Fréttablaðið - 04.10.2012, Side 18

18 4. október 2012 FIMMTUDAGUR
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is og Trausti Hafliðason trausti@frettabladid.is
HELGAREFNI: Sigríður Björg Tómasdóttir, ritstjórnarfulltrúi, sigridur@frettabladid.is MENNING: Bergsteinn Sigurðsson bergsteinn@frettabladid.is DÆGURMÁL: Kjartan Guðmundsson kjartan@frettabladid.is FÓLK OG SÉRBLÖÐ: Elín Albertsdóttir elin@365.is og Vera Einarsdóttir vera@365.is
ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
greinar@frettabladid.is
FRÁ DEGI TIL DAGS
HALLDÓR
Stundum verð ég orðlaus, ekki oft samt. Það gerðist þó þegar ég heyrði að for-
maður Sjálfstæðisflokksins teldi þjóðarat-
kvæðagreiðsluna 20. október ólýðræðislega.
Mér skildist að það væri vegna þess að hann
teldi að stjórnarflokkarnir ætluðu að nota
niðurstöðurnar til að rökstyðja það sem best
hentaði stefnu þeirra.
Það var stefna stjórnarflokkanna að efna
til stjórnlagaþings til að endurskoða stjórn-
arskrána. Sjálfstæðisflokkurinn var and-
vígur því. Málamiðlun náðist á Alþingi um
að skipa stjórnlaganefnd, boða til þjóðfund-
ar og loks halda stjórnlagaþing. Mig minnir
að það hafi verið hugmynd stjórnarandstöð-
unnar að halda þjóðfundinn.
Af hverju þessi málamiðlun? Jú, til þess
að reyna að vinna það mikilvæga verkefni
sem endurskoðun stjórnarskrárinnar er í
sem mestu samkomulagi þjóðar og þings.
Þingmenn Sjálfstæðisflokksins greiddu ekki
atkvæði með heildartillögunni. Þeir voru
sjálfum sér samkvæmir í því að þiggja eða
kannski taka en gefa ekkert til baka. Líkleg-
ast er barnaskapur að ergja sig yfir því.
Þverskurður fólksins í landinu, 950
manns, mætti á þjóðfundinn. 522 – fimm
hundruð tuttugu og tveir – buðu sig fram
til stjórnlagaþings. Hæstiréttur komst að
þeirri skrýtnu niðurstöðu að framkvæmd
kosninganna hefði verið á þann veg að rétt
væri að ógilda kosninguna. Alþingi ákvað
að skipa þá fulltrúa sem hlutu kosningu í
stjórnlagaráð.
Stjórnlagaráð náði samkomulagi um
heildarendurskoðun stjórnarskrárinnar. Það
hefur Alþingi ekki tekist í gegnum áratug-
ina þrátt fyrir margar stjórnarskrárnefndir.
Stjórnlagaráðið byggði á niðurstöðum þjóð-
fundarins. Nú er fólkið í landinu spurt hvort
það vilji að frumvarp að nýrri stjórnarskrá
verði byggt á tillögum stjórnlagaráðsins. –
Ég fæ ekki séð að það þurfi að túlka niður-
stöðu úr þeirri atkvæðagreiðslu. Annað-
hvort segir meirihluti þeirra sem taka þátt
já eða þeir segja nei. Það er ekki flóknara en
það. Ég trúi því að fleiri muni segja já.
Sumir stjórnmálamenn og sumir lög-
fræðingar telja sig eina til þess fallna að
gera tillögu að stjórnarskrá. Þeir telja sig
hafa einhverja eiginleika sem við hin höfum
ekki. Stjórnarskráin er fyrir okkur öll og
hún verður best ef hún kemur frá fólkinu í
landinu.
Ja hérna, ólýðræðisleg
þjóðaratkvæðagreiðsla!
Ný stjórnar-
skrá
Valgerður
Bjarnadóttir
alþingismaður
Einn áhugalaus
Eftir að Jóhanna Sigurðardóttir til-
kynnti í síðustu viku að hún væri
á leið úr stjórnmálum fóru af stað
miklar vangaveltur um það hver yrði
arftaki hennar, eins og við var að
búast. Haft var samband við framá-
fólk í Samfylkingunni sem flest þótt-
ist moðvolgt fyrir því að gefa
kost á sér en var líklega
flest ýmist mun volgara
en það lét uppi – nú,
eða mun fráhverfara því.
Einungis einn var harður
á því að hann hefði
engan áhuga. Sá heitir
Össur Skarphéðinsson
og hefur reyndar áður verið formaður
Samfylkingarinnar.
Fléttan
Strax og umræðan fór á flug þóttust
sumir sjá fléttu næstu vikna og mán-
aða í hendi sér: Deilur mundu að
vonum rísa um það hver hinna köll-
uðu ætti að taka við kaleik Jóhönnu.
