Fréttablaðið - 30.10.2012, Blaðsíða 4

30. október 2012 ÞRIÐJUDAGUR4
Tónlist verksins Nýjustu fréttir var í
höndum Sóleyjar Stefánsdóttur en
það kom ekki fram í dómi Frétta-
blaðsins um verkið sem birtist síðast-
liðinn föstudag.
ÁRÉTTING
VIÐSKIPTI Síminn hefur skrifað
undir nýjan þriggja ára samning
við Farice um fjarskiptasamband
við útlönd. Eldri samningi var sagt
upp í júní síðastliðnum en með
nýja samningnum verður umtals-
verð hækkun á því verði sem Sím-
inn greiðir fyrir fjarskiptasam-
band.
„Nýi samningurinn hefur í för
með sér umtalsverðan kostnað
fyrir okkur þar sem Farice er að
hækka verðskrá sína. Ég get hins
vegar ekki nefnt tölur í því sam-
hengi vegna trúnaðarákvæðis,“
segir Sævar Freyr Þráinsson, for-
stjóri Símans, og bætir við að mik-
ilvægt hafi verið fyrir fyrirtækið
að ganga frá samningnum þar sem
hann tryggi viðskiptavinum Sím-
ans áfram öruggt og snurðulaust
netsamband.
Farice rekur tvo af þremur
sæstrengjum sem tengja Ísland
við umheiminn. Íslensku símafyr-
irtækin kaupa aðgang að strengj-
unum sem er þeim nauðsynlegur
til að þau geti boðið upp á Inter-
netþjónustu.
Í kjölfar þess að Farice sagði
upp samningum sínum við síma-
fyrirtækin í júní lýsti Sævar Freyr
opinberlega yfir áhyggjum vegna
þeirrar verðhækkunar sem Farice
boðaði þá og nam 179%. Sagði hann
meðal annars í samtali við útvarps-
þáttinn Reykjavík síðdegis að verð-
breytingin gæti valdið hækkun á
verði Internetþjónustu og þannig
haft áhrif á alla landsmenn.
Sævar Freyr segir hins vegar
nú að engin ákvörðun hafi verið
tekin um verðhækkanir. „Engar
ákvarðanir hafa
verið teknar á
þessari stundu.
Við erum bara
nýbúin að ljúka
við gerð þessa
samnings og
framhaldið er
því enn óráðið.“
Farice hefur
enn ekki gert
endurnýjaðan
samning við Vodafone en viðræð-
ur Farice við símafyrirtækin um
nýjan samning hófust í janúar.
Farice er að stærstum hluta
í eigu íslenska ríkisins (30,2%),
Landsvirkjunar (28,9%) og Arion
banka (39,3%). Fyrirtækið tapaði
8,6 milljónum evra á síðasta ári
sem jafngildir ríflega 1.400 millj-
ónum króna á núverandi gengi. Á
fyrstu sex mánuðum þessa árs tap-
aði fyrirtækið 4,8 milljónum evra.
Ómar Benediktsson, fram-
kvæmdastjóri Farice, segir að
félagið verði áfram rekið með tapi
þrátt fyrir nokkra nýja samninga.
„Félagið verður því miður áfram
rekið með tapi. Við höfum hins
vegar ekki misst móðinn og erum
að vinna að því að efla gagnavera-
iðnaðinn hér á landi. Það er lang-
tímaverkefni sem við bindum
vonir við að geti hjálpað okkur.
Það er kannski einmitt í ljósi trúar
okkar á þann iðnað sem við ætl-
umst ekki til þess að aðrir borgi
það sem við þyrftum í raun að fá,“
segir Ómar. magnusl@frettabladid.is
Síminn greiðir meira
fyrir netsamband
Síminn og Farice hafa gert með sér nýjan samning um fjarskiptasamband við
útlönd. Forstjóri Símans segir kostnað fyrirtækisins vegna veitingar netþjón-
ustu aukast umtalsvert með samningnum. Verð á netþjónustu gæti hækkað.
SÆVAR FREYR
ÞRÁINSSON
FARICE Farice rekur tvo sæstrengi sem íslensku símafyrirtækin kaupa aðgang að en
sá aðgangur er þeim nauðsynlegur til að geta boðið viðskiptavinum upp á netþjón-
ustu. MYND/FARICE
VEÐURSPÁ
Alicante
Basel
Berlín
Billund
Frankfurt
Friedrichshafen
Gautaborg
Kaupmannahöfn
Las Palmas
London
Mallorca
New York
Orlando
Ósló
París
San Francisco
Stokkhólmur
HEIMURINN
Vindhraði er í m/s.
