Dagblaðið Vísir - DV - 28.02.2007, Blaðsíða 11

DV Fréttir miðvikudagur 28. Febrúar 2007 11
DNA-próf á fílum
DNA-rannsókn á fílabeini
hefur leitt í ljós að ein stærsta
ólöglega fílabeinssending sem
fundist hefur frá árinu 1986, er
úr fílum sem skotnir voru ólög-
lega á sléttum Sambíu. DNA úr
tönnunum var borið saman við
kortlögð erfðafræðiséreinkenni
afríska fílsins hingað og þang-
að um heimsálfuna. Sendingin
ólöglega, sem var gerð upptæk í
Singapore árið 1992, innihélt 532
fílstennur. Líklega hefur þurft að
skjóta 3.500 til 6.000 fíla til þess
að fá slíkan fjölda af tönnum.
erlendarFréttir
ritstjorn@dv.is
Drengur myrtur
Myndir af níu ára pilti sitjandi
við hlið dæmds barnaníðings um
borð í sporvagni nokkrum dög-
um áður en hann fannst myrtur
og misnotaður hafa komið lög-
reglunni í Leipzig í Þýskalandi á
spor morðingja hans.
Lík drengsins fannst illa úti-
leikið á laugardagsmorgun og
bar þess merki að hann hefði
verið misnotaður kynferðislega
nokkrum sinnum. Málið hefur
vakið mikla athygli í Þýskalandi
og raddir um strangari dóma yfir
barnaníðingum verið háværar.
Eldgos á Ítalíu
Hraun er farið að flæða á ít-
ölsku eldfjallaeyjunni Strombólí,
nærri norðurströnd Sikileyjar.
Tveir nýir gígar opnuðust í gær á
tindi fjallsins og streymir hrauns-
pýja frá öðrum þeirra út í sjó við
vesturströnd eyjunnar. Í síðasta
stóra eldgosi á eyjunni árið 2002
féll stórt stykki úr fjallinu í sjóinn
og olli 10 metra hárri flóðbylgju
sem hafði töluverðar skemmdir
í för með sér í þorpinu sem er á
norðurströnd eyjarinnar. Íbúar
þar hafa verið hvattir til að halda
sig frá ströndinni.
Sturlaðist í flugvél
Óla þurfti niður einn þekkt-
asta sjónvarpsmann Frakklands,
Jean-Luc Delarue um borð í
flugi Air France. Delarue gekk
berserksgang, áreitti og kleip í
flugfreyjur og leikmenn alsírska
kvennalandsliðsins í fótbolta að
því kemur fram í frétt í The Times
í gær. Sjónvarpsmaðurinn hefur
beðist afsökunar á látunum og
kennir meðal annars um því mikla
magni af áfengi og lyfjum sem
hann hafi innbyrt til að ráða bug
á flughræðslu. Einnig segist hann
hafa verið undir miklu álagi að
undanförnu við að verja nýfædd
barn sitt gegn atgangi
ljósmyndara.
Delarue hefur
stjórnað vinsæl-
um sjónvarpsþætti í
þrettán ár og er þekktur
fyrir afar nærgætna
framkomu.
Ástandið fer versnandi í flóttamannabúðum í Mósambík:
2000 flóttamenn bætast við á hverjum degi
Áætlað er að um 170 þúsund
manns hafi flosnað upp frá heimilum
sínum vegna flóða í Mósambík. Um
50 þúsund manns búa nú í tjöldum
í flóttamannabúðum í miðju lands-
ins og matarbirgðir í búðunum eru
hverfandi. Um 2.000 manns bætast
við í búðunum, sem þegar eru yfir-
fullar, á hverjum degi. Hjálparstarfs-
menn eiga orðið mjög erfitt með að
fæða þá sem fyrir eru og útvega hreint
vatn. Hættan á kóleru og öðrum far-
sóttum eykst á hverjum degi. Engin
klósett eru í búðunum, hreinlæti er
ábótavant og úrgangur safnast upp.
