Fréttablaðið - 20.06.2012, Blaðsíða 2

20. júní 2012 MIÐVIKUDAGUR2
Kári, er ekki kalt á toppnum?
Nei, það er aldrei kalt í Snæfellsbæ.
Kári Viðarsson rekur leikhúsið Frystiklef-
ann á Rifi á Snæfellsnesi.
VERSLUN Fiskbúðin Sjávarkistan
í Ólafsvík á Snæfellsnesi er eina
fiskbúðin á Vesturlandi. Hún
sinnir Snæfellsnesinu eins og það
leggur sig og dæmi eru um að
sumarbústaðaeigendur í Borgar-
firði aki alla leið á Snæfellsnes
til þess eins að sækja sér fisk á
grillið.
Samkvæmt óvísindalegri rann-
sókn Fréttablaðsins er næstu fisk-
búðir að finna í Mosfellsbæ og á
Flateyri og Ísafirði.
Sigurður Ingi Guðmarsson
stendur vaktina í Sjávarkistunni
og segir fisksöluna aðeins vera
sumarverkefni. „Þetta er sumar-
verkefni og ekkert sem er komið
til að vera. Við höfum aðeins opið
hér yfir sumarmánuðina þrjá;
júní, júlí og ágúst. Svo lokum við
bara á veturna.“
„Það var Einar Magnús Gunn-
laugsson sem fékk mig hingað og í
þetta,“ segir Sigurður Ingi sem er
aðfluttur úr Hafnarfirði. „Hann
er höfuðið í þessu öllu saman.“
Sjávarkistan var opin í fyrra-
sumar líka en þá aðeins til klukk-
an sex á daginn. Sigurður Ingi
segir að nú sé búðin opin til átta
því eftirspurnin er meiri um
kvöldmatarleytið. Boðið er upp á
ferskan fisk, kryddleginn og til-
búna rétti.
Verkefnið miðar að því að
styðja við fyrirtækin á svæðinu.
„Við reynum að selja eins ferskan
fisk og við getum,“ segir Sigurður
Ingi. „Við höfum eingöngu verið
að fá frá fyrirtækjunum hérna í
kring.“
Spurður hvaðan hráefnið komi
helst segir hann að fiskurinn
komi frá Ólafsvík ásamt hinum
þorpunum á norðanverðu nesinu.
„Við höfum fengið vörur úr öllum
þorpunum í kringum okkur. Það
eru Stykkishólmur, Grundarfjörð-
ur, Rif og Hellisandur. Við fáum
hráefnið þaðan hvort sem það eru
tilbúnir réttir eða ferskur fiskur.“
Sigurður Ingi bendir á að í fisk-
borðinu séu aðallega óhefðbundnar
íslenskar fisktegundir. „Við erum
ekki með þetta hefðbundna, heldur
erum við með langlúru, lúðu, keilu,
steinbít og skötusel. Hér seljum
við aðeins fisk sem veiðist hér í
Breiðafirðinum.“
birgirh@frettabladid.is
Fara langar leiðir til
að sækja fisk á grillið
Fiskbúðin Sjávarkistan í Ólafsvík er eina fiskbúðin á Vesturlandi. Hún er aðeins
rekin í þrjá mánuði á sumrin og verslar aðeins með fisk af Snæfellsnesinu.
Sumarbústaðafólk leggur langa lykkju á leið sína til að komast í fiskbúð.
HUGSAÐ STÓRT Fiskbúðin í Ólafsvík þjónustar nánast allt Vesturland enda enga aðra
fiskbúð þar að finna. FRÉTTABLAÐIÐ/STEFÁN
Við höfum verið að fá
vörur úr öllum þorp-
unum í kringum okkur.
SIGURÐUR INGI GUÐMARSSON
FISKSALI
ÞJÓÐKIRKJAN Séra Agnes M. Sigurðardóttir verður
vígð í embætti biskups yfir Íslandi í Hallgrímskirkju
á sunnudag. Herra Karl Sigurbjörnsson, sem lætur af
embættinu við tilefnið, segir að um söguleg tímamót
séu að ræða enda Agnes fyrsta konan sem vígð verður
til biskups á Íslandi. Biskupsstóll var fyrst settur á
Íslandi árið 1056 í Skálholti.
