Fréttatíminn - 05.07.2013, Síða 2

2 fréttir Helgin 5.-7. júlí 2013
Bændur og búalið athugið!
Nú er Bóndabrie kominn í nýjar umbúðir.
Gríptu hann með þér í næstu verslun.
H
V
ÍT
A
H
Ú
S
IÐ
/S
ÍA
H jartað mitt og sál er ennþá í Tansaníu. Ég fer aftur í október, vil ekki að það líði mánuður áður en fulltrúi frá okkur
heimsækir þær.“
Margét Pála er svo gífurlega þakklát fyrir
velgengni sína í Hjallastefnuleikskólunum og
grunnskólum að hana langaði að þakka fyrir
sig. „Hjartað mitt krafðist þess að ég þakkaði
fyrir mig með einhverjum
hætti því að draumur minn
var að styðja við börn þar
sem þörfin væri mest,“
segir Margrét.
Þegar hún og kona
hennar tengdust Tansaníu
fjölskylduböndum, kom
tækifærið til að leggja sitt
af mörkum milliliðalaust
en 3 milljónir barna eru
munaðarlaus í Tansaníu
sem samsvarar hlutfalls-
ega 20 þúsund munaðar-
lausum börnum á Íslandi.
„ Ef þú menntar dreng þá
menntar þú karlmann en
ef þú menntar stúlku þá
menntar þú heila fjöl-
skyldu því hún mun
sjá um fjölskyldu
sína,“ segir Mar-
grét.
Margrét ásamt
fjölskyldu og vinum í Tansaníu komu á
fót litlu heimili þar sem tveir starfsmenn
í hlutverki „ömmu“ búa inná heim-
ilinu. Markmiðið er að stúlkurnar
búi á kærleiksríku heimili, fái góða
menntun og munu „ömmurnar“
meðal annars vinna með sjálfs-
mynd þeirra og sjálfsstyrkingu.
„Langtímamarkmiðið er að mennta konur
fyrir þessa álfu. Þetta hljómar nánast ófram-
kvæmanlegt en við trúum þessu, að með því
að styrkja sjálfsmynd þeirra og sjálfsvitund
þeirra, veita þeim bestu menntunina og öruggt
heimili muni það skila sér. Við ætlum að
standa með þeim í gegnum háskólanám eða
starfsþjálfun eftir því hvað hentar þeim þannig
að þær geti síðar orðið áhrifamanneskjur hvort
sem það er innan fjölskyldunnar eða í nærsam-
félaginu sínu, við ætlum að fara með þeim alla
leið,“ segir Margrét.
Á heimilinu í Malaika búa 11 stúlkur en
stefnan er að fjölga þeim í 16 næsta vor.
„Þetta var ólýsanlegt, að sjá óttann hjá þeim
og kvíðann við óvissuna. Þær gengu inní hjart-
að mitt. Fæstar þeirra vissu hvað þær voru
gamlar og vissu ekki hvenær þær ættu afmæli.
Á heilsugæslustöðinni voru þær aldursgreind-
ar út frá tönnum þeirra. Sú yngsta er fjögurra
og sú elsta 12 ára.“ segir Margrét.
„Ég söng látlaust, á öllum tungumálum og
svo þetta eina lag sem ég kann á svahílí og
þegar ég var að fara til Íslands voru þær farnar
að syngja fyrir mig á ensku og íslensku,“ segir
Margrét og getur ekki beðið eftir því að
sjá þær aftur í haust.
Margrét og hennar hópur mun
senda fjármagn sem og heimsækja
heimilið reglulega. „Við höfum
bæði þörf fyrir fleiri styrktaraðila
sem og fleiri sem geta komið að því
að ljúka stofnkostnaðinum með
okkur,“ segir Margét.
María Elísabet Pallé
maria@frettatiminn.is
Margréti Pálu Ólafsdóttur stofnanda Hjallastefnunnar langaði að þakka fyrir velgengni sína og
láta gamlan draum rætast, að hjálpa börnum í neyð. Hún ásamt fjölskyldu og vinum á Íslandi og í
Tanzaníu hafa stofnað heimili fyrir munaðarlausar stúlkur í Tansaníu. Malaikia heimilið mun vinna
með sjálfsmynd stúlknanna og sjálfstyrkingu auk þess að veita þeim góða menntun til framtíðar.
Stofnaði heimili fyrir
munaðarlausa í Tansaníu
Margrét Pála
með einni af
stúlkum heim-
ilisins.
 Hjálparstarf Margrét pála lét gaMlan drauM rætast
Á heimilinu Malaika í Tansaníu búa ellefu munaðarlausar stúlkur en stefnt er á að fjölga þeim í sextán næsta vor.
Átak vegna málefna
hælisleitanda framlengt
Framlengja á átak innanríkisráðuneytisins
vegna málefna hælisleitanda en
umsóknum hefur fjölgað mikið á milli
ára. Kostnaðurinn vegna fjölgunarinnar
hefur vaxið mjög vegna fjölda umsókna
og lengri málsmeðferðartíma.
Stöðugildum hefur verið fjölgað
tímabundið og með því hefur tekist að
stytta meðal málsmeðferðartímann
fyrstu fimm mánuði ársins úr 548 dögum
í 393 daga. Átakið fólst í því að fjórum
tímabundnum stöðugildum lögfræðinga
var bætt við hjá Útlendingastofnun og
hjá innanríkisráðuneytinu. Framlengja á
ráðningu lögfræðinganna til áramóta sem
mun kosta í kringum 13 milljónir króna.
