Dagblaðið Vísir - DV - 28.02.2007, Blaðsíða 2

miðvikudagur 28. Febrúar 20072 Fréttir DV
InnlendarFréttIr
ritstjorn@dv.is
Sýknaður af
líkamsárás
Maður var, í Héraðsdómi
Reykjavíkur, sýknaður af því að
hafa kýlt annan mann í andlitið á
Lækjartorgi í ágúst árið 2005.
Segir í dómnum að sá sem
sakaður var um verknaðinn hafi
frá upphafi neitað sök og verið
staðfastur í framburði sínum.
Á móti hafi vitnisburður þess
sem ráðist var á verið nokkuð á
reiki. Hann hafði til dæmis sagt
fyrrverandi kærustu sína og fleiri
hafa verið með sér þegar árásin
átti sér stað án þess þó að geta
bent lögreglu á vitni. Þá gangrýn-
ir dómurinn að einu vitni í
málinu hafi verið sýnd mynd af
ákærða utan á tímariti en ekki í
venjulegri sakbendingu.
Sveik út sextán
gjafabréf
Héraðsdómur Reykjavíkur
dæmdi konu fyrir að hafa svikið
1,2 milljónir króna út af greiðslu-
korti sem hún komst yfir. Brotin
voru 85 talsins, framin á tæpum
mánuði síðasta vor.
Í 64 skipti sveik konan vörur
og þjónustu út á greiðslukortið.
Þar töldu mest 16 gjafabréf sem
hún keypti í Kringlunni en þau
voru frá tuttugu og upp í sextíu
þúsund krónur alls fyrir nærri
átta hundruð þúsund krónur.
Þá notaði konan kortið til þess
að ná reiðufé út úr hraðbanka.
Konan játaði brot sitt og sagði
þau framin eftir að hún féll eftir
sjö ára áfengisbindindi. Refsing
hennar var ákveðin fimm mánaða
fangelsi en þrír mánuðir voru
skilorðsbundnir.
„Það má vera að spilavítisþemað sé
svalt en krakkarnir mega ekki gleyma
því að spilafíkn getur snúist um líf
og dauða,“ segir Júlíus Þór Júlíusson,
framkvæmdarstjóri Samtaka
áhugafólks um spilafíkn á Íslandi,
en framhaldsskólinn Flensborg í
Hafnarfirði hefur breytt skólanum í
spilavíti að hætti Las Vegas. Formaður
árshátíðarnefndarinnar, Olga Eir
Þórarinsdóttir segir áhersluna ekki vera
á spilavítinu heldur glamúrborgina Las
Vegas.
Samtök áhugafólks um spilafíkn
gagnrýna Flensborg fyrir nýstárlegar
skreytingar í skólanum. Þegar gengið
er inn blasir við spilavíti eins og þau
tíðkast í höfuðborg spilavítanna,
Las Vegas. Í andyri skólans má finna
tvö pókerborð auk heimasmíðaðra
spilakassa sem eru þó ekki nothæfir.
Auk þess má finna spilapeninga
og spil á borðum en svokallaðir
vakningardagar eru haldnir hátíðlegir
í skólanum þessa vikuna. Meðal
þess sem verður í boði á dagskrá
hátíðisdaganna er pókerkennsla sem
kennari úr skólanum sér sjálfur um.
Alvarlegt mál
„Það er náttúrulega alvarlegt mál
ef verið er að kenna ungmennunum
póker í skólanum,“ segir Júlíus
Þór Júlíusson, framkvæmdarstjóri
Samtaka áhugafólks um spilafíkn
(SÁS). Hann segir spilafíkn
grafalvarlega en bendir jafnframt
á að það sé jákvætt ef málefnið er
rætt í samfélaginu. Það sé oft þannig
að lítið fari fyrir spilafíkn enda fíknin
þess eðlis. Þess vegna segir hann að
þema skólans sé frekar byggður á
þekkingarleysi þeirra sem skreyta
því stundum átti fólk sig ekki á því
að spilafíkn er grafalvarlegt vandmál.