Hitastig eru í °C.
Gildistími korta er um hádegi.
19°
9°
5°
8°
6°
7°
7°
7°
25°
10°
23°
15°
19°
-3°
11°
20°
5°Á MORGUN
13-20 m/s,
hægara SA-til.
FIMMTUDAGUR
Víða 13-18 m/s,
hvassara SA-til.
0
0
-1
0
-2
1
-3
1
-1
2
-6
10
18
15
13
9
14
9
13
10
13
9
2
1
0
0
-1
0
-3 -2
-1
0
ÓVEÐUR? Veður-
útlitið er ekki gott
næstu daga. Það
hvessir í dag og
næstu daga má
búast við stífum
N- og NA-áttum.
Horfur eru á snjó-
komu eða éljum
norðan- og austan-
til með tilheyrandi
hættu á að færð
spillist. Sunnantil
verður úrkomulítið
að mestu.
Soffía
Sveinsdóttir
veður-
fréttamaður
VELFERÐARMÁL Lúðvík Geirsson, stjórnarformað-
ur Fasteignasjóðs sveitarfélaganna, segir nauð-
synlegt að stofna lánasjóð sem sveitarfélögin
geti sótt peninga í til að sporna við úrræðaleysi
fyrir geðfatlaða.
Sveitarfélögin fengu að kaupa fasteignir fyrir
fatlaða á 25 ára skuldabréfum þegar yfirfærsl-
an frá ríki yfir á sveitarfélög átti sér stað fyrir
tveimur árum. Þessar fasteignir eru tæplega
áttatíu talsins og voru í eigu Fasteignasjóðs.
Guðbjartur Hannesson velferðarráðherra
sagði í Fréttablaðinu í gær að hann sæi fyrir
sér að nýta féð í sjóðnum til að aðstoða sveitar-
félögin við byggingu á húsnæðinu. Flestar bygg-
ingarnar hafa nú þegar verið seldar sveitarfélög-
unum. Andvirði húsanna nam fyrir tveimur
árum um 3,5 milljörðum. Lúð-
vík bendir þó á að sveitarfé-
lögin hafi meira en tvo ára-
tugi til að borga lánið upp.
„Til að fá nýjar eignir
þyrfti að útbúa lánasjóð sem
lánar sveitarfélögunum til
þessara bygginga og svo komi
Fasteignasjóður með stuðning
til að létta undir með þeim,“
segir Lúðvík. „Okkur vantar
þennan lánaflokk og hann þarf að tryggja til að
hægt verði að ráðast í fjárfestingar.“
Lúðvík bendir á að fjármagn úr Fasteignasjóði
muni svo koma inn þegar þar að kemur, en lána-
sjóðurinn myndi brúa bilið þess á milli. - sv
Stjórnarformaður segir brýnt að bregðast við úrræðaleysi sveitarfélaganna þegar kemur að geðsjúkum:
Sérstakur lánasjóður aðstoði við uppbyggingu
LÚÐVÍK GEIRSSON
SÉRSTAKLEGA SLÆMT Á SELFOSSI Læknar á Kleppi
segja búsetuúrræðum fyrir geðsjúka sérstaklega
ábótavant á Selfossi. FRÉTTABLAÐIÐ/GVA
STJÓRNMÁL Jóhanna Sigurðardóttir
forsætisráðherra hvatti fjármála-
fyrirtæki til að ljúka endurút-
reikningum
gengislána eins
fljótt og auðið
er í ræðu sinni á
flokksstjórnar-
fundi Samfylk-
ingarinnar á
Hótel Reykjavík
Natura á laug-
ardag.
Í ræðunni
sagði hún orð-
rétt: „Í ljósi nýjasta dóms Hæsta-
réttar eru allar grundvallarfor-
sendur varðandi útreikningana
komnar á hreint og því ekki eftir
neinu að bíða með endurreikning.“
Margt annað bar á góma í ræðu
Jóhönnu. Þannig gerði hún stöðu
efnahagsmála og alþingiskosn-
ingarnar í vor að umtalsefni, en
ræðuna má lesa í heild sinni á vef
Samfylkingarinnar. - mþl
Ræða Jóhönnu Sigurðardóttur:
Bankar hraði
útreikningum
JÓHANNA
SIGURÐARDÓTTIR
LÖGREGLUMÁL Maður á fimmtugs-
aldri lést á lögreglustöðinni við
Hverfisgötu í fyrrakvöld.
Maðurinn var handtekinn á
sunnudagskvöld vegna óspekta
í miðbænum. Hann veitti mót-
spyrnu við handtöku, að því er
fram kemur í tilkynningu frá lög-
reglu. Hann var í kjölfarið fluttur
á lögreglustöð en þar fékk hann
skyndilegt hjartastopp og lífgun-
artilraunir báru ekki árangur.
