Fréttablaðið - 26.11.2012, Side 55

MÁNUDAGUR 26. nóvember 2012 | MENNING | 23
„Heimilistækin mín eru frá Smith Norland.
Það kemur ekkert annað til greina.“
Þakkargjörðahátíðin hjá Halle Berry
og unnusta hennar, Olivier Martinez,
tók óvænta stefnu á fimmtudaginn.
Barnsfaðir Halle, Gabriel Aubry, var
að skila af sér dóttur þeirra Nöhlu
þegar slagsmál brutust út á milli
hans og Martinez. Á unnustinn að
hafa sagt barnsföðurnum að nú væri
kominn tími til að komast yfir Halle
og halda áfram og var það kveikjan
að slagsmálunum. Báðir enduðu þeir
á slysadeild og Gabriel var bókaður
fyrir óspektir og gert að halda sig í
minnst 90 metra fjarlægð frá Halle,
Olivier og Nöhlu.
Slógust
um Halle
Fyrirhuguðum tónleikum Chris Brown í
Gvæjana hefur verið aflýst vegna ítrekaðra
mótmæla. Þarlend kvenréttindasamtök auk
stjórnarandstöðunnar hafa mótmælt tónleik-
unum vegna líkamsárásarinnar sem Brown var
dæmdur fyrir árið 2009. Brown réðst á þáver-
andi kærustu sína, Rihönnu, og beitti hana grófu
líkamlegu ofbeldi.
Tónleikarnir áttu að fara fram á annan í jólum
en Brown hætti við þau áform eftir að hann fékk
veður af mótmælunum. Samkvæmt tónleika-
haldaranum, Hits & Jams Entertainment, tók
Brown sjálfur þessa ákvörðun því honum þótti
mótmælin óþægileg. Svipuð mótmæli
fóru fram í Svíþjóð fyrir stuttu og var
fólk hvatt til að sniðganga tónleikana.
Þann 25. ágúst árið 2009 var Brown
fundinn sekur um að hafa beitt Rihönnu
líkamlegu ofbeldi og í kjölfarið dæmdur
í fimm ára skilorðsbundið fangelsi, sex
mánuði í samfélagsþjónustu auk með-
ferðar við ofbeldishegðun sinni.
Þrátt fyrir dóminn beið ferill
Browns ekki mikla hnekki og
aðeins fáar útvarpsstöðvar
hættu að spila tónlist hans.
ÓÞÆGINDI Chris Brown hefur
hætt við tónleika sína í Gvæjana
vegna mótmæla. NORDICPHOTOS/GETTY
Armbandsúr sem tilheyrði Elvis
Presley er til sölu hjá bresku upp-
boðshúsi. Líklegt er að minnst 1,2
milljónir króna fáist fyrir úrið.
Armbandsúrið sem um ræðir
fékk Presley í jólagjöf árið 1976 frá
umboðsmanni sínum, Tom Parker.
Presley lést í ágúst árið eftir. Skilaboð
til söngvarans sjást enn grafin í úrið.
„Elvis gleðileg jól þinn vinur Col. Tom
Parker“ stendur grafið í úrið.
Á sama uppboði verður einnig
hægt að bjóða í lífstykki sem Mad-
onna klæddist á tónleikaferðalagi
árið 1990.
Jólagjöfi n
á uppboð
GJÖF TIL SÖLU Armbandsúr sem var
í eigu Elvis Presley fer á uppboð í Eng-
landi. NORDICPHOTOS/GETTY
Á nýársdag 1962 ferðuðust Bítlarnir,
sem þá hétu The Silver Beatles, frá
Liverpool til London til að taka upp
fimmtán lög hjá útgáfunni Decca.
Yfirmaðurinn Dick Rowe átti að
hlusta á lögin með mögulega útgáfu
í huga. Hann varð síðar þekktur sem
maðurinn sem hafnaði Bítlunum.
Tíu af þessum lögum eru á upp-
haflegu „master“-upptökunni sem
verður sett á uppboð á þriðjudaginn.
Talið er að hátt í fjórar milljónir
króna fáist fyrir hana. Ólíklegt er að
hún fari í almenna sölu í framtíðinni
því Bítlarnir eiga sjálfir útgáfuréttinn
á henni.
Bítlaupptökur
boðnar upp
BÍTLARNIR tóku upp tíu lög fyrir útgá-
funa Decca árið 1962.
Tónleikum Browns afl ýst vegna mótmæla
Chris Brown hætti við fyrirhugaða tónleika í Guyana. Brown var dæmdur fyrir líkamsárás árið 2009.
LÆTI Olivier
og Halle
áttu ekki
mjög rólega
þakka-
gjörðar hátíð
í ár.