Fréttablaðið - 27.12.2012, Blaðsíða 62

27. desember 2012 FIMMTUDAGUR| MENNING | 54
SJÓNVARPSÞÁTTURINN
„Nú sitjum við með fjall af
umsóknum víðs vegar að úr heim-
inum. Við vissum að sirkussenan
væri sterk alþjóðlega en áttum alls
ekki von á þessum mikla áhuga.
Þegar við erum búin að fara í
gegnum umsóknirnar verðum við
með rjómann að því sem er að ger-
ast í „nýja sirkusnum“ svokallaða,
það er alveg ljóst,“ útskýrir Krist-
ín Scheving, verkefnastjóri VOL.
CAN.O sirkuslistahátíðarinn-
ar sem fram fer í Vatns mýrinni
næsta sumar. Norræna húsið
stendur að hátíðinni ásamt Cirkus
Xanti frá Noregi og Cirkus Cirkör
frá Svíþjóð.
Kristín hefur unnið að skipu-
lagningu hátíðarinnar frá því í
sumar og segir það hafa komið
sér á óvart hversu lifandi sirkus-
senan á Norðurlöndunum er. Hún
segir hugtakið „nýsirkus“ notað
til aðgreiningar frá hinum hefð-
bundna sirkus þar sem dýr voru í
aðalhlutverki. Í nýsirkus er áhersl-
an hins vegar á mannslíkamanum.
Max Dager, forstjóri Norræna
hússins, var einn af stofnendum
Cirkus Cirkör og er hugmyndin
að sirkuslistahátíðinni frá honum
komin. „Ég hef fylgst með nor-
rænu sirkussenunni í áratugi og
ferðast með Cirkus Cirkör um
allan heim. Eitt af markmiðum
Cirkus Cirkör er að sanna að allt
er mögulegt og það gerum við
með því að blanda saman meira og
minna öllum listformum og storka
þyngdarlögmálinu með fífldjarfri
ástríðu,“ segir Dager.
Að sögn Kristínar hafa um hundr-
að umsóknir borist og nú tekur
við hið vandasama verk að velja
bestu atriðin úr fjölmennum hópi
umsækjenda. Fjögur tjöld verða
reist í Vatnsmýrinni fyrir hátíð-
ina og verður hið stærsta um þrett-
án metrar að hæð. „Það er í mörg
horn að líta og sem betur fer nýt
ég liðsinnis fagfólks við verkið.
En það stefnir allt í frábæra fjöl-
skylduhátíð,“ segir hún að lokum.
Um þessar mundir eru í boði miðar
á sýningu Cirkus Cirkör, Wear it
like a crown, á sérstöku jólaverði,
eða 3.990 krónur miðinn. - sm
Sirkusþorp rís
í Vatnsmýrinni
Sirkushátíð fer fram í Vatnsmýrinni næsta sumar. Fjögur tjöld verða reist í ná-
munda við Háskóla Íslands. Norræna húsið skipuleggur hátíðina ásamt fl eirum.
SIRKUS Í MÝRINA Max Dager, Ilmur Dögg Gísladóttir og Kristín Scheving skipuleggja sirkuslistahátíðina VOL.CAN.O sem fram
fer í Vatnsmýrinni næsta sumar. FRÉTTABLAÐIÐ/STEFÁN
Fiskikóngurinn • Sogavegi 3 • sími 587 7755
HUMAR
Smár Humar.
Tilvalinn í súpuna, salatið, einnig góður til
pönnusteikingar. Lausfrystur 1 kg í poka.
Skelflettur humar
Humar án skeljar.
Fullhreinsaður, lausfrystur og flottur,
tilbúinn í hvað sem er.
Humarsoð
100% soð af
humarskeljum.
Flott uppskrift á boxinu.
Ferskar
Hollenskar ostrur
lenda föstudag
Stærð 24-30 HUMAR
Millistærð af humri.
Hentar vel að steikja á pönnu,
setja í ofninn eða á grillið.
Stærð 18-24
HUMAR
Stór humar.
Sá stærsti, góður í hvað sem er. Grillið,
pönnuna, ofninn. 1. flokks humar.
Stærð 7-12
ÁRAMÓTAHUMAR
Þessi raketta kostaði
6.500 kr. hún gefur ánægju í um
það bil 20 sek.
Ef þið kaupið flugelda endilega
styrkið Björgunarsveitirnar
eða íþróttafélögin
VERÐSAMANBURÐUR!
1 kg af úrvals Humarhölum
kostar 3.900 kr.kg.
Gefur ánægju fyrir 5-6 manneskjur
í c.a. 30-60 mínútur.
1 kg. dugir fyrir 2-3 manneskjur
í aðalrétt eða 5-6 í forrétt.