Vígsluvottarnir við athöfnina nú eru alls þrett-
án, tveir þeirra eru íslenskir sem séra Agnes hefur
valið sér. Aldrei hafa fleiri erlendir gestir tekið þátt
í vígsluathöfn biskups hér á landi og nú, alls ellefu.
Síðan 1959 hefur sú regla gilt að norrænir lúterskir
biskupar séu viðstaddir slíka athöfn á Íslandi.
Erlendir vígsluvottar nú eru erkibiskupar og bisk-
upar norrænu þjóðanna auk biskupa frá Bretlandi,
Írlandi, Skotlandi og lettnesku kirkjunni erlendis.
Tveir erlendu biskupanna eru konur.
Spurð hvort Agnes beri einhvern kvíðboga fyrir því
að bera biskupskápuna segir hún ekki svo vera. „Ég
veit að þetta er borið með mér, af Drottni sjálfum og
öllum sem standa með mér í kirkjunni.“
Herra Karl hefur ekki ákveðið hvað hann muni taka
sér fyrir hendur þegar hann lætur af embætti. - bþh
Agnes M. Sigurðardóttir verður vígð til biskups yfir Íslandi á sunnudag:
Drottinn ber skrúðann með mér
TÁKN EMBÆTTISINS Þó íslenskir biskupar noti ekki biskups-
staf er það mikilvægt tákn biskupsembættisins. Agnes mun
klæðast biskupskápu Péturs Sigurgeirssonar í biskupstíð sinni.
Hún gerir ekki ráð fyrir að nota mítrið sem fylgir skrúðanum.
FRÉTTABLAÐIÐ/GVA
SJÁVARÚTVEGUR Veiðigjöld munu
skila ríkissjóði rúmlega 83 millj-
örðum króna á næstu fimm fisk-
veiðiárum, samkvæmt áætlun
sjávarútvegsráðuneytisins. Strax
á næsta fiskveiðiári, sem hefst 1.
september, verða tekjurnar 12,8
milljarðar króna, en fiskveiðiárið
2016/2017 verða þær rúmir tuttugu
milljarðar.
Jóhanna Sigurðardóttir forsætis-
ráðherra áréttaði í gær að ranglega
hefði verið sagt frá því í fjölmiðlum
að veiðigjöldin giltu aðeins í eitt ár
og því væri fjárfestingaráætlun rík-
isstjórnarinnar í uppnámi. „Þvert á
móti munu veiði-
gjöldin verða
stigvaxandi á
næstu árum
verði fyrirliggj-
andi lagafrum-
varp samþykkt
eins og þinglok
geri ráð fyrir,“
segir í yfirlýs-
ingu forsætis-
ráðherra í gær.
Einar K. Guðfinnsson, þing-
maður Sjálfstæðisflokksins, segir
veiðigjaldið ofviða sjávarútvegin-
um og muni hafa mjög alvarlegar
afleiðingar, bæði fyrir greinina og
þjóðina alla.
„Ég tel því að það séu almanna-
hagsmunir að hrinda þessari laga-
setningu af höndum okkar við
fyrsta tækifæri.“ - kóp
Þingmaður segir Sjálfstæðisflokkinn munu breyta veiðigjöldum á ný komist hann í ríkisstjórn:
Veiðigjöld fara yfir 20 milljarða 2016/2017
Áætlaðar tekjur af veiðigjöldum
Milljónir kr. 2012/13 2013/14 2014/15 2015/16 2016/17
Almennt gjald 4.446 4.446 4.446 4.446 4.446
Sérstakt gjald
Botnfiskafli 7.881 9.896 11.209 12.521 13.833
Uppsjávarafli 1.967 2.367 2.671 2.976 3.281
Samtals 14.294 16.709 18.326 19.943 21.560
Ívilnun v/kvótaskulda 1.500 1.500 1.500 1.500 1.500
Áætlaðar tekjur 12.794 15.209 16.826 18.443 20.060
FORSETAKJÖR Alls 235.784 Íslend-
ingar hafa kosningarétt í komandi
forsetakosningum. Hefur Íslend-
ingum með kosningarétt fjölgað
um 7.941, eða 3,5%, frá Alþingis-
kosningunum 2009.
