Dagblaðið Vísir - DV - 17.04.2007, Qupperneq 11

DV Fréttir þriðjudagur 17. apríl 2007 11
Á laugardaginn fara fram for-
setakosningar í Nígeríu. Ef allt fer
vel mun það gerast í fyrsta sinn
að lýðræðisleg stjórn er við völd
tvö kjörtímabil í röð. Oftar en einu
sinni hefur herinn tekið völdin í
byltingu. Því má segja að lýðræði
eigi sér stutta og ofbeldisfulla sögu
í Nígeríu og því er mikið í húfi fyrir
þetta fjölmennasta og eitt ríkasta af
öllum löndum Afríku.
Forseti Nígeríu er bæði for-
seti og leiðtogi þingsins og því má
segja að forsetaræði ríki í landinu.
Síðustu helgi fóru fram alþing-
iskosningar þar sem flokkur lýð-
ræðissinna, sem er flokkur sitjandi
forseta, náði meirihluta á þingi.
Um næstu helgi fara fram forseta-
kosningar og reyndi sitjandi forseti
landsins, Olusegun Obasanjo, að
breyta stjórnarskránni á síðasta ári
svo hann gæti setið þriðja kjörtíma-
bilið í röð, en samkvæmt lögum má
sami maður einungis sitja tvö. Í
þetta sinn hélt lýðræðið velli og nýr
forseti verður kosinn. Ekki virðist
neinn frambjóðandi hafa tekið for-
ystu um embættið en aðstoðarfor-
seti landsins, Atiku Abubakar, hef-
ur stofnað sinn eigin flokk eftir að
hafa verið vikið úr stjórnarflokkn-
um vegna ásakana um spillingu.
Frambjóðandi stjórnarflokksins,
Umaru Musa Yar‘Adua, þykir ekki
sérstaklega vinsæll og ekki er vitað
um kjörfylgi hans. Líkt og í alþing-
iskosningum var nokkrum einstakl-
ingum bannað að bjóða sig fram,
yfirleitt á forsendum spillingar. Í
gær var tilkynnt að Atiku Abubakar,
sem áður hafði verið útilokaður frá
framboði, verði leyft að taka þátt.
Þetta hljómar ekki sem stórmál
nema hvað að búið var að prenta
alla kjörseðla fyrir næstu helgi, 60
milljónir talsins, og gætu kosning-
arnar því verið í uppnámi.
Lýðræðisleg stjórn lengur en eitt kjörtímabil í senn án byltingar:
Lýðræði eflist í Nígeríu
Stjórnarskrá ESB enn í uppnámi
Þjóðverjar, sem nú eru í forsvari í
Evrópusambandinu, munu bjóða
aðildarríkjum sambandsins til við-
ræðna um nýja útgáfu af stjórnar-
skrá í júní næstkomandi.
Hollendingar og Bretar hafa afar
takmarkaðan áhuga á að binda
helstu lög og reglur sambandsins
inn í stjórnarskrá ríkja sinna. Tony
Blair forsætisráðherra Bretlands
hræðist sem fyrr það vald sem ESB
mun öðlast yfir ríkjum sambands-
ins. Jan Peter Balkenende forsætis-
ráðherra Hollands vill frekar auka
lýðræði innan sambandsins en
miðstýringu.
Annar hver unglingur dópar
Allar auglýsingaherferðir og barátta
gegn notkun unglinga á eiturlyfjum
hafa mistekist í Bretlandi ef marka
má nýja skýrslu sem stjórnvöld hafa
unnið. Skýrslan er mikið áfall fyrir
forvarnarhópa og skipar Bretum í
sess sem mestu eiturlyfjanotendur í
Vestur-Evrópu.
Það virðist nánast sama hvar nef-
inu er stungið ofan í skýrsluna alls
staðar er hún svört. Rúm fjörutíu
prósent unglinga á aldrinum 16 til 19
ára hafa einhvern tíma notað eiturlyf
á móti 49 prósentum 20 til 24 ára. Því
má fullyrða að um helmingur ungra
Breta hafi notað eiturlyf einhvern
tíma á ævinni.
Sjópróf Bourbon Dolphin-slyssins
Sjópróf eru að hefjast vegna sjóslyss-
ins sem varð þegar Bourbon Dophin
sökk milli Hjalteyja og Færeyja í
síðustu viku. Átta menn létust, sjö
Norðmenn og einn Dani.
Skipið sem var flutningaskip hafði
verið fest í línu við nálægan olíubor-
pall og átti að draga það við fyrsta
tækifæri. Skyndileg hóf skipið að
sökkva og neyddust menn því til að
skera á línuna. Fimm manns er saknað
og er talið að þeir hafi farið með skip-
inu niður á hafsbotn um 1.100 metr-
um neðar. Nú eru að fara fram sjópróf
þar sem þeir menn sem björguðust
verða yfirheyrðir auk þess sem fjöldi
fræðimanna munu koma að málinu.
Berlingske Officin
rekur 350 manns
Fjölmiðlasamsteypan Det Berl-
ingske Officin, sem rekur meðal
annars Berlingske Tidende, hefur
lýst yfir að fyrirtækið muni fækka
starfsfólki um 350 manns, sem lið
í víðtækum sparnaðaráætlunum
fyrirtækisins. Samsteypan, sem nú
er í eigu breskra aðila, heldur úti
dagblöðum, netmiðlum auk ann-
arra miðla og hefur enn ekki verið
upplýst nánar hvaða miðlar þurfi
að fylgja uppsögnum eftir.
