Fréttablaðið - 04.10.2012, Qupperneq 31

Kynningarblað Spelkur, öryggishnappar, nýjar
rannsóknarniðurstöður, bætt færni og lífsgæði
SJÚKRAÞJÁLFUN
FIMMTUDAGUR 4. OKTÓBER 2012
&STOÐTÆKI
Þeir sem þurfa meðferð sjúkraþjálfara þurfa alla jafna beiðni frá lækni. Hún gefur rétt á allt að 20 skipta meðferð
með að lágmarki 27 prósenta niðurgreiðslu
frá Sjúkratryggingum Íslands. Sé um
bráðatilfelli að ræða er þó hægt að leita beint
til sjúkraþjálfara.
„Þegar sjúklingur kemur beint kallast það
bráðameðferð. Hún þarf þó að vera fram-
kvæmd í samráði við lækni og er yfirleitt haft
samband við heimilislækni viðkomandi. Þá
eru málin rædd og má sjúkraþjálfari veita
meðferð í tíu skipti með munnlegu sam-
þykki læknisins,“ útskýrir Ólafur Þór Guð-
björnsson, sjúkraþjálfari hjá Sjúkraþjálfun
Íslands. „Ef sjúklingur þarf meðferð umfram
það þarf hins vegar beiðni frá lækni.“
Sjúklingur fær sömu niðurgreiðslu í
bráðameðferð og í almennri meðferð en
sjúkraþjálfarinn sér um að innheimta hana
í báðum tilfellum og sækir hana rafrænt til
Sjúkratrygginga Íslands. Ólafur segir al-
gengast að fólk komi inn með beiðni frá
lækni en að þó sé alltaf eitthvað um bráða-
tilfelli. „Stundum er löng bið eftir tíma hjá
lækni og nauðsynlegt að hefja meðferð fyrr.
Auk þess geta komið upp skyndileg vanda-
mál sem þarf að bregðast við.“
„Þegar sjúklingur kemur beint kallast það bráðameðferð. Hún
þarf þó að vera framkvæmd í samráði við lækni og er yfirleitt haft
samband við heimilislækni viðkomandi.“
Meðferð ávallt í samráði við lækni
Sjúkraþjálfarar veita meðferð í samráði við lækni. Yfirleitt er ferlið þannig að sjúklingur fær beiðni frá lækni sem gefur rétt á allt að
20 skipta meðferð. Í bráðatilfellum er þó hægt að leita beint til sjúkraþjálfara sem þarf engu að síður munnlegt samþykki læknis.