Prentarinn - 06.04.1992, Blaðsíða 21

Úrslit
stjórnarkjörs
1992
Samkvæmt lögum félagsins lýkur, við næsta aðalfund, kjörtímabili
Svans Jóhannessonar, Arnfinns Jensen og Þorkels Sv. Hilmarssonar í
aðalstjórn og Arnkels B. Guðmundssonar í varastjórn.
í febrúar var send út auglýsing um framboðsfrest þar sem óskað var
eftir tillögum um þrjá menn í aðalstjórn og þrjá menn í varastjórn. Sam-
kvæmt auglýsingunni bar að skila tillögum til skrifstofu félagsins fyrir kl.
17.00 mánudaginn 24. febrúar 1992.
Að liðnum framboðsfresti höfðu þrír listar borist til félagsins þar sem
stungið var upp á: Til aðalstjórnar Þorkeli Sv. Hilmarssyni, Georgi Páli
Skúlasyni, Svani Jóhannessyni, Ólafi Björnssyni, Margréti Rósu Sig-
urðardóttur, Anfinn Jensen og Hirti Þorkels Reynarssyni.
Venju samkvæmt voru kjörseðlar sendir til trúnaðarmanna út í fyrir-
tækjunum og skyldi þeim skilaðl inn til félagsins eigi síðar en kl. 17.00
þriðjudaginn 17. mars, en þá um kvöldið fór fram talning atkvæðanna.
Alls greiddu 692 félagsmenn atkvæði, þar af voru 25 seðlar auðir og
einn ógildur. Þetta er heldur betri kosningaþáttaka en tíðkast hefur hjá
okkur, en vissulega má segja að æskilegra væri að þátttakan reyndist
enn betri.
Kjöri til aðalstjórnar náðu: Svanur Jóhannesson með 495 atkv.,
Georg Páll Skúlason með 354 atkv. og Margrét Rósa Sigurðardóttir
með 306 atkv. Til varastjórnar náðu kjöri: Sigrún Leifsdóttir með 436
atkv., María Kristinsdóttir með 362 atkv. og Guðjón B. Sverrisson með
322 atkv.
Nýkjörnum stjórnarmönnum er óskað til hamingju með kjörið og
þeim einnig óskað velfarnaðar í þeim ábyrgðarmiklu störfum sem þeir
hafa verið kjörnir til.
Við þessa kosningu hverfa Anfinn Jensen og Þorkell Sv. Hilmarsson
úr aðalstjórn. Þeim eru færðar bestu þakkir fyrir góð og vönduð störf í
félagsins þágu og þess vænst að við megum leita til þeirra í framtíðinni
þó þeir séu ekki í stjórninni. Úr varastjórn hverfur Arnkell B. Guð-
mundsson. Honum eru jafnframt færðar bestu þakkir fyrir vel unnin
störf fyrir félagið.
Þ.G.
PRENTARINN 1.12. '92
Svanur
Georg Páll
Margrét Rósa
Anfinn
Þorkell