Fljótlega færu að berast fréttir af því
að ónefnt Samfylkingarfólk væri
farið að þrýsta á Össur að taka að
sér verkefnið til að lægja öldurnar.
Hann mundi svo taka svokall-
aðan Ólaf Ragnar, svara
kallinu og láta til leiðast
af einskærri fórnfýsi.
Fyrsta frétt
Og viti menn. Í gær barst frétt af
því að ónefndir Samfylkingarmenn
væru farnir að þrýsta á Össur að
gefa kost á sér til formennsku.
Hann hefur það í hendi sér
hvort spádómurinn rætist enn
frekar, en glæst frammistaða hans
á allsherjarþingi Sameinuðu
þjóðanna um helgina vakti á
honum verðskuldaða athygli
og verður síst til þess að
skemma fyrir honum ef
hann ákveður að láta
undan þrýstingnum.
stigur@frettabladid.isB
reytt framtíðarsýn fyrir unga Íslendinga er útgangs-
punktur þess breiða hóps, sem í fyrradag hittist á Hótel
Nordica og samþykkti ályktun undir fyrirsögninni „sam-
staða um þjóðarhagsmuni“.
Í ályktuninni er bent á að mikilvægasta verk-
efni íslenzkra stjórnmála sé að tryggja sambærileg lífskjör og í
nágrannalöndunum. Við ungu fólki á Íslandi blasi hins vegar framtíð
með lægri launum, dýrara lánsfé, minna athafnafrelsi og veikara
velferðakerfi. Fyrirsjáanlegt sé að Ísland muni búa við takmarkanir
á viðskiptafrelsi um langa framtíð, verði ekkert að gert. Hugmyndir
um gjaldeyrishöft í nýju formi sýni að óbreytt staða sé óhugsandi
og endurskoðun samningsins um Evrópska efnahagssvæðið sé óhjá-
kvæmileg.
Til að jafna samkeppnisstöðu
við nágrannalöndin telur hópurinn
nauðsynlegt að ná breiðri sam-
stöðu um fjögur markmið. Í fyrsta
lagi agaða hagstjórn, sem miði að
fjármálastöðugleika og upptöku
nothæfs gjaldmiðils. Í öðru lagi
traustan pólitískan stuðning við
efnahagsmarkmiðin og aðildar-
viðræðurnar við Evrópusambandið, því að aðeins þannig náist eins
hagstæður samningur og mögulegt sé. Í þriðja lagi nýja, raunhæfa
áætlun um aðildarviðræðurnar – sem þýðir væntanlega í raun að í
þær verði tekinn sá tími sem þarf, þannig að makríldeilan þvælist til
dæmis ekki fyrir viðræðum um sjávarútveg og að það sjái fyrir end-
ann á glímu ESB við ríkisfjármála- og skuldavanda. Í fjórða lagi að
stjórnarskránni verði breytt þannig að þjóðin geti tekið ákvarðanir
um stöðu Íslands í Evrópu á næsta kjörtímabili. Það þýðir að sett
verði í hana ákvæði um að framselja megi vald til alþjóðastofnana.
Fundurinn ítrekaði það rökrétta sjónarmið að ekki eigi að veikja
stöðu Íslands með því að útiloka einstaka kosti, það er að segja
aðildina að ESB, á meðan ekki sé vitað að aðrir vegir séu færir. Það
sem einkennir málflutning allra þeirra, sem vilja draga aðildarum-
sóknina til baka, er að þeir vita ekki hvaða aðra leið á að fara til að
verja framtíðarhagsmuni Íslendinga.
Hópurinn sem samþykkti þessa ályktun býr að mikilli þekk-
ingu og reynslu. Hann er saman settur úr framáfólki úr vísindum,
menntakerfi, atvinnulífi og stjórnmálum. Þeir sem komið hafa
nálægt pólitík eru flestir úr Sjálfstæðisflokki, Framsóknarflokki
og Samfylkingu.
Með þessum málflutningi er talað beint inn í tómarúmið á miðj-
unni, sem þessir þrír flokkar hafa allir vanrækt. Ályktunin er eins
og fyrstu drög að stefnuskrá efnahagslega frjálslynds, alþjóðasinn-
aðs flokks – sem er ekki til á Íslandi í dag en margir gætu hugsað
sér að kjósa.
Forsvarsmenn hópsins segjast ekki ætla sér í framboð, alltént
ekki að svo stöddu. Hins vegar hljóta forystumenn í áðurnefndum
þremur flokkum að hugsa sitt. Hvernig ætla þeir að ná atkvæðum
þeirra kjósenda sem hugsa eins og þessir 72, sem settu nöfn sín
undir ályktunina?
Skynsamleg stefna um að verja þjóðarhag:
Talað inn í tóma-
rúmið á miðjunni
Ólafur Þ.
Stephensen
olafur@frettabladid.is
SKOÐUN