Fréttablaðið - 10.09.2012, Side 8

10. september 2012 MÁNUDAGUR8
www.volkswagen.is
Volkswagen Caddy
Caddy er áreiðanlegur, sparneytinn og þægilegur
í allri umgengni. Lipur vinnuþjarkur með frábæra
aksturseiginleika og ríkulegan staðalbúnað.
Hann er fáanlegur með bensín-, dísil- og metan-
vélum frá framleiðanda.
Caddy* kostar aðeins frá
2.950.000 kr.
(kr. 2.350.597 án vsk)
*Miðað v ið Caddy TSI bensín, 86 hestöfl, beinskiptur.
Aukahlutir á mynd, álfelgur og þokuljós.
Góður
vinnufélagi
Til afgreiðslu strax
Atvinnubílar
Fæst einnig
fjórhjóladrifinn
Fréttaviðtal: Fjölþjóðleg samvinna á Norðurslóð
Bandaríski öldungadeild-
arþingmaðurinn Lisa
Murkowski var stödd hér
á landi í vikunni þar sem
hún sótti þingmannaráð-
stefnu um norðurskautsmál.
Hún segir nauðsynlegt að
styrkja formlegt hlutverk
Norðurskautsráðsins og
tekur undir hugmyndir um
nánara tvíhliða samstarf
Bandaríkjanna og Íslands á
margvíslegum sviðum.
„Við í þingmannaráðinu hittumst á
tveggja ára fresti og nú sem fyrr
vorum við að ræða hin margvís-
legu mál sem tengjast norðurslóð-
um,“ segir Murkowski í samtali
við Fréttablaðið, en hún er annar
fulltrúa Alaskaríkis í öldungadeild
bandaríska þingsins.
„Þar á meðal ræddum við um
stjórnun yfir svæðinu, uppbygg-
ingarverkefni og fleira. En mikil
áhersla var lögð á nauðsyn þess
að efla Norðurskautsráðið og að
það verði viðurkennt formlega
sem samráðsvettvangur aðildar-
þjóðanna í málefnum sem tengj-
ast Norðurslóðum.“
Sameiginlegir hagsmunir
Murkowski segir norðurskauts-
svæðið í stöðugri þróun, meðal
annars með bráðnun hafíshell-
unnar og það sé skylda norður-
heimskautsþjóða að tryggja aukna
samvinnu og samráð.
„Það eru sameiginlegir hags-
munir okkar allra að tryggja það
að öll þau skref sem við tökum séu
tekin af ábyrgð og nærgætni gagn-
vart umhverfinu.“
Aðspurð hvort ekki sé erfitt að
finna jafnvægi milli þess að vinna
að efnahagslegri uppbyggingu og
vernda umhverfið segir hún svo
vissulega vera, ekki síst í hennar
heimaríki, Alaska. Þar eru gríðar-
legir hagsmunir í olíu- og gas-
vinnslu og síðustu misseri hafa
staðið harkalegar deilur innan
Bandaríkjanna um það hvort taka
eigi ný svæði undir vinnslu.
„Það er alltaf spenna milli þró-
unarverkefna og þess að tryggja
það að gengið sé fram með ábyrgð
gagnvart umhverfinu. Shell hefur
nú fengið rannsóknarleyfi á haf-
svæðinu norður af Alaska, fyrst
fyrirtækja í þrjátíu ár. Stjórnvöld
hafa hins vegar sett afar ströng
skilyrði með tilliti til áhrifa á loft,
vatn og dýralíf á svæðinu. Kröf-
urnar eru miklar enda er afar
mikilvægt að tryggja rétt vinnu-
brögð til að vera viss um að halda
jafnvægi milli þróunarverkefna og
náttúruverndar.“
Mikilvæg tengsl
Á fundi Össurar Skarphéðinsson-
ar utanríkisráðherra og Hillary
Clinton, starfssystur hans, í fyrra-
vor boðuðu þau bæði nánara sam-
starf þjóðanna, ekki síst varðandi
málefni sem varða norðurslóðir.
Murkowski segist aðspurð sjá
mikla og margvíslega möguleika
á tvíhliða samstarfi Íslands og
Bandaríkjanna, enda sé margt
hægt að læra af Íslendingum.
„Það er kominn tími til þess
að við Bandaríkjamenn leggjum
harðar að okkur við að styrkja
sambandið. Ekki aðeins við
Ísland, heldur öll heimskautsrík-
in. Við höfum verið nokkuð sein
að átta okkur á því að við erum
sannarlega norðurskautsþjóð, en
það stendur til bóta og við eigum
margt sameiginlegt.“
Murkowski segir til dæmis von
á sendinefnd stjórnmálamanna
og viðskiptafólks frá Alaska til
Íslands fyrir lok árs.
„Þau munu til dæmis kynna
sér hvernig Íslendingar hafa
nýtt sér jarðhita, sem við Alas-
kabúar eigum einnig, og hvernig
umhverfis vænir og ódýrir orku-
gjafar hafa gert ykkur kleift að
fjölga tækifærum ykkar á sviðum
eins og sjávarútvegi. Þar getum
við lært margt og áður en ég
sný aftur heim mun ég til dæmis
heimsækja orkuver [HS Orku í
Svartsengi], kolefnisendurvinnslu
Carbon Recycling og fiskþurrkun-
arverksmiðju. Í þeim efnum geta
aðrir lært af ykkur, þannig að
ég er algerlega sammála Clinton
utanríkisráðherra um að við eigum
að auka verulega samstarf Banda-
ríkjanna við Ísland.“
Horft fram á við
Bandaríski herinn yfirgaf landið
þegar flotastöðin á Keflavíkur-
flugvelli var lögð niður árið 2006. Í
ljósi þróunar síðustu ára og aukins
vægis Íslands á alþjóðavettvangi í
krafti stöðu sinnar gæti ákvörðun
bandarískra stjórnvalda um brott-
för virst ótímbær, en Murkowksi
segir fánýtt að velta slíku fyrir sér
eins og sakir standa.
„Það er alltaf auðvelt að líta um
öxl, en það sem skiptir nú máli er
að horfa fram á við og skoða þau
svið þar sem við getum aukið sam-
starf þjóðanna.“
Vill auka verulega samstarf við Ísland
LISA MURKOWSKI Hún segir mikilvægt að Norðurskautsráðið verði viðurkennt formlega sem samráðsvettvangur aðildarþjóðanna í málefnum sem tengjast Norðurslóðum.
FRÉTTABLAÐIÐ/ANTON
Þorgils
Jónsson
thorgils@frettabladid.is
Lisa Murkowski er fædd árið 1957 í Alaska og er annar tveggja fulltrúa ríkis-
ins í öldungadeild bandaríska þingsins. Hún er repúblikani og hefur setið
í öldungadeildinni frá árinu 2002. Hún tók við þingsæti föður síns, Franks
Murkowski, eftir að hann var kjörinn ríkisstjóri Alaska.
Frank náði ekki endurkjöri árið 2006, en þá laut hann í lægra haldi fyrir
Söruh Palin. Í forvali Repúblikanaflokksins fyrir öldungadeidarkosning-
arnar 2010 tók Palin afstöðu gegn Lisu Murkowski sem tapaði í því kjöri.
Murkowski bauð sig hins vegar fram á eigin vegum og varði sæti sitt með
sigri í þingkosningunum.
Fædd og uppalin í Alaska:
Það eru sameiginlegir hagsmunir okkar
allra að tryggja það að öll þau skref sem
við tökum séu tekin af ábyrgð og nærgætni
gagnvart umhverfinu.