Sjálfur vakti hann athygli á málefninu
síðasta sumar þegar samtökin gerðu
sláandi auglýsingu sem sýndu ungan
mann svipta sig lífi vegna fíknar
sinnar. Landlæknir lagðist gegn
auglýsingunni og því var hún aldrei
birt í ljósvakamiðlum en hana mátti
finna á veraldarvefnum.
Þarf meiri fræðslu
„Þetta sýnir bara að það þarf meiri
og kröftugri fræðslu um spilafíkn á
Íslandi,“ segir Júlíus en sjálfur hefur
hann verið ötull baráttumaður við að
kynna þennan válega sjúkdóm. Hann
hefur gert fræðslumyndbönd og með-
al annars verður eitt þeirra sýnt í Rík-
issjónvarpinu á sunnudaginn næsta í
hádeginu.
Hann bætir einnig við að það sé
kannski kaldhæðnislegt að hann var
að setja saman fornvarnapakka varð-
andi spilafíkn fyrir Hafnarfjarðarbæ.
„Vonandi að það muni hjálpa þeim
að átta sig á alvarleika vandans,“ segir
Júlíus að lokum.
Viljum ekki stuðla að spilafíkn
Formaður árshátíðarnefndarinnar,
Olga Eir Þórarinsdóttir, segir áhersluna
ekki vera spilavítið sem slíkt heldur
glamúrborgin Las Vegas, „við skiljum
þessi sjónarmið mjög vel, en það er
alls ekki hugmyndin að stuðla að
fjárhættuspilum enda ekki spilað upp
á pening,“ segir Olga en fjárhættuspil
eru bönnuð hér á landi. Hún segir
allt vera heimasmíðað, þar á meðal
spilakassar og spilapeningar. Hún
bendir á að þarna megi finna kapellu
þar sem rokkkóngurinn sjálfur, Elvis
Presley stendur vaktina ásamt öðru
sem Las Vegas er þekkt fyrir. Hún segir
frekar verið að benda á fáránleikann
heldur en glamúrinn enda borgin
mjög ýkt umhverfi.
Hefði hippahátíð verið betri?
„Hvað ef þemað hefði verið
hippar? Myndi fólk þá segja að við
værum að ýta undir frjálsar ástir og
fíkniefnaneyslu?“ spyr Olga Eir en
bendir á að hún vilji alls ekki gera lítið
úr vandamálum spilafíkla því það sé
mjög raunverulegt og alvarlegt mál.
Hún segir tilganginn aðeins þann
að lífga upp á gráan hversdagsleika
skólans og þá sé Las Vegas ansi litrík
leið til þess. Að sögn Olgu hefur
hugmyndinni verið tekið vel og sé í
fullri sátt við skólayfirvöld. Þá mun
það einnig vera á dagskrá í vikunni að
kenna póker. Kennari skólans mun sjá
um kennsluna en aðspurð segir Olga,
„nei enginn verður rúinn inn að skinni
enda engir spilapeningar þar frekar en
annars staðar í skólanum.“
Málverkið Hvítasunnudagur eftir
Jóhannes Kjarval er dýrasta verk
Íslandssögunnar eftir að það var selt
á uppboði hjá Bruun Rasmussen í
Danmörku í gær. Verkið var selt á
þrettán hundruð danskar krónur eða
á rúmar fimmtán milljónir íslenskra
króna og er það margfalt það verð
sem fyrirfram var talið að verkið færi
á.
Gallerí Fold keypti verkið
fyrir Íslending og segir Tryggvi
Friðriksson, listmunasali í Fold,
það hernaðarleyndarmál í umboði
hvers verkið var keypt. Tryggvi segir
Hvítasunnudag eitt af lykilverkum
Kjarvals en málaði það árið 1917.
