Fréttatíminn - 09.09.2011, Blaðsíða 16
www.unwomen.is
Fiðrildaáhrif
Skráðu þig núna á
www.unwomen.is
eða hringdu í síma
552-6200.
Hafðu
Þitt framlag skiptir
sköpum í lífi kvenna
og barna þeirra um
heim allan.
G
uðný Guðmundsdótt-
ir lét af störfum sem
konsertmeistari Sin-
fóníuhljómsveitar Ís-
lands á síðasta starfs-
ári eftir 36 ára starf. Í maí var haldið
sérstakt prufuspil um stöðu henn-
ar. Sjö voru boðaðir til leiks og eftir
standa tvö: Ari Þór Vilhjálmsson og
Una Sveinbjarnardóttir.
„Við höfum verið að grínast með
að þetta sé prufuspil aldarinnar því
ekki hefur verið haldið prufuspil
um stöðuna síðan árið 1974. Þann-
ig að ... jú, það er mikil spenna. En
þetta er fyrst og fremst rosalega
skemmtilegt og frábært tækifæri
að fá að leiða hljómsveitina í þessu
frábæra húsi sem Harpa er,“ segir
Una.
Á sínum tíma fór Guðný í frí og
þá tók Sigrún Eðvaldsdóttir við
stöðu konsertmeistara. Stjórn-
endur hljómsveitarinnar vildu allt
til vinna að halda Sigrúnu þegar
Guðný sneri til baka og urðu þá til
tveir konsertmeistarar auk 2. kons-
ertmeistara (Sif Tulinius) og 3.
konsertmeistara (Andrzej Kleina).
Una og Ari keppa um stöðu Guð-
nýjar sem telst æðsta staðan í
hljómsveitinni á móti stöðu Sig-
rúnar og krefst fimmtíu prósentna
viðveru. Dómnefnd skipa 24 hljóð-
færaleikarar hljómsveitarinnar
ásamt aðalstjórnanda. „Við fáum
stuttan reynslutíma nú í haust,
Una í nóvember og ég í septem-
ber,“ segir Ari. „Fyrsta skrefið er
að prófa fólk í stuttan tíma og síðan
verður væntanlega einn valinn og
hann fær árs reynslusamning. Það
lítur út fyrir að þetta sé tveggja ára
ferli að ráða konsertmeistara.“
Hvorki Ari né Una gera lítið úr
því að þetta sé spennandi og góð
spurning hvort þetta ali á flokka-
dráttum og jafnvel úlfúð innan
hljómsveitarinnar. „Kannski að
einhverju leyti. En það er mjög
gott andrúmsloft innan hljóm-
sveitarinnar. Við Una erum bæði
fiðluleikarar við hljómsveitina og
það hefur verið mjög gott samband
á milli okkar og allra hinna. Nei,
þetta veldur ekki úlfúð,“ segir Ari
og telur litlar líkur á að þau fari að
bregða fæti hvort fyrir annað. Og
þá ekki Una: „Nei, alls ekki. Við
erum ólíkir spilarar en svaka-
lega góðir vinir og berum mikla
virðingu hvort fyrir öðru. Höfum
staðið við bakið hvort á öðru. Og
munum gera. Hvernig sem fer. Við
erum líka samkennarar við Tón-
listarskólann í Reykjavík,“ segir
Una.
Þau segja að reyndar hafi
verið ákveðið að efna til annars
prufuspils. „Já, þeir vilja fá fleiri
í þennan pott með okkur Ara. Al-
þjóðavæðingin er orðin svo mikil.
Menn eru þá einnig að horfa út
fyrir landsteinana og reyna á að fá
fleiri útlendinga en komu í prufu-
spilið í maí. Það prufuspil verður í
nóvember, eða um það bil þegar ég
leiði hljómsveitina,“ segir Una.
Bæði segja þau talsvert álag
fylgja þessari keppni en að þetta
sé fyrst og fremst mikill heiður og
skemmtileg áskorun. Og þau verða
hvorugt vör við að flokkadrátta
gæti innan hljómsveitarinnar – þar
sem þessi hópur heldur með Ara
og hinn með Unu – þótt staðan sé
mikilvæg og varði miklu þegar litið
er til framtíðar Sinfóníuhljómsveit-
arinnar. „Ég held að við njótum
bæði þeirra forréttinda að fólk
standi með okkur í þessu. Ég vil
trúa því,“ segir Una.
Jakob Bjarnar Grétarsson
ritstjorn@frettatiminn
„Við erum ólíkir spilarar en
svakalega góðir vinir og berum
mikla virðingu hvort fyrir öðru.”
Fiðlu-
einvígið
mikla
Guðný Guðmunds-
dóttir lét af störfum
sem konsertmeistari
á nýliðnu starfs-
ári Sinfóníunnar
og eftir prufuspil
stendur slagurinn
nú á milli Ara Þórs
Vilhjálmssonar
og Unu Svein-
bjarnardóttur.
Jakob Bjarnar
Grétarsson heyrði
í fiðlusnillingunum
sem segjast bestu
vinir þrátt fyrir
kapphlaup þeirra
á milli um konsert-
meistarastöðuna
– eina æðstu stöðu
íslensks tónlistarlífs.
Ari og Una Prufuspil aldarinnar. Þau takast nú á um
stöðu konsertmeistara Sinfóníuhljómsveitar Íslands, eina
mikilvægustu stöðu sem um getur í íslensku tónlistarlífi.
Ljósmynd/Hari
16 viðtal Helgin 9.-11. september 2011