Þetta kemur fram í kjörskrár-
stofni Þjóðskrár Íslands sem hefur
verið birtur á vefsíðu stofnunar-
innar. Sveitarstjórnir víða um land
munu svo vinna kjörskrár sínar
eftir kjörskrárstofninum. Endan-
legar kjörskrár gætu tekið smá-
vægilegum breytingum þar sem
tekið verður tillit til tölu látinna og
þeirra sem fá nýtt ríkisfang eftir
að kjörskrárstofnarnir voru unnir.
Endanleg kjörskrá verður því birt
eftir kosningarnar. - mþl
Forsetakjör 30. júní:
235.784 Íslend-
ingar kjörbærir
EINAR K.
GUÐFINNSSON
SLYS Lögreglumaður var fluttur
með sjúkrabifreið á slysadeild
þegar hann féll af vélhjóli sínu
í Kópavogslækinn í gær. Hann
hafði verið að veita bifhjóla-
manni eftirför þegar óhappið
varð. Sá komst undan.
Lögreglumaðurinn kvartaði
undan eymslum í öxl eftir slysið.
Vélhjól lögreglunnar er nokkuð
skemmt en það var híft úr lækn-
um með krana.
Lögreglan rannsakar nú eftir-
litsmyndavélar til að reyna að
hafa uppi á bifhjólamanninum
sem komst undan. - bþh
Lögreglumaður á slysadeild:
Féll í Kópavogs-
læk við eftirför
LÖGREGLUHJÓLIÐ Hjólið er nokkuð
skemmt en það var híft úr Kópavogslæk
síðdegis í gær. MYND/STÖÐ 2
EGYPTALAND Þúsundir komu
saman og mótmæltu á Frelsis-
torginu í Kaíró í Egyptalandi í
gærkvöldi.
Fólkið mótmælti ákvörðun
hersins um að taka til sín völd
samkvæmt bráðabirgðastjórnar-
skrá. Herráðið hefur leyst upp
þingið og tekið sér löggjafarvald
þar til nýtt þing verður kosið.
Bræðralag múslima segir þetta
vera valdarán.
Herforingjarnir segjast ætla
að afhenda nýjum forseta völd, en
Mohammed Morsi, frambjóðandi
Bræðralags múslima segist hafa
unnið í kosningunum. Það hefur
frambjóðandi herráðsins einnig
gert. - þeb
Þúsundir komu saman í gær:
Mótmælt á
Frelsistorginu
STJÓRNMÁL Kjartan Magnússon,
borgarfulltrúi Sjálfstæðisflokks-
ins, gagnrýndi á borgarstjórnar-
fundi í gær framkvæmd Reykja-
víkurborgar á hátíðarhöldum
vegna 17. júní síðasta sunnudag.
Kjartan sagði
að víða væri
óánægja með
framkvæmd
hátíðarinnar,
ekki síst með
þá ákvörðun að
leggja niður tón-
leika að kvöldi
þjóðhátíðar-
dagsins.
Kjartan velti
því upp hvort Samfylkingin væri
orðin svo heillum horfin í þrá-
hyggju sinni við að koma Íslandi
inn í ESB að vísvitandi væri dregið
úr viðburðum eins og 17. júní sem
tengdust sjálfstæði og fullveldi
landsins. Hann sagði mikilvægt
að endurskoða alla þætti hátíðar-
haldanna og tryggja að betur verði
staðið að málum á næsta ári. - mþl
Borgarstjórnarfundur í gær:
Gagnrýndi 17.
júní hátíðarhöld
KJARTAN
MAGNÚSSON
SPURNING DAGSINS
Breiðumörk 1c, 810 Hveragerði / www.hotelork.is / info@hotel-ork.is / sími: 483 4700
Njóttu sveitasælunnar – kynntu þér tilboðin á hotelork.is