökuliðinu á mynd Woody Allen
Midnight in Paris, kom hingað til
lands í maí og ræddi við leikara
ásamt Rebekku B. Björnsdóttur,
meðframleiðanda myndarinnar
og fagottleikara Hjaltalíns. Búið
er að ráða í hlutverk og leika
Guðmundur Ingi Þorvaldsson
og Bryndís Petra Bragadóttir í
myndinni ásamt Margréti Helgu.
Þrír ungir og upprennandi leik-
arar urðu einnig fyrir valinu og
eru það þau Davíð Laufdal Arn-
arsson, Diljá Valsdóttir og Vikt-
oría Rós Antonsdóttir.
Þessir krakkar munu eflaust
spila stóran þátt í myndinni
en handritið, sem samið er af
Hrafni Jónssyni, segir frá litlum
dreng sem lifir í litlausri veröld
og kynnum hans af stúlku frá
öðrum heimi.
„Ég vissi ekkert um þetta fyrr
en Rebekka hringdi í mig til
Tenerife. Ég kynntist henni við
tökur á þáttunum Heimsenda og
lít upp til hennar. Ég ákvað því að
slá til á stundinni. Þessir krakkar
eru að gera svo spennandi hluti.
Það er virkilega þess virði að
vinna með þeim,“ segir Margrét
sem bætir við að hún sé glöð yfir
því að þessi alþjóðlega mynd sé
án tals. „Ég sagði strax að ég
væri ekki mjög sterk í ensku og
þyrfti góðan þjálfara ef þetta
væri erlend mynd.“
Tökur myndarinnar fara fram
á Reykjanesi dagana 1. til 14.
ágúst og mun Hjaltalín semja
tónlist myndarinnar í sama mán-
uði. -hþt
Leikur í þögulli mynd Hjaltalíns
Bandaríska rokksveitin Kiss var stofnuð í New York
árið 1973. Meðlimir hennar eru þekktir fyrir andlits-
málningu sína og skrautlegan klæðaburðinn, auk
þess sem tónleikar sveitarinnar eru mikið sjónarspil.
Tuttugasta hljóðversplata Kiss, Monster, kemur út
í haust en alls hefur sveitin selt um 100 milljónir
platna. Á meðal vinsælustu laga rokkaranna
eru Rock and Roll All Nite, I Was Made For
Loving You, Lick It Up og Crazy Crazy
Nights.
STAÐREYNDIR UM HLJÓMSVEITINA KISS
STÍF AMMA Margrét Helga er meðal
leikara í alþjóðlegu þöglu kvikmyndinni
Days of Grey sem Hjaltalín semur tónlist
við. FRÉTTABLAÐIÐ/VILHELM