Fréttablaðið - 31.01.2013, Page 64

31. janúar 2013 FIMMTUDAGUR| MENNING | 48
Stórmyndin Lincoln verður frumsýnd
í kvikmyndahúsum annað kvöld.
Myndin er úr smiðju Stevens Spiel-
berg og er meðal annars tilnefnd til
tólf Óskarsverðlauna.
Líkt og titill myndarinnar gefur til
kynna fjallar myndin um síðustu fjóra
mánuðina í lífi Abraham Lincoln,
sextánda forseta Bandaríkjanna, og
þreytulausa baráttu hans fyrir afnámi
þrælahalds. Lincoln tók við embætti
forseta þann 4. mars árið 1861 og
gegndi því allt til dauða síns þann 15.
apríl 1865. Kvikmyndin leggur áherslu
á baráttu Lincolns fyrir afnámi þræla-
halds og er byggð að hluta á bók Doris
Kearns Goodwin, Team of Rivals: The
Political Genius of Abraham Lincoln.
Lincoln var alfarið á móti þrælahaldi
og lagði mikið kapp á að lagabreyting
yrði samþykkt áður en forsetatíð hans
yrði á enda. Lagabreytingin hefði í för
með sér bann við þrælahaldi í Banda-
ríkjunum.
Leikarinn Daniel Day-Lewis fer
með hlutverk forsetans og hefur hlotið
mikið lof fyrir. Framleiðandi myndar-
innar, Kathleen Kennedy, lét þau
orð falla að henni þætti sem Lincoln
sjálfur kæmi til vinnu dag hvern og
ekki Day-Lewis. „Hvern dag fékk
ég hroll því mér fannst sem Lincoln
sjálfur sæti fyrir framan mig,“ sagði
Kennedy. Day-Lewis segist aldrei
hafa þótt jafn vænt um nokkurn kar-
akter sinn og þennan. „Ég hef aldrei
áður fundið fyrir svo mikilli væntum-
þykju í garð manneskju sem ég hef
aldrei hitt. Ég tel að Lincoln hljóti að
hafa sömu áhrif á alla þá sem gefa
sér tíma til að kynnast honum,“ sagði
Day-Lewis. Sally Field fer með hlut-
verk Mary Todd Lincoln og Joseph
Gordon-Levitt fer með hlutverk sonar
þeirra hjóna, Robert Todd Lincoln.
Með önnur hlutverk fara Tommy Lee
Jones, David Strathairn og James
Spader.
Lincoln var meðal annars tilnefnd
til tólf Óskarsverðlauna, tíu Bafta-
verðlauna og sjö Golden Globe-
verðlauna og hlýtur níutíu prósent í
einkunn á vefsíðunni Rottentomatoes.
com, rúm átta stig af tíu á vefsíðunni
Imdb.com og 86 prósent á vefsíðunni
Metacritic.com.
Day-Lewis fann fyrir
mikilli væntumþykju
Daniel Day-Lewis fann fyrir mikilli væntumþykju í garð Abrahams Lincoln, en
hann fer með hlutverk forsetans í Lincoln. Myndin er tilnefnd til fj ölda verðlauna.
12 ár
var sá tími sem
Steven Spielberg
eyddi í rannsóknar-
vinnu fyrir mynd-
ina.
EINSTAKUR FORSETI Daniel Day-Lewis fer með hlutverk Abrahams Lincoln í kvikmynd Stevens Spielberg. Hann hefur hlotið
mikið lof fyrir túlkun sína á þessum einstaka manni.
Líklegt er að kvikmynd byggð á
sjónvarpsþáttunum Entourage
verði að veruleika. Kvikmynda-
framleiðandinn Warner Bros mun
framleiða myndina.
Handritshöfundur þáttanna,
Doug Ellin, mun skrifa handritið
að myndinni og einnig leikstýra
henni. Þá mun Adrian Grenier
áfram fara með hlutverk leikar-
ans Vincents Chase.
Entourage voru sýndir á sjón-
varpsstöðinni HBO á árunum
2004 til 2011 og eru þættirnir
lauslega byggðir á uppgangi leik-
arans Marks Wahlberg, sem jafn-
framt er framleiðandi þáttanna.
Entourage í bíóhús
Kvikmynd byggð á Entourage verður að veruleika.
MYND UM VINNIE Líklegt er að mynd
byggð á þáttunum Entourage verði að
veruleika.
Leikkonan Eva Green fer með
hlutverk tálkvendisins Övu Lord í
kvikmyndinni Sin City: A Dame to
Kill For. Leikstjórar myndarinnar,
Robert Rodriguez og Frank Miller,
sóttust upphaflega eftir Angelinu
Jolie í hlutverkið.
