Læknablaðið - 01.02.1971, Side 39

LÆKNABLAÐIÐ
9
Fylgitími (folloiw-up time) er frá fjórum í tuttugu ár, að
meðaitali 10,7 ár.
Eftirrannsókn leiddi í ljós, að af þeim 31 sjúklingi, sem hafði
brjósklos, voru 19 — eða 61% — einkennalausir. Sjö — eða
23% — höfðu smávægileg óþægindi, en ekki rótareinkenni og
stunduðu fulla vinnu.
Tveir höfðu verið skornir upp að nýju vegna gruns um brjósk-
los, annar fjórum, en hinn einu ári frá í'yrstu aðgerð. Hjá hvorug-
um fannst brjósklos við seinni aðgerðina. Annar var með tals-
verða örvefsmyndun kringum rótina í sama liðbili og sömu
megin og við fyrri aðgerð, en hinn var með degeneratio disci
intervertebralis. Báðir eru í fullri vinnu, sá síðarnefndi hefur þó
fengið sér léttara starf.
Þrír mega teljast við slæma heilsu. Þeir hafa oft óþægindi í
baki og rótarverki við og við og þola litla sem enga áreynslu.
Einn þeirra stundar þó vinnu annað veifið, en tveir mega teljast
öryrkjar, annar þó sennilega mest af völdum annarra sjúkdóma
— liðagiktar (R A) og langvinns nýrnasjúkdóms.
Tuttugu sjúklinganna höfðu lamanir fyrir aðgerð, og löguðust
þær hjá helmingnum.
Af þeim fjórum, sem hrjósklos fannst ekki hjá við aðgerð,
eru tveir einkennalausir, einn fær köst í bakið öðru hverju og er
]>á frá vinnu, en er góður þess á milli. Sá fjórði, sem er bóndi,
hefur svo til stöðugt óþægindi í baki og rótareinkenni við og við,
en stundar samt sína fyrri vinnu.
Umræður
Lokaniðurstöður jjessarar eftirrannsóknar á sjúklingum, sem
skornir hafa verið upp við hrjósklosi tiltölulega snemma í sjúk-
dómslegunni, eru þær, að 26 sjúklingar — eða 84% — mega
teljast svo til einkennalausir og í fullu starfi. Þetta er heldur
lakari árangur en hjá Dahlgren, sem er með sambærilegan efni-
við, m. a. mjög svipaðan meðalaldur, 42 ár móti 40V2 hjá okkur,
og kynskipting er mjög áþekk.8 Þetta verður þó að teljast mjög
sómasamlegur árangur hjá okkur, því að flestir höfundar telja,
að 80—90% sjúklinganna hatni, sbr. Barr, Gurdjian o. fl.11 3 10
Tveh’ sjúklingar — eða rúmlega 6% — voru skornir upp aftur,
en hjá hvorugum fannst brjósklos. Þeir eru við uppgjör svo til
einkennalausir og vinnufærir. Þetta er svipuð enduruppskurða-
tiðni og hjá mörguni öðrum, l. d. Lindgren, sem er með 8% tíðni,
en O'Connell er með talsvert lægri tíðni eða 2.25%.10 6