Fréttatíminn - 15.07.2011, Side 12

Horft er
á hvorn
stað óháð
hinum.
Allar hellur Steypustöðvarinnar
eru framleiddar samkvæmt
viðurkenndum stöðlum.
4 400 400

F innska fyrirtækið Kemira hefur sýnt því áhuga að reisa natrí-umklórat- eða bleikiefnaverk-
smiðju hér á landi. Tveir staðir koma til
greina, annars vegar Bakki við Húsa-
vík og hins vegar Grundartangi í Hval-
fjarðarsveit. Framleiðsla hugsanlegrar
verksmiðju yrði notuð sem bleikiefni í
pappírsiðnaði. Helstu hráefni sem þarf
til framleiðslunnar eru salt, saltsýra,
vítissódi og vatn. Sem hliðarafurð
verða til 3.300 tonn af vetnisgasi sem
nýst geta innanlands. Orkuþörf verk-
smiðjunnar er rúmlega 40 megavött en
starfsmannaþörf er um 60.
Framkvæmd sem þessi fer ekki
sjálfkrafa í mat á umhverfisáhrifum
en er hins vegar tilkynningarskyld
til Skipulagsstofnunar. Rut Kristins-
dóttir, sviðsstjóri á umhverfissviði
hjá Skipulagsstofnun, segir stofnunina
þurfa að taka ákvörðun um það hvort
til umhverfismats komi og leiti m.a. til
nokkurra aðila vegna þess; Umhverf-
isstofnunar, Fornleifanefndar, sveitar-
félaganna sem að koma, auk fleiri.
„Þetta verður að skoða þar sem þetta
er ný starfsemi sem við þekkjum ekki
almennilega og verðum því að treysta á
umsagnaraðila okkar,“ segir Rut. Hún
segir Skipulagsstofnun leggja sjálfstætt
mat á Grundartanga annars vegar og
Bakka hins vegar; horft sé á hvorn stað
óháð hinum. Aðspurð segir hún að
stjórnvöld hafi engin áhrif á staðarval
í gegnum stofnunina. Málið sé í ferli
og niðurstöðu um umhverfismat megi
vænta í ágúst.
Verkfræðistofan Efla hefur annast
mál Kemira gagnvart Norðurþingi en
verkfræðistofan Mannvit gagnvart
Hvalfjarðarsveit.
Hvalfjarðarsveit vill umhverfismat
Laufey Jóhannsdóttir, sveitarstjóri
Hvalfjarðarsveitar, segir að sveitar-
stjórnin hafi fengið erindi Skipulags-
stofnunar vegna Kemira, auk þess sem
verkfræðistofa hafi kynnt sveitarstjórn-
inni það. Um málið hafi verið fjallað á
fundi sveitarstjórnarinnar síðastliðið
þriðjudagskvöld og svar hennar sé að
hugsanleg natríumklórat-verksmiðja á
Grundartanga eigi að fara í umhverf-
ismat.
Laufey segir að öll aðstaða fyrir slíka
verksmiðju sé fyrir hendi á Grundar-
tanga en eins og mál standi nú sé
aðeins um forkönnun að ræða. Finnska
fyrirtækið sé að leita fyrir sér um hvar
það vilji bera niður.
Norðurþing bíður sérfræðiálits
„Við höfum fengið kynningu á þessu
verkefni og það virkar áhugavert,“
segir Bergur Elías Ágústsson,
bæjarstjóri Norðurþings. Hann segir
Skipulagsstofnun hafa beðið sveitar-
félagið um umsögn. „Þar sem þetta er
algerlega nýtt fyrir okkur, nýr iðn-
aður sem við höfum ekki þekkingu á,
tókum við þá afstöðu að sérfræðingar
hjá þeim stofnunum sem málið varðar
væru hæfari til að meta hvort þörf væri
á umhverfismati,“ segir Bergur Elías.
Hann segir starfsemina sem slíka ekki
mengandi en öryggisþættir snúi að
þeim efnum sem notuð séu til fram-
leiðslunnar og geymslu þeirra.
Bergur Elías segir næga orku til
staðar, 50 megavött á Þeistareykjum
og verið sé að bora meira. Annar aðili,
PCC, hafi sótt um lóð á svæðinu fyrir
kísilverksmiðju. Eigandi PCC hafi kom-
ið síðastliðinn föstudag. Bæjarstjórn-
in sé einnig jákvæð gagnvart þeirri
verksmiðju en ekki verði samið um lóð
fyrr en orkusölusamningar liggi fyrir. Í
fyrsta áfanga þeirrar verksmiðju þurfi
30 megavött. Næg orka sé til, aðeins
þurfi að reisa virkjanirnar.