Málinu hefur verið vísað til
rannsóknar hjá embætti Ríkissak-
sóknara eins og lög gera ráð fyrir.
Þar hefur verið óskað eftir krufn-
ingu og mun framhald málsins
ráðast af niðurstöðu hennar. - sh
Hjartað hætti óvænt að slá:
Maður lést í
haldi lögreglu
VINNUMÁL Atvinnulausum býðst
stuðningur Rannsóknaseturs
verslunarinnar, Nýsköpunarmið-
stöðvar og Vinnumálastofnun-
ar við að stofna samvinnufélög.
Tilgangurinn er að skapa fólki
atvinnu og efla nýsköpun.
Um er að ræða tilraunaverkefni
sem kynnt verður í höfuðstöðvum
Nýsköpunarmiðstöðvar í Árleyni
milli klukkan tvö og hálf fjögur í
dag, þriðjudag.
Í aðstoðinni felst meðal annars
að fólk heldur rétti til atvinnu-
leysisbóta þá 12 mánuði sem verk-
efnið stendur, kennsla í verkleg-
um rekstrarþáttum og handleiðsla
Nýsköpunarmiðstöðvar. Verkefnið
á að hefjast í janúar. - óká
Tólf mánaða tilraunaverkefni:
Verða ekki af
bótarétti sínum
VIÐSKIPTI Nýherji hagnaðist um 5
milljónir króna á þriðja ársfjórð-
ungi ársins. Til samanburðar tap-
aði fyrirtækið 60 milljónum króna
á sama tímabili í fyrra.
Rekstrarhagnaður fyrir
afskriftir, fjármagnsliði og skatta
nam 125 milljónum á tímabilinu
sem gerir samanlagt 335 milljónir
á fyrstu níu mánuðum ársins. Það
sem af er ári er tap félagsins hins
vegar tíu milljónir.
Fram kemur í fjárfestakynn-
ingu vegna uppgjörsins að
afkoma af innlendum rekstri hafi
verið góð á árinu en að afkoma
af erlendri starfsemi hafi verið
verulega undir áætlun. - mþl
Uppgjör þriðja ársfjórðungs:
Nýherji hagnast
um 5 milljónir
GENGIÐ 29.10.2012
GJALDMIÐLAR KAUP SALA
HEIMILD: Seðlabanki Íslands
226,7997
GENGISVÍSITALA KRÓNUNNAR
127,12 127,72
204,1 205,1
163,97 164,89
21,98 22,108
22,001 22,131
19,004 19,116
1,5973 1,6067
195,17 196,33
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
AUGLÝSINGADEILDIR FRÉTTABLAÐSINS – AUGLÝSINGASTJÓRI: Jón Laufdal jonl@frettabladid.is ALMENNAR SÍMI 512-5401: Einar Davíðsson einar.davidsson@365.is, Guðmundur Steinsson gudmundurs@365.is, Hjördís Zoëga hjordis@frettabladid.is, Hlynur Þór Steingrímsson hlynur@365.is, Laila Awad laila@365.is,
Örn Geirsson orn.geirsson@365.is FÓLK/LÍFIÐ/SÉRBLÖÐ SÍMI 512-5402: Benedikt Freyr Jónsson benediktj@365.is, Elsa Jensdóttir elsaj@365.is, Jóna María Hafsteinsdóttir jmh@365.is, Sigríður Dagný Sigurbjörnsdóttir sigridurdagny@365.is, Sverrir Birgir Sverrisson sverrirbs@365.is
RAÐAUGLÝSINGAR /FASTEIGNIR SÍMI 512-5403: Hrannar Helgason hrannar@365.is, Viðar Ingi Pétursson vip@365.is ÞJÓNUSTUAUGLÝSINGAR SÍMI 512-5407: Arna Rut Kristinsdóttir arnarut@365.is, Sigrún Helga Guðmundsdóttir sigrunh@365.is
PILATES
NÝTT
Í HEILSUBORG!
Markmið Pilates er að lengja og styrkja líkamann með
kerfisbundnum æfingum. Hver æfing er hvetjandi, virkjar
kviðvöðvana og heldur iðkendum við efnið.
Kolbrún þjálfari segir fólk koma afslappað út úr
tímunum en jafnframt fullt af orku.
• Hefst 6. nóvember
• 6 vikur
• Kennari er Kolbrún Jónsdóttir
• Tvö námskeið: Þri og fim kl. 17:30 og 18:30
• Verð kr. 17.900