Vitað var af verkinu en ekki var vissa
fyrir því hvar það væri. „Þetta þýðir
ekki að öll verk Kjarvals hækki, til
þess þyrftu fleiri verk að seljast á háu
verði,“ segir Tryggvi. Hann segir verk
helstu íslensku listamanna eiga að
vera mun dýrari. „Við eigum að miða
okkur við útlendinga og þau verð
sem fást fyrir þeirra verk. Við eigum
til dæmis alveg jafn góða listmálara
og Danir og eigum ekki að vera með
neina minnimáttarkennd.“ Nokkrir
buðu í verkið og gleðst Tryggvi yfir
því á hversu háu verði verkið seldist.
Fimmtán verk eftir Svavar
Guðnason voru einnig seld á upp-
boðinu, sum hver á margföldu
matsverði en um er að ræða litlar
vatnslitamyndir. Þær voru flestar
metnar á sjötíu til níutíu þúsund
krónur íslenskar en nokkrar fóru á
yfirverði, ein á um 270 þúsund ís-
lenskar krónur.
 hrs@dv.is
Framkvæmdastjóri Samtaka áhugafólks um spilafíkn, Júlíus Þór Júlíusson, setur spurn-
ingarmerki við skreytingar Flenborgarskólans, skólinn hefur verið skreyttur eins og
hann sé spilavíti. Formaður árshátíðarnefndar, Olga Eir Þórarinsdóttir, segir ekki ætl-
unina að ýta undir spilafíkn.
Spilavíti í Skólanum
VAlur grEttissOn
blaðamaðurskrifar: valur@dv.is
Reif í hár
leigubílstjóra
Kona var, í Héraðsdómi
Reykjavíkur, fundin sek um
að hafa rifið í hár og klórað
kvenkyns leigubílstjóra,
þannig að hún hlaut eymsli
og rispur á gagnauga.
Ástæða árásarinnar var
að leigubílstjórinn vildi ekki
lækka í útvarpinu eftir að
bílferð konunnar, og manns
sem var með henni í för,
lauk. Konan neitaði sök en
kannaðist við að hafa aðeins
kippt í jakka bílstjórans þegar
hún hafi hótað að hringja
á lögreglu. Fannst konunni
líklegt að leigubílstjórinn
hafi veitt sér áverkana sjálf í
því skyni að kúga af henni fé.
Konan var dæmd til að greiða
180 þúsund krónur í ríkissjóð
og leigubílstjóranum 100
þúsund.
DV lækkar í verði
Frá og með fyrsta mars
næstkomandi lækkar sölu-
verð á DV.
Mánudaga til
fimmtudaga
kostar blaðið 235 krónur
en helgarblað 365 krónur.
Ástæða verðlækkunarinnar
er breyting á lögum um virð-
isaukaskatt, nú um mánað-
armótin.
Hvítasunnudagur Þetta verk kjarvals
er dýrasta íslenska verkið en hann
málaði það árið1917.
Hvítasunnudagur eftir Jóhannes Kjarval:
Dýrasta verk Íslandssögunnar
„Það er náttúrulega
alvarlegt mál ef
verið er að kenna
ungmennunum
póker í skólanum.“
Olga Eir Þórarinsdóttir
og Ásta Júlía Elíasdóttir
Flensborg eða Las vegas? erfitt er
að greina á milli
skólabyggingarinnar Flensborgar
og glamúrborgarinnar Las vegas
þessa daganna.
Rann niður gilið
Einn árekstur varð á Akureyri í
gær. Þar var gríðarlega mikil hálka
og dálítill snjór. Að sögn varðstjóra
var óhappið lítilsháttar en eiginlega
frekar spaugilegt. Ökumaður
hafði verið að keyra niður Gilið og
svo virðist sem hálkan hafi náð
undirtökunum. Bifreiðin rann nokkuð
langt þangað til hún skall á annari
bifreið í Gilinu. Enginn slasaðist við
óhappið og voru skemmdir að sama
skapi afar litlar. Að öðru leyti var
pollrólegt hjá lögreglunni á Akureyri.