Ekki verið að etja landshlutum
saman
„Það hefur verið markmið okkar síð-
ustu tíu árin, í þessu langa og stranga
ferli sem við höfum farið í gegnum, að
skapa 500-800 störf í Þingeyjarsýslum,
að snúa við þeirri byggðaþróun sem
hér hefur verið. Ef það gerist með einu
álveri er það hið besta mál – og ef það
er gert gegnum önnur fyrirtæki er það
líka hið besta mál. Þetta snýst bara um
að styrkja svæðið og atvinnuuppbygg-
ingu hér.“
Iðnaðarráðuneytið tilkynnti í síðasta
mánuði að jarðvarma í Þingeyjar-
sýslum skyldi nota til umfangsmikillar
atvinnuuppbyggingar á svæðinu til að
efla þar byggð. Bergur Elías segir að
sveitarstjórnir á svæðinu hafi sam-
eiginlega og í samvinnu við ríkisvaldið
verið að markaðssetja svæðið.
Bæjarstjórinn í Norðurþingi segir
svæðið í Þingeyjarsýslum búið að fara
í gegnum umhverfis- og skipulagsferli
og þar séu virkjanleg 525 megavött.
Tafir hafi orðið en nú þurfi að fá fjár-
festingu og vinnu í landið.
Hvað finnska fyrirtækið Kemira
varðar sé það almennt svo að fyrir-
tæki skoði fleiri en einn stað, ekki sé
verið að etja landshlutum saman. „Við
vinnum okkar vinnu og reynum að
gera það vel. Sama gildir um aðra. Við
erum ekki í neinni samkeppni hvað
þetta varðar, þetta er þjóðhagslegt mál
en hvað orkuna varðar er náttúrlega
ódýrast að nýta hana sem næst orku-
uppsprettunni.“
Jónas Haraldsson
jonas@frettatiminn.is
 orkuiðnaður Finnska eFnaverksmiðjan kemira
Skipulagsstofnun metur hvort hugsanleg verksmiðja fer í umhverfismat. Slíkt er vilji
sveitarstjórnar Hvalfjarðarsveitar. Bæjarstjóri Norðurþings segir verkefnið áhugavert en
bíður sérfræðiálits á umhverfismati. Eðlilegt sé að finnska fyrirtækið skoði fleiri en einn
stað. Ekki sé verið að etja landshlutum saman.
Skoðar bleikiefnaverksmiðju
á Bakka eða Grundartanga
Höfuðstöðvar Kemira í Helsinki í Finnlandi. Ljósmynd/Kemira Oyj/Jarmo Lappalainen
Sérfræðingar
Kemira að störfum.
Ljósmynd/Kemira Oyj/
Jarmo Lappalainen
Finnskur efnaiðnaðaarrisi
Kemira er finnsk samsteypa sem einkum
starfar á sviði efnaiðnaðar, t.d. framleiðslu
á efnum til pappírsvinnslu, vatnshreinsunar
og líftækniiðnaðar, auk áburðarframleiðslu.
Höfuðstöðvar fyrirtækisins eru í Helsinki en
það er með starfsemi í um 40 löndum. Starfs-
menn eru um fimm þúsund.
Fyrirtækið var stofnað árið 1920 og var í
ríkiseigu. Finnska ríkið seldi bróðurpart þess
árið 2007 en hélt eftir 16.5% hlut. Stærsti
hluthafinn er Oras Invest, félag Paasikivi
fjölskyldunnar. Stjórnarformaður er Pekka
Paasikivi og forstjóri er Harri Kerminen.
Velta Kemira á liðnu ári nam 2.544 milljónum
evra, eða rúmlega 420 milljörðum króna og
hagnaður var 110,9 milljónir evra, eða sem
svarar rúmlega 18 milljörðum króna.
Kemira hefur áður komið að íslensku
atvinnulífi en árið 2002 gengu Áburðarverk-
smiðjan í Gufunesi og Kemira Agro, hluti
samsteypunnar, frá samstarfssamningi um
áburðarframleiðslu fyrir íslenskan markað. - jh
12 fréttaskýring Helgin 15.-17. júlí 2011