Fréttatíminn - 09.09.2011, Blaðsíða 8

www.noatun.isn o a t u n . i s
Nammibarinn
50%
afsláttur
AF NAMMIBARNUM
LAUGARDAGA:
ALLAN SÓLARHRINGINN
SUNNUDAG - FÖSTUDAG:
MILLI KL 20 - 24
Vöruskipti í júlí hagstæð um 12,8 milljarða
8,6%
hækkun á
verðmæti
útfluttra
iðnaðarvara
Júlí 2011 saman-
borðið við júlí 2010
Hagstofa
Íslands
vinnumarkaðurinn
að braggast
vinnumálastofnun bárust engar tilkynningar
um hópuppsagnir í ágúst, annan mánuðinn í
röð. Í júlí og ágúst í fyrra bárust stofnuninni
fjórar tilkynningar um hópuppsagnir þar
sem sagt var upp 134 manns. Staðan á
vinnumarkaði virðist stöðugt vera að færast
í jákvæðara horf, segir í mati Greiningar
Íslandsbanka. vinnumálastofnun áætlar að
skráð atvinnuleysi í ágúst verði á bilinu 6,4%-
6,7%. ætla má að atvinnuleysi nái lágmarki
nú í september og taki svo að aukast á ný
er líða tekur á veturinn. tölur vinnumála-
stofnunar benda til þess að spár um að
atvinnuleysi í ár verði minna en í fyrra muni
rætast. „Þó virðist,“ segir Greiningin, „við-
snúningurinn á vinnumarkaði vera snarpari
en björtustu spár þorðu að vona.“ -jh
Í júlí voru fluttar út vörur fyrir 54,9 milljarða króna og inn
fyrir 42,1 milljarð króna. vöruskiptin í júlí voru því hagstæð
um 12,8 milljarða króna. Í júlí 2010 voru vöruskiptin hagstæð
um 4,2 milljarða króna á sama gengi, að því er fram kemur
í tilkynningu hagstofu Íslands. fyrstu sjö mánuði þessa árs
voru fluttar út vörur fyrir 339,9 milljarða króna en inn fyrir
285,9 milljarða króna. Afgangur var því á vöruskiptunum við
útlönd sem nam 54 milljörðum króna en á sama tíma árið áður
voru þau hagstæð um 67,9 milljarða á sama gengi. Vöru-
skiptajöfnuðurinn var því 13,9 milljörðum króna lakari en á
sama tíma árið áður. Sjávarafurðir voru 37,7% alls útflutnings
og var verðmæti þeirra 6,3% meira en á sama tíma árið áður.
Útfluttar iðnaðarvörur voru 56,7% alls útflutnings og var
verðmæti þeirra 8,6% meira en á sama tíma árið áður. mest
aukning varð í verðmæti útflutnings iðnaðarvara, aðallega áls
og kísiljárns. Einnig varð aukning í útflutningi sjávarafurða. -jh
 BÓKAÚTGÁFA ÚTGÁFA RAFBÓKA KOSTNAÐARSAMARI EN MARGUR ÆTLAR
Rafbækur það sem
koma skal
Þ að er alveg á hreinu að rafbókaútgáfa á eftir að aukast verulega á Ís-landi á næstu misserum og þau lög sem væntanlega verða samþykkt munu gjörbreyta aðstæðum sem voru erfiðar fyrir,“ segir Egill Örn
Jóhannsson, framkvæmdastjóri Forlagsins.
Bókaútgefendur fagna því mjög að í vikunni var á Alþingi rædd og lögð
fram tillaga um lækkun á virðisaukaskatti á rafbækur. Helgi Hjörvar mælir
fyrir þingsályktun þess efnis en að henni standa þingmenn úr öllum flokkum.
Rafbækur voru í hærra skattþrepinu, með 25,5 prósentna virðisauka-
skatti, en prentaðar standa í sjö prósentum. Breyting á þessu
var samþykkt samhljóða í efnahags- og viðskiptanefnd
og flutningsmenn eru úr öllum flokkum.
Egill telur að þetta megi verða til þess að höggva á
þann hnút sem viðræður Félags íslenskra bókaút-
gefenda og Rithöfundasambandsins voru komnar í.
Fulltrúar þessara hópa hittust fyrr á árinu en náðu
ekki saman um rammasamning um prósentu-
greiðslu til handa rithöfundum af útgáfu rafbóka
– þær viðræður sigldu í strand. Almennt er það
svo að höfundar bóka fá 23 prósent af smá-
söluverði bóka. „Þetta er almennur samning-
ur. Í honum er rafbókarákvæði sem er orðið
tíu ára og með öllu úrelt,“ segir Egill Örn. Hver
á prósenta til rithöfunda að vera; hvernig skal
tekjum af rafbókarsölu skipt? þar stendur hnífur-
inn í kúnni. Egill segir það algengan misskilning,
og að mörgu leyti skiljanlegan, að útgáfa rafbóka
kosti lítið sem ekkert. „Prentkostnaður útgefenda
sem hlutfall af heildarkostnaði er ekki svo mikill.
Aðrir liðir, svo sem ritstjórn og ekki síður sölu- og
markaðssetning, eru orðnir stærri og kostnaðarsam-
ari heldur en fyrir tuttugu árum.“ Og Egill tíundar aðra
kostnaðarliði, svo sem yfirfærslu á það form sem þarf,
sem fer eftir því hvers konar lesara menn eru með,
stafrænar varnir og hýsingu gagna. „Þetta kostar
allt peninga, það verða til ótal nýir kostnaðar-
liðir. Ég geri jafnvel ráð fyrir því að í upp-
hafi, á meðan við erum að fara af stað í
rafbókarvæðingunni, verði það okkur
kostnaðarsamara en að prenta.“
Jakob Bjarnar Grétarsson
ritstjorn@frettatiminn.is
Egill Örn Jóhannsson. telur að lækkun
virðisaukaskatts geti orðið til að höggva á
hnútinn í samningaviðræðum rithöfunda og
útgefenda um rafbækur. ljósmynd/JBG
Samningaviðræður
útgefenda og rithöf-
unda um prósentur til
handa rithöfundum
voru sigldar í strand
en nú gera menn sér
vonir um að fyrir-
huguð lækkun á
virðisaukaskatti af
rafbókum verði til að
höggva á þann hnút.
Marinó Njálsson hjá Snöru með rafbækur. rafbókaútgáfa á eftir að stóraukast á Íslandi.
Nú stefnir í að virðisaukaskattur á þeim verði lækkaður úr 25,5 prósentum í sjö prósent.
Ég geri jafnvel
ráð fyrir því að í
upphafi, á meðan
við erum að fara
af stað í raf-
bókarvæð-
ingunni,
verði
það
okkur
kostn-
aðar-
sam-
ara
en að
prenta.
8 fréttir Helgin 9.-11. september 2011