Blaðamenn BT og Berlingske Ti-
dende lögðu niður vinnu í gær til að
mótmæla niðurskurðinum, sem þó
allir vissu að væri yfirvofandi og lík-
ast til munu 25 þeirra missa vinn-
una á næstunni. Í kjölfarið verð-
ur fréttadeild BT og Berlingske
Tidende minnkuð stórlega, dregið
verður úr því sem kallað er tvíverk-
un með samnýtingu á gagnagrunn-
um auk þess sem meiri áhersla
verður lögð á netmiðla á kostnað
prentmiðla.
„Mikilar sviptingar eru á fjöl-
miðlamarkaði og fjölmiðlalands-
lagið hefur breyst mikið hin síðustu
ár. Det Berlingske Officin var keypt
af enska fjölmiðlarisanum Mecom.
Þeir hafa verið að kaupa blaðaút-
gáfur í Noregi og Hollandi og þró-
unin hefur verið svipuð þar enda
blöðin rekin af kaupsýslumönn-
um sem hika ekki við að skera nið-
ur óhagstæðar einingar,“ segir Páll
Tómas Finnsson, samskipta- og
fjölmiðlafræðingur í Árósum. Tóm-
as hefur kynnt sér fjölmiðlamarkað-
inn vel og segir að fríblöðin í Dan-
mörku hafi haft mikil áhrif á þróun
dagblaðaútgáfu. „Þegar eigendur
BT fréttu að Nyhedsavisen væri að
undirbúa útgáfu fríblaðs settu þeir
eigin útgáfu á fullt og voru tilbúnir
með fríblaðið sitt Dato fáum dög-
um eftir að ákvörðun um útgáfu
þess lá fyrir,“ segir Páll.
Berlingske Tidende. Breskir eigendur
hika ekki við að skera niður óhagstæðar
einingar.
Olusegun Obasanjo reyndi að framlengja forsetatíð sína án árangurs.
unni, eða rétt eftir hádegi, og þá er
þeim ljóst að um tuttugu manns
hafa verið myrt og annar eins fjöldi
var illa særður.
Héldu að morðingin væri
farinn
Lögregla svæðisins sagðist hafa
fyrir því sannanir að morðinginn
væri aðeins einn og hann hefði yf-
irgefið skólasvæðið eftir að hafa
myrt stúlkuna á heimavistinni. Það
var líkast til rétt að hann hafi yfir-
gefið svæðið en lögreglu mistókst
að koma í veg fyrir að hann sneri
þangað aftur. Því má leiða líkum að
því að mistök hafi verið gerð af hálfu
lögreglu þegar tilkynnt var um að
enginn hætta stafaði af manninum
eftir fyrsta morðið, enda voru lang-
flestir af þeim rúmlega þrjátíu sem
létust, myrtir í seinni árásinni.
Enn í sjokki
„Ég er bara í sjokki enn þá. Við
erum að horfa á sjónvarpið og
fygjast með og fá fréttir. Engir list-
ar með þeim látnu hafa verið birt-
ir. Ég hef náð sambandi við mína
nánustu vini og eru þeir allir heil-
ir á húfi. En ég kenni líka einum
bekk og ég veit ekkert um líðan
þeirra,“ segir Dagmar og benti á að
hún hafði ekki fundið fyrir neinni
hræðslu meðan hún var læst inn í
skólastofu. „Fyrir stuttu síðan gekk
hér laus fangi sem drepið hafði
tvo lögreglumenn, þá voru gerð-
ar svipaðar öryggiskröfur þar sem
nemendum var sagt að halda sig
inni,“ segir Dagmar og telur að lík-
lega hafi sú reynsla átt sinn þátt í
því hve rólegir nemendur hafi ver-
ið innan dyra.
Forsetinn tjáir sorg sína
Hvíta húsið sendi fljótlega frá
sér tilkynningu þar sem þeir tjáðu
sorg sína yfir hinum vofeiflegu at-
burðum. Stuttu síðar lýsti George
W. Bush forseti persónulega yfir
sorg sinni og vottaði aðstandend-
um fórnarlambanna virðingu sína.
„Skólar eiga að veita vernd og vera
skjól fyrir þá sem vilja læra. Þegar
ráðist er á fólk á þessu svæði sem
allir þekkja svo vel, þá skilur fólk
alls staðar af landinu hvað þau
ganga í gegnum,“ sagði forsetinn.
Skólastjóri Virginia Tech sagði á
fréttafundi að skólinn hefði orðið
fyrir ofbeldi af „sögulegri stærð,“.
Öllu skólahaldi morgundagsins
hefur verið aflýst og verður minn-
ingarathöfn haldin um hina látnu í
staðinn.
Niðurskurður hjá helstu fjölmiðlasamsteypu Danmerkur:
FENgu ENgA viðvöruN
Gráir fyrir járnum
lögreglumenn tóku
enga áhættu og voru
vel vopnum búnir
þegar þeir mættu í
Virginia Tech
háskólann vegna
fjöldamorðanna.
Lögreglumenn á vettvangi Fjölmennt
lögreglulið var kvatt að Virginia Tech háskólanum
eftir að fréttir um árásirnar spurðust út.
George W. Bush „Skóla
eiga að veita vernd og
vera skjól fyrir alla þá
sem vilja læra,“ sagði
Bandaríkjaforseti þegar
hann vottaði aðstand-
endum hinna látnu sam-
úð sína.