OPIÐ
Fimmtudag 7 - 18.30
Föstudag 7-18.30
Laugardag 10-18
Sunnudag 12-17
Gamlársdag 7-13
„Þetta byrjaði bara sem fífla-
gangur en nú eru komin fimm ár
og við höfum haldið fjölda við-
burða, sjáum núna um bókanir
fyrir fimmtán skemmtistaði um
landið og höfum verið að flytja inn
hvern stóra plötusnúðinn á fætur
öðrum,“ segir partípinninn Óli
Geir hjá Agent.is.
Agent.is heldur upp á fimm ára
afmæli sitt um þessar mundir og
segir Óli Geir þessi ár hafa verið
frábær. „Þetta þróaðist út frá því
að ég var að vinna sem barþjónn
á skemmtistað þegar ég var átján
ára. Eitt kvöldið var plötusnúður-
inn veikur svo ég hljóp í skarð-
ið. Það gekk svo vel að ég fór að
spila oftar og var svo gerður að
skemmtanastjóra þar. Síðan fór ég
að spila á fleiri stöðum og áður en
ég vissi af var ég farinn að skipu-
leggja alls konar partí úti um allt
og þannig byrjaði ferillinn,“ rifjar
Óli Geir upp.
Í tilefni afmælisins ákvað Óli
Geir að gefa sjálfum sér góða
afmælisgjöf og flytja til landsins
sinn uppáhalds plötusnúð, Tristan
Garner. Sá mætir í afmælisteitið
29. desember og spilar afmælis-
sönginn. „Svo er aldrei að vita
nema hann taki fleiri lög líka,“
segir Óli Geir og hlær. Tristan
Garner er franskur plötusnúður
sem hefur notið gríðarlegra vin-
sælda um allan heim á undan-
förnum árum. Auk hans kemur
fjöldi íslenskra listamanna fram
þetta kvöld. „Margir af þessum
gaurum sem hafa verið að spila á
mínum viðburðum ætla að koma
og taka lagið,“ segir Óli Geir og
nefnir sem dæmi Erp Eyvindar-
son, Steinda Jr. og hljómsveitina
Úlfur Úlfur. „Við ætlum að enda
árið með stæl. Þetta verður magn-
að,“ segir hann að lokum. - trs
Tristan Garner spilar afmælissönginn
Óli Geir byrjaði sem barþjónn þegar hann var átján ára en fagnar nú fi mm ára afmæli agent.is
ÓLI GEIR Fagnar fimm ára afmæli
Agent.is. FRÉTTABLAÐIÐ/ANTON
„Það eru gamanþættirnir Arrested
Development.“
Helga Þórey Jónsdóttir, kvikmyndafræðingur.
Nú er Létt Bylgjan jólastöðin þín
Ljúf og þægileg jólatónlist
alla daga til jóla
„Ég hlakka mikið til og þykir gaman að fá að taka þátt
í uppbyggingu sirkuslista hér á Íslandi,“ segir banda-
ríska búrleskukraftakonan Mama Lou, sem verður sér-
stakur gestur Fullorðinssirkussins Skinnsemi á tveimur
sýningum í Iðnó í kvöld og annað kvöld. Einnig kemur
Eyrún Ævarsdóttir fram með sirkusnum við þessi til-
efni, en hún stundar nám við hinn virta Codarts-sirkus-
listaskóla í Rotterdam í Hollandi þessi misserin.
Mama Lou kom til Íslands um miðjan desember og
hefur notið jólanna á heimili sirkusstjórans Lee Nelson.
Hún segist kunna vel við íslenskar jólahefðir og bragð-
aði meðal annars á kæstri skötu á Þorláksmessu eins
og lög gera ráð fyrir. „Skatan var hræðileg. Ég var
með magapínu í tvo klukkutíma eftir að ég borðaði
hana, en ég er samt mjög fegin að ég gerði það. Svona
nokkuð verða kraftakonur að ráða við,“ segir Mama
Lou. Hún hefur starfað sem atvinnukraftakona í sjö ár
og ferðast um allan heim vegna starfans. Meðal þess
sem hún býður upp á í atriði sínu er að brjóta hluti með
rass kinnunum. Aðspurð segir hún ýmsa hluti koma til
greina í þeim tilgangi. „Ég get brotið harða hluti eins
og blýanta, en skemmtilegast finnst mér að brjóta mat-
prjóna. Ekki mjúku skyndibitategundina heldur þessa
hörðu fínu sem maður býður upp á í matarboðum.“ - kg
Brýtur matprjóna með rassinum
Bandaríska kraft akonan Mama Lou kemur fram með Fullorðinssirkus í Iðnó.
STERK Mama Lou hefur starfað sem atvinnukraftakona í sjö ár.