Leikarahópur myndar innar
er stór og skemmtilegur og telur
meðal annars Mickey Rourke,
Bruce Willis, Rosario Dawson,
Jaime King, Josh Brolin, Dennis
Haysbert, Christopher Meloni,
Jeremy Piven, Jamie Chung, Ray
Liotta og Juno Temple. Líkt og
áður sagði fer Green með hlut-
verk Övu Lord, konu sem myrðir
eiginmann sinn en kemur sökinni
á fyrrverandi elskhuga sinn, leik-
inn af Brolin. „Ava Lord er einn
banvænasti íbúi Sin City. Sú sem
tæki að sér hlutverk Övu þyrfti að
geta túlkað margþættan persónu-
leika hennar og Green getur það,“
sögðu Rodriguez og Miller í viðtali
við The Hollywood Reporter.
Leikur tálkvendi
Eva Green fer með hlutverk í framhaldi Sin City.
LEIKUR ÖVU Eva Green fer með hlutverk tálkvendis í framhaldsmynd Sin City.
NORDICPHOTOS/GETTY
Jennifer Lopez kemur aftur á hvíta
tjaldið um helgina þegar hún leik-
ur aðalhlutverkið á móti töffaran-
um Jason Statham í hasarmyndinni
Parker. Statham leikur atvinnu-
þjófinn Parker. Eftir að hafa náð
að framkvæma hið fullkomna rán
var Parker skilinn eftir af félögum
sínum til að deyja. Hann lifði það
þó af og nú kemst ekkert að í huga
hans annað en að ná fram hefndum
á fyrrum félögum sínum sem eru
leiddir áfram af manni að nafni
Melander. Til að hafa hefndina sem
áhrifaríkasta stofnar Parker til
kynna við hina fögru Leslie, sem
þekkir Melander betur en flestir
aðrir.
Teiknimyndin Hákarlabeita 2
verður frumsýnd á föstudag. Hug-
rakki skrautfiskurinn Sær er þar í
aðalhlutverki, eins og í fyrri mynd-
inni sem er frá árinu 2006. Hinn illi
Týr snýr hér aftur og hefur safn-
að saman her hákarla sem ætla að
hefna fyrir tap hans í síðustu mynd.
Háfurinn Rúni bætist í lið Sæs litla
og virðist í fyrstu vera góður liðs-
auki. Það sem Sær og vinir hans
vita þó ekki er að Rúni er í raun
njósnari á vegum Týs.
Nýjasta mynd Leos Carax, Holy
Motors, verður frumsýnd í Bíói
Paradís um helgina. Denis Lavant
fer með aðalhlutverkið og honum
til aðstoðar eru meðal annarra
þokkagyðjurnar Eva Mendez og
Kylie Minogue. Myndin vakti mikil
viðbrögð á kvikmyndahátíðinni í
Cannes í fyrra þar sem hún var afar
umdeild. Hún fjallar um Óskar, sem
flakkar á milli lífa og er til skiptis
viðskiptajöfur, leigumorðingi, betl-
ari, skrímsli og fjölskyldumaður.
Hefndir, fl ækjur og sætir fi skar
Auk Lincolns verða þrjár kvikmyndir frumsýndar í bíóhúsunum um helgina.
MEST LESNA
DAGBLAÐ Á ÍSLANDI*
*S
am
kv
æ
m
t p
re
nt
m
ið
la
kö
nn
un
C
ap
ac
en
t G
al
lu
p
nó
v.
-s
ep
t.
20
12
Innskot í Fréttablaðið skilar árangri!
HAFÐU FJÖLPÓSTINN ÞINN
Í FRÉTTABLAÐINU
Það er hvergi betri staður fyrir fjölpóst en inni í Fréttablaðinu.
60% landsmanna skoða fjölpóst. Auglýsingaefnið lendir á
eldhúsborðinu þegar blaðið er opnað!
75% íbúa höfuðborgarsvæðisins lesa Fréttablaðið daglega.
Kannaðu dreifileiðir og verð í síma 512 5448
eða í tölvupóstfangi orn@365.is
Útvegum einnig hagstæð verð í prentun.
LEITAR HEFNDA Í myndinni Parker vill titilpersónan ná fram hefndum á
fyrrverandi félaga sína og fær hina fögru Leslie sér til aðstoðar.
SÆ HUGRAKKI Fiskurinn hugrakki Sær
þarf nú aftur að vernda Kóralrifið fyrir
árásum Týs.
FLAKKAR Á MILLI LÍFA Denis Lavant
leikur Óskar, sem flakkar á milli lífa, í
myndinni umdeildu Holy Motors. Eva
Mendes fer með eitt aðalhlutverkanna
í myndinni.