Miklar rigningar undanfarnar vik-
ur hafa valdið skyndiflóðum í hinni
vatnsmiklu Zambezi-á sem hafa skol-
að á burt heimilum, brúum, mat-
arkosti og búfénaði. Mikil flóð
voru rétt um garð gengin í síðustu
viku þegar einn sterkasti fellibylur
síðustu ára gekk á land af Indlands-
hafi. Alls er talið að 45 manns hafi far-
ist í flóðunum. Flóðin eru hin mestu
í landinu síðan 2000-2001, þegar
um 700 manns létust og hálf milljón
missti heimili sín.
Ríkisstjórn Mósambík þótti
framan af takast mjög vel á við flóð-
in og afleiðingar þeirra. Forsetinn
Armando Guebuza telur hins vegar
ekki ástæðu enn sem komið er til að
kalla eftir frekari alþjóðlegri neyðar-
aðstoð. herdis@dv.is
Heimilið horfið Loks þegar fyrri flóðin
rénuðu í síðustu viku gekk á land einn
sterkasti fellibylur svo árum skiptir. um
170 þúsund manns eru heimilislaus.
SEx látNir og
tugir SlASAðir
Hættulegum vegarkafla er með-
al annars kennt um að tveir stræt-
isvagnar lentu í árekstri á sveitar-
vegi norður af Uppsölum í Svíþjóð
í gærmorgun. Fimm konur og einn
maður létust í slysinu og er tala
látinna á þessum vegarkafla kom-
inn upp í tólf manns á síðustu tíu
árum. Þrír eru alvarlega slasaðir
eftir áreksturinn í morgun og allt
að fjörtíu manns hlutu minnihátt-
ar meiðsl en samtals voru um sjö-
tíu manns í vögnunum.
Meirihluti farþega var ungt fólk
á leið til skóla eða vinnu. Lang-
flestir voru án bílbelta þó vagn-
anir hafi báðir verið útbúnir belt-
um. Notkun þeirra er ekki almenn
samkvæmt fréttum og skrifast það
oftar en ekki á bílstjórana sjálfa en
aðeins fimmtungur þeirra notar
belti samkvæmt rannsóknum. Salt
var borið á veginn tæpum fjórum
tímum fyrir slysið og snjór hafði
verið ruddur á öðrum vegarhelm-
ingnum.
Orsök slyssins liggur ekki fyr-
ir en áreksturinn var mjög harður
eins og ummerki á slysstað báru
merki um. Til að mynda fór stór
hluti vinstri hliðar annars vagns-
ins af. Viðbúnaður var mikill á
svæðinu og fjölmennt lið lögreglu,
hjúkrunarfólks og slökkviliðs-
manna sent á staðinn.
Þrátt fyrir að vegurinn sem
slysið varð á sé alræmdur og lengi
hafi verið barist fyrir úrbótum á
honum eru engar áætlanir um lag-
færingar fyrr en árið 2013 þegar
reisa á vegrið meðfram kafla veg-
arins. En haft er eftir stjórnanda
hjá sænsku vegagerðinni á vefsíðu
Dagens Nyheter að slysið hefði
ekki orðið eins alvarlegt ef vegrið
hefði verið við veginn. Talsmaður
sænska umferðaráðsins telur að
hámarkshraði við veginn sé of hár
og ætti aðeins að vera 70 km á klst
í stað 90 km/klst. Enda liggur veg-
urinn liggur á milli stórra trjáa og
bergs. Hann bendir hins vegar á
að fram til þessa hafi hugmyndum
um lækkun hámarkshraða ávallt
verið mótmælt af vegfarendum.
Guðsþjónustur voru haldnar
í gærkvöld í heimabæjum hinna
látnu enda ríkir mikil sorg á svæð-
inu. kristjan@dv.is
Sex létust þegar tveir strætisvagnar lentu í
árekstri á sveitarvegi í Svíþjóð. Vegarkafl-
inn þar sem slysið varð er alræmd slysa-
gildra og hefur lengi verið barist fyrir úr-
bótum á honum. Þrátt fyrir það eru engar
áætlanir um úrbætur fyrr en árið 2013.
Vegurinn þekkt slysagildra
Áralangur dráttur hefur orðið á
úrbótum á einum hættulegasta
vegi Svíþjóðar.