Fréttablaðið - 30.10.2012, Blaðsíða 20

FÓLK|| F LK | 4
Einbirni eru helmingi líklegri til að glíma við offitu en börn sem eiga
systkini að því er fram kemur í rannsókn sem náði til 12.700 tveggja til
tíu ára barna í átta Evrópulöndum. Niðurstöðurnar voru leiðréttar fyrir
þyngd foreldra, kyni og fæðingarþyngd barnanna.
Til að leita frekari skýringa var BMI-stuðull barnanna borinn saman
við svör foreldra um matarvenjur og sjónvarpsáhorf þeirra ásamt þeim
tíma sem þeir sögðu börnin verja við leik utandyra. „Niðurstöðurnar
gefa meðal annars til kynna að einbirni leika sér sjaldnar utandyra og
eru oftar með sjónvarp í herberginu sínu,“ segir Monica Hunsberger við
Sahlgrensku-akademíuna í Svíþjóð, sem meðal annarra stóð að rann-
sókninni. Aðrir þættir koma líklega til og krefjast niðurstöðurnar frekari
rannsókna.
Um 22 milljónir barna í Evrópu teljast of þung. Rannsóknin sem um
ræðir leiddi einnig í ljós að offita í suðlægari Evrópulöndum eins og á Ít-
alíu, Spáni og Kýpur er þrisvar sinnum algengari en á Norðurlöndunum.
EINBIRNUM HÆTT
VIÐ OFFITU
Einbirnum er hættara við offitu en börnum sem
eiga systkini. Þá eru börn sem búa í suðurhluta Evr-
ópu þrisvar sinnum líklegri til að glíma við offitu
en börn á Norðurlöndunum.
Vefjagigtarsetrið er fyrir allt fólk með vefjagigt sem vill koma og efla sig og hitta aðra. „Þetta
starf er allt unnið í sjálfboðavinnu og
rekið á hugsjóninni einni um að hjálpa
öðrum,“ segir Sigurlín G. Magnúsdóttir,
formaður Vefjagigtarseturs. „Setrið
var stofnað af ellefu konum á aldrinum
nítján til sextíu ára. Við höfum flestar
farið í gegnum endurhæfingu hjá Þraut
og í gegnum hana kynntist hópurinn
fyrst. Eftir endurhæfinguna fórum við
að hittast reglulega á kaffihúsum og
heima hjá hver annarri. Þá kom þessi
hugmynd upp að stofna vefjagigtar-
setur. Við sáum fljótlega að við vorum
farnar að vera virkari, gátum rætt
okkar mál og áttuðum okkur á því að
það er mikil þörf fyrir fólk sem greinist
með vefjagigt að geta aflað sér meiri
þekkingar um sjúkdóminn.“
Sigurlín segir algengt að fólk þurfi
að bíða lengi, þegar það hefur fengið
greiningu á sjúkdómnum, eftir að
komast í endurhæfingu. „Það geta jafn-
vel liðið nokkrir mánuðir áður en fólk
kemst í endurhæfingu þó það sé komið
í veikindafrí. Þá er mikil hætta á að fólk
sitji heima og einangrist. Það er mjög
mikilvægt að komast út og hitta fólk
í svipaðri stöðu. Við hér í Vefjagigtar-
setrinu getum deilt og miðlað af okkar
eigin reynslu. Hingað getur líka fólk
sem grunar að það sé með vefjagigt
komið og fengið upplýsingar.“
Vefjagigtarsetrið eru fyrstu félaga-
samtök sinnar tegundar því þar er
ekki sjúkraþjálfun, slökun, læknaráð-
gjöf eða nokkuð þess háttar. Þar hitt-
ist fólk aðeins til að njóta samvista,
komast út úr húsi og njóta þess sem
það getur gert þó svo það komist ekki
í vinnu eða í skóla. „Það verður opið
að minnsta kosti tvisvar í viku hjá
okkur til að byrja með. Við ætlum að
gera margt saman en engum er skylt
að taka þátt í neinni dagskrá. Í fram-
tíðinni langar okkur að fá fyrirlesara
til að fjalla um vefjagigt, síþreytu, holl-
ustu, heilsu og fleira sem að okkar
málum kemur. Með jákvæðu hugarfari
og bjartsýni í brjósti vonumst við til að
geta tekið höndum saman og eflt hvort
annað í sköpun og samveru,“ segir
Sigurlín.
Frekari upplýsingar um Vefjagigtar-
setrið er að finna á Facebook-síðu
þess. ■ lilja.bjork@365.is
GOTT AÐ HITTAST
HEILSA Vefjagigtarsetrið eru ný félagasamtök sem voru formlega stofnuð
í byrjun október. Þau hafa að leiðarljósi að stuðla að hópefli og samveru
þeirra sem þjást af vefjagigt.
STOFNANDI
Sigurlín er ein þeirra
ellefu kvenna sem
stofnuðu Vefjagigtar-
setrið. Þangað geta þeir
sem þjást af vefjagigt
leitað eftir félagsskap og
fræðslu.
MYND/GVA
FRÓÐLEGIR
FYRIR-
LESTRAR
„Við ætlum að gera
margt saman en
engum er skylt að
taka þátt í neinni
dagskrá. Í framtíð-
inni langar okkur
að fá fyrirlesara til
að fjalla um vefja-
gigt, síþreytu, holl-
ustu, heilsu og
fleira sem að okkar
málum kemur.“
Arctic Trucks | Kletthálsi 3 | 110 Reykjavík | Sími 540 4900 | www.arctictrucks.is
Vönduð amerísk heilsársde
- stærðir 31- 44 tommur
- slitsterk
- neglanleg
- má míkróskera
- frábært veggrip
Gott verð!
Skjót og góð
þjónusta!
kk
Dekkjaverkstæði á staðnum.
Bjóðum alla almenna dekkjaþjónustu.
Lepicol Plús örvar
meltinguna
Lepicol heldur
hægðunum í jafnvægi
Inniheldur Psyllium husk trefjar ásamt mjólkursýrugerlum.
Lepicol Plús inniheldur einnig meltingarenzym. Fæst í öllum
apótekum, heilsuverslunum og heilsuhillum stórmarkaðanna.
Lepicol
- fyrir meltinguna