Fréttablaðið - 30.10.2012, Blaðsíða 10

30. október 2012 ÞRIÐJUDAGUR10
Umboðsmenn
Breyting á Aðalskipulagi
Langanesbyggðar 2007-2027
Sveitarstjórn Langanesbyggðar samþykkti þann 26. júlí 2012
Aðalskipulag Langanesbyggðar 2007-2027.
Tillagan var auglýst frá 14. maí til 4.júlí 2012. Alls bárust 16
athugasemdir og hefur þeim verið svarað. Athugasemdir
leiddu til nokkurra breytinga og hefur aðalskipulagið verið
sent Skipulagsstofnun til afgreiðslu.
Nánari upplýsingar eru veittar hjá sveitarstjóra.
Þórshöfn 29.10.2012
Sveitarstóri Langanesbyggðar
DÝRALÍF Hreindýrskálfur hefur
gert sig heimakominn með kindun-
um á túninu við bæinn Eyrarland í
Fljótsdal. Kálfurinn rakst með fénu
þegar bændurnir voru að smala um
miðjan september en þá var hann
frekar veikburða.
„Beljan hefur sennilega verið
skotin á veiðitímabilinu og kálfur-
inn væntanlega villst frá hjörðinni.
Nú hefur hann hins vegar tekið ást-
fóstri við kindurnar,“ segir Þor-
varður Ingimarsson, bóndi á Eyr-
arlandi.
Þorvarður segir nokkur dæmi
þess að hreindýr villist með þegar
kindunum er smalað þó það sé ekki
algengt. „Kindurnar okkar voru
dálítið tortryggnar í upphafi en
voru fljótar að venjast honum. Nú
erum við að vinna í að temja hann,
gera hann bandvanan svo hægt
sé að teyma hann. Svo fáum við
kannski aktygi og sleða og gerum
hann að alvöru Rúdolf,“ segir Þor-
varður.
Á Eyrarlandi eru börnin, tólf til
fjórtán ára, mjög spennt fyrir hrein-
dýrskálfinum. „Þau gáfu honum hið
frumlega nafn Hreinn,“ segir Þor-
varður hlæjandi. „Þau vilja temja
hann og gera að gæludýri.“
Þorvarður segir Hrein vera bráð-
vitra skepnu. „Það er greinilegt.
Hann er góður að læra og góður í
umgengni. Við höfum hann bara
hérna á túninu en rekum hann svo
niður í rétt og bindum hann. Það er
ekkert stórmál. Hann er fljótur að
gefa eftir bandið – er eins og góður
hestur eða þannig.“
Þorvarður segir að Hreinn hagi
sér nánast alveg eins og rollurnar
að Eyrarlandi. „Hann fylgir hópn-
um alveg eftir og leitar mikið í þær,“
segir Þorvarður en segir kálfinn þó
ekki vera farinn að svara hinu nýtil-
komna nafni sínu. „Nei, við sjáum
engin merki þess,“ segir Þorvarður.
„Hann fær að vera hér eins lengi og
hann kýs. Við skulum sjá hvort hann
lifir af veturinn. Kálfur án hjarðar
er ekki líklegur til að þrauka vetur-
inn.“
kristjan@frettabladid.is
HRIFNIR AF HREINI Tvíburabræðurnir Arnar Óli og Hjálmar Óli Þorvarðarsynir eru
himinlifandi með hreindýrskálfinn Hrein. MYND/ÞORVARÐUR INGIMARSSON
Tvíburabræður temja
lærdómskálfinn Hrein
Krakkarnir á bænum Eyrarlandi í Fljótsdal reyna nú að temja hreindýrskálf
sem villtist með fé í september og gera hann að gæludýri. Kálfurinn hefur
fengið nafnið Hreinn. Kálfurinn er bráðgreindur og námfús, segir bóndinn.
KEEPING UP WITH THE KARDASHIANS
E! ENTERTAINMENT ER Á STÖÐ 2 FJÖLVARP | FÁÐU ÞÉR ÁSKRIFT Á STOD2.IS
Svo fáum við kannski
aktygi og sleða
og gerum hann að alvöru
Rúdolf.
ÞORVARÐUR INGIMARSSON
BÓNDI Á EYRARLANDI