Fréttatíminn - 09.09.2011, Blaðsíða 22

Tveggja
Turna Tal
Lausir tímar til leigu í íþróttahúsi
Menntaskólans við Sund
Í íþróttahúsi Menntaskólans við Sund eru lausir til leigu
nokkrir tímar í vetur. Nánari upplýsingar er að finna á vef
skólans www.msund.is.
Rektor
Manchester
United og
Manchester
City hafa
byrjað allra liða
best í ensku
úrvalsdeildinni.
Margt bendir
til þess að
einvígið um
meistaratitilinn
fari fram í
borginni.
E
f einhver hefði sagt fyrir fjór-
um árum að Manchester Uni-
ted og Manchester City ættu
eftir að berjast á toppi ensku
úrvalsdeildarinnar tímabilið
2011 til 2012 hefði sá hinn sami væntan-
lega verið úrskurðaður geðveikur, færður
í hvítu treyjuna og komið fyrir á viðeig-
andi stofnun. Sú er nú engu að síður raun-
in, þökk sé peningum frá hinum moldríka
Sheikh Mansour. Íbúar Manchester-borg-
ar, bláir og rauðir, fá nú að upplifa baráttu
um borgina og enska meistaratitilinn.
Sem er venjubundið fyrir stuðningsmenn
Manchester United en ekki daglegt brauð
fyrir sigursvelta en sauðtrygga stuðnings-
menn Manchester City.
Óhætt er þó að segja að leikmannahóp-
ar liðanna séu ólíkir. Á meðan Alex
Ferguson, knattspyrnustjóri Manc-
hester United, hefur byggt upp
sigursælt lið undanfarin tuttugu
ár og bætt við einstaka mönnum
eftir þörfum á þeim tíma, hefur
Roberto Mancini safnað saman her
af afburða knattspyrnumönnum á
undanförnum þremur árum. Ólík
meðul til að búa til topplið en til-
gangurinn helgar á endanum með-
alið. Bæði lið eru með fullt hús stiga
eftir þrjár umferðir og rúlluðu yfir
topplið í síðustu umferð. Manches-
ter United niðurlægði Arsenal 8-2
á meðan Manchester City pakkaði
Tottenham saman á útivelli, 5-1. Á
köflum hafa Manchester-liðin sýnt
stórbrotin tilþrif og borið höfuð og
herðar yfir andstæðinga sína.
Yngdi upp hægt og hljótt
Alex Ferguson hefur stýrt Manc-
hester United í tuttugu og fimm
ár með ævintýralegum árangri.
Tólf enskir meistaratitlar, fimm
bikartitlar, fjórir deildarbikar-
titlar, tíu Samfélagsskildir, tveir
meistaradeildartitlar, einn sigur
í Evrópukeppni bikarhafa, einn
Ofurbikar Evrópu, einn Álfubikar
og einn heimsbikar félagsliða. Á
þessum tíma hefur lið hans gengið
í gegnum margar endurnýjanir
lífdaga og alltaf komið niður á lapp-
irnar. Undanfarin ár hefur Fergu-
son, í rólegheitum og án þess að
nokkur hafi tekið eftir því, keypt
til liðsins unga og efnilega leik-
menn og náð að yngja upp lið sitt
á undraverðan og sársaukalausan
hátt. Leikmenn eins og Rio Ferdin-
and, Michael Carrick og Dimitar
Berbatov eiga ekki lengur fast sæti
í liðinu og sennilega eru Carrick
og Berbatov dæmdir til bekkjar-
setu í vetur. Ungu mennirnir hafa
komið inn eins og stormsveipir, að
undanskildum spænska markverð-
inum David De Gea sem hefur ekki
þótt traustvekjandi sem eftirmaður
Hollendingsins frábæra, Edwins
van der Saar. Chris Smalling, Phil
Jones, Javier Hernandez og Ashley
Young hafa allir spilað eins og þeir
hafi verið hjá United í hundrað ár
og fallið einstaklega vel inn í liðið
með Anderson og Tom Cleverley,
að ógleymdum Wayne Rooney sem
hefur farið hamförum. Ekkert er í
spilunum annað en að Manchester
United verði áfram á komandi árum
liðið sem allir þurfa að sigra, ætli
þeir sér enska meistaratitilinn.
Á hundrað kílómetra hraða
Á meðan Ferguson hefur silast
áfram eins og virðulegur Bentley
í sunnudagsbíltúr hefur Roberto
Mancini, knattspyrnustjóri Manc-
hester City, verið líkari Ferrari á
leikmannamarkaðnum. Hann hefur
keypt leikmenn eins og enginn sé
morgundagurinn, í viðleitni sinni
til að gera félagið samkeppnishæft
við þau bestu á Englandi – og í
Evrópu. Hann hefur keypt leik-
menn fyrir tæpa 78 milljarða síðan
Sheikh Mansour keypti félagið
1. september 2008. Á sama tíma
hefur félagið selt leikmenn fyrir
fimmtán milljarða. Enginn hefur
verið of dýr fyrir Manchester City.
Leikmenn á borð við Robinho, sem
reyndar gat lítið, Carlos Tevez, Yaya
Toure, David Silva, Edin Dzeko,
Sergio Aguero og Samir Nasri,
sem allir hafa kostað einn stóran
frystitogara, hafa rúllað inn um
hliðið á Etihad-leikvanginum í bláa
hluta Manchester-borgar. Vanda-
mál Mancini hefur ekki verið leik-
mannahópurinn heldur hraðinn á
samsetningu hans. Helsta verkefni
Mancini er að búa til lið úr sam-
safni af ólíkum en heimsklassa
knattspyrnumönnum. Miðað við
fyrstu þrjár umferðirnar virðist
hann vera á góðri leið með liðið og
getur meira að segja glaðst yfir því
að Carlos Tevez er ekki enn byrj-
aður að spila.
Óskar Hrafn Þorvaldsson
oskar@frettatiminn.is
Markahæstir:
1. Edin Dzeko, Manchester City 6
2. Wayne Rooney, Manchester United 5
Flestar stoðsendingar:
1. Ashley Young, Manchester United 4
2. Samir Nasri, Manchester City 3
Flest skot:
1. Manchester City 58
2. Manchester United 50
Flest skot á markið:
1. Manchester City 31
2. Manchester United 29
Besta hlutfall skot/skot á mark:
1. Manchester United 58%
2. Manchester City 53%
Flest mörk:
1. Manchester United 13
2. Manchester City 12
Roberto Mancini
og Alex Ferguson
munu berjast
grimmilega í
vetur. Ljósmynd/
samsett mynd
YFiRbuRðiR CitY og united
22 fótbolti Helgin 9.-11. september 2011