Ráðuneytið mun í haust móta stefnu til
framtíðar um fyrirkomulag hælismála.
Vilja að Snowden fái
ríkisborgararétt
Þingmenn úr öllum stjórnarandstöðuflokk-
um hafa lagt fram frumvarp til laga um að
Edward Snowden fái íslenskan ríkisborgara-
rétt. Ögmundur Jónasson þingmaður VG
lagði til við upphaf þingfundar í gær að
Snowden yrði boðin landvist á Íslandi.,
,Alþingi Íslendinga og Íslendingar hafi for-
göngu um það að bjóða þessum einstaklingi
sem heimsbyggðin öll á skuld að gjalda land-
vis.’’ sagði Ögmundur. Unnur Brá Konráðs-
dóttir formaður allsherjarnefndar sagði að
umsókn um ríkisborgararétt hafi ekki komið
frá Snowden og umsækjandi verði að vera
staddur á landinu. Að frumvarpinu standa
þingmenn Pírata, Helgi Hjörvar frá Sam-
fylkingu, Páll Valur Björnsson, þingmaður
Bjartrar framtíðar og Ögmundur Jónasson
þingmaður VG. RÚV greindi frá þessari frétt.
Alþingi hefur enn ekki skip-
að nefnd til að rannsaka
einkavæðingu bankanna
á fyrstu árum aldarinnar,
þrátt fyrir að Alþingi hafi
samþykkt þingsályktun um
slíka rannsókn í nóvember
á síðasta ári.
Samkvæmt ályktun
þingsins átti þriggja manna
nefnd að skila niðurstöðum
rannsóknar á einkavæð-
ingu Fjárfestingabanka
atvinnulífsins, Landsbank-
ans og Búnaðarbankans nú
í september. Einar K. Guð-
finnsson, forseti Alþingis,
segir við fréttastofu RÚV,
að forsætisnefnd þingsins
muni ræða um skipun
nefndarinnar fljótlega.
Fjárveitingar vegna rann-
sóknarinnar liggi hins
vegar ekki fyrir.
Rannsókn á einkavæðingu enn í bið
Alls hafa 5.892 hlauparar skráð sig í
Reykjavíkurmaraþonið sem fer fram
24. ágúst næstkomandi. Samkvæmt
upplýsingum frá skrifstofu maraþonsins
eru skráningar í ár 42% fleiri en á sama
tíma í fyrra. Hlauparar frá 53 löndum
hafa skráð sig til þátttöku og eru flestir
þeirra frá Bandaríkjunum, Bretlandi og
Kanada. 950 hlauparar hafa þegar skráð
sig í heilt maraþon en í fyrra hlupu 806
þá vegalengd. Alls hafa 1.586 hlauparar
skráð sig til þátttöku í hálfmaraþoni og
2.841 í 10 kílómetra hlaup. 282 hafa
skráð sig í þriggja kílómetra skemmti-
skokk en 208 í Latabæjarhlaupið.
Í ár fagnar Reykjavíkurmaraþonið 30
ára afmæli sínu en það fór fyrst fram
1984. Hlauparar geta safnað áheitum
fyrir góðgerðafélög og hafa þegar
safnast yfir þrjár milljónir króna. Í fyrra
var met slegið í áheitasöfnun þegar
tæplega 46 milljónir söfnuðust. dhe
Metskráning í Reykjavíkurmaraþon
„Nú höfum við fengið að heyra frá báðum
stjórnarflokkum að það verður ekki hrófl-
að við launasjóðum listamanna. Það var
okkur mikill léttir,“ segir Kristín Steins-
dóttir, formaður Rithöfundasambands
Íslands.
Talsverð umræða hefur verið um lista-
mannalaun eftir að ný ríkisstjórn Fram-
sóknarflokks og Sjálfstæðisflokks tók
við völdum. Yfirlýsingar Vigdísar Hauks-
dóttur í DV og víðar vöktu mikla athygli.
Listamenn voru uggandi og óttuðust um
sinn hag.
Kristín gekk á fund Illuga Gunnars-
sonar menntamálaráðherra í byrjun vik-
unnar ásamt Kolbrúnu Halldórsdóttur og
Randveri Þorlákssyni fyrir hönd stjórnar
Bandalags íslenskra listamanna. Kristín
segir að fundurinn hafi verið mjög gagn-
legur en framhaldsfundur hefur þegar
verið boðaður á mánudag.
„Hann sagði okkur að ekki væri fyrir-
huguð nein breyting á listamannalaun-
um í þá veru að leggja þau niður,“ segir
Kristín.
Hún segir að framsóknarmenn hafi
viðrað hugmyndir um endurskoða heið-
urslaun listamanna. Hugmyndir þeirra
snúist um að beina þeim fjármunum til
ungra listamanna. „En þeir vilja alls ekki
hrófla við listamannalaununum.“
Sjálfstæðismenn virðast ekki áhuga-
samir um að endurskoða heiðurslaunin
miðað við fund Kristínar og félaga
með menntamálaráðherra. „Hann sér
heldur fyrir sér að efla þau ef eitthvað
er.“-hdm
 Menning listaMönnuM létt eftir fund Með MenntaMálaráðHerra
Ekki verður hróflað við listamannalaunum
Illugi Gunnarsson, ráðherra mennta-
og menningarmála, tók á móti Kristínu
Steinsdóttur og fulltrúum Bandalags
íslenskra listamanna í byrjun vikunnar.
Listamennirnir gengu ánægðir af fundi
eftir að hafa verið fullvissaðir um að ekki
yrði hróflað við listamannalaunum.