Dagblaðið Vísir - DV - 17.04.2007, Qupperneq 14

þriðjudagur 17. apríl 200714 Umræða DV
Allt bendir til að Sjálfstæðisflokkurinn verði áfram í ríkisstjórn að
loknum kosningum og ef fer sem horfir með Framsóknarflokkinn
myndar Geir H. Haarde ríkisstjórn með Ingibjörgu Sólrúnu Gísladótt-
ur eða Steingrími J. Sigfússyni. Það er aðdáunarvert hversu vel Sjálf-
stæðisflokkurinn spilar kosningabaráttuna. Flottur landsfundur og vel
skipulagður hefur styrkt flokkinn og allt bendir til að stórsigur vinnist
í kosningunum. Það sem hefur tekist hvað best í baráttu Sjálfstæð-
isflokksins er að fá kjósendur til að trúa því að Sjálfstæðisflokknum
einum sé treystandi fyrir ríkisfjármálum og öryggi í efnahagsmálum.
Engum hinna flokkanna hefur tekist að draga úr þessum fullyrðingum
Sjálfstæðismanna. Þeir spila baráttuna af fádæma sjálfsöryggi.
Þreyta þjóðarinnar gagnvart ríkisstjórninni er mikil og bitnar ein-
göngu á Framsókn. Þess vegna er trúlegast að Geir H. Haarde myndi
nýja ríkisstjórn og sennilega reyn-
ir hann fyrst við Samfylkinguna en
kveðji Framsóknarflokkinn þó svo
kunni að fara að ríkisstjórnin haldi
velli. Vinstri grænir eru annar val-
kostur. Sterk staða þess flokks mun
hafa þau áhrif að átök verða milli
Vinstri grænna og Samfylkingar á
lokadögum kosningabaráttunnar
sem trúlega leiðir til þess að sam-
starf flokkanna, þá með öðrum
flokki eða flokkum, er ómögulegt.
Baráttan um hvor flokkurinn verð-
ur stærri mun harðna og hafa fín
áhrif fyrir Sjálfstæðisflokkinn þar
sem hann mun þess vegna verða í
meira skjóli en ella hefði verið.
Það verður Sjálfstæðisflokkurinn sem hefur fyrsta val að loknum
kosningum. Það mun verða Geir H. Haarde sem myndar næstu ríkis-
stjórn. Geir er að takast það sem talið var ómögulegt, það er að fylla
skarð Davíðs Oddssonar. Sjálfstæðisflokkur Geirs er annar og ásýndin
öllu vinalegri en var hjá Davíð. Nú bendir allt til að Geir takist að vinna
upp það mikla tap sem flokkurinn beið fyrir fjórum árum. Það er afrek
sem fáir áttu von á.
Lengi leit út fyrir að umhverfismálin yrðu helsta kosningamálið og
myndu reynast Sjálfstæðisflokknum erfið. En svo verður greinilega
ekki. Umhverfismálin eru ekki eins sýnileg nú og þau voru fyrir fáum
vikum og þau hafa ekki skaðað Sjálfstæðisflokkinn. Íslandshreyfingin
var nánast stofnuð til að ná umhverfissinnum frá Sjálfstæðisflokkn-
um. Það hefur mistekist. Tekist hefur að beina umræðunni að pyngju
kjósenda. Enginn vill verri kjör en hann hefur nú og Sjálfstæðisflokkn-
um hefur tekist að sannfæra svo marga um að Sjálfstæðisflokkurinn
einn flokka geti tryggt áframhaldandi velsæld, þeirra sem hennar
njóta, hinir gleymast.
Sigurjón M. Egilsson.
Næsta ríkisstjórn
Brautarholti 26 · 105 Reykjavík · 512 7000 · dv@dv.is
DV greiðir 2.500 krónur fyrir þau fréttaskot sem
leiða til frétta. Fyrir besta fréttaskot hverrar viku
eru greiddar 5.000 krónur og 10.000 fyrir besta
fréttaskot mánaðarins.
512 7070
frettaskot@dv.is
Enginn vill verri kjör en
hann hefur nú og Sjálf-
stæðisflokknum hefur
tekist að sannfæra svo
marga um að Sjálfstæð-
isflokkurinn einn flokka
geti tryggt áframhald-
andi velsæld, þeirra
sem hennar njóta, hinir
gleymast.
Útgáfufélag: Dagblaðið-Vísir útgáfufélag ehf.
StjórNarformaður: Hreinn loftsson framkVæmDaStjóri: Hjálmar Blöndal
ritStjóri og áByrgðarmaður: Sigurjón m. Egilsson
fulltrÚi ritStjóra: janus Sigurjónsson
Eitt er það fyrirbæri sem gerir mig alltaf jafn hissa.
Það er tískan. Eins og fólk hleypur í skjól í steypiregni,
taka stórir hópar u-beygju eins og hendi sé veifað og
fara að hegða sér eins. Þetta varðar einkum og sér í lagi
útlit og klæðaburð. Maður fer á fætur einn daginn og
allir nema maður sjálfur eru komnir í támjóa skó. Öll-
um er þó morgunljóst að támjóir skór eru óþægilegri
og síður fótvænir en flestir aðrir skór. En eins og að
bregðast við náttúruhamförum skverar mannskapur-
inn sér í ósköpin og reiðir fram stórfé, því támjóir skór
úr síðustu támjóu holskeflunni eða þar þar síðustu eru
ekki með alveg rétta sniðinu. Daginn eftir síkka jakkar
fyrirvaralaust. Mér er aldrei tilkynnt um neitt svona og
hengslast því í svipuðum druslum ár eftir ár. Ég kalla
það að hafa sígildan fatasmekk.
Mér er minnisstæð heimsókn í fatabúð, nokkuð
smarta og stællega, í Lundúnum fyrir eins og tveim-
ur áratugum síðan. Við röltum þangað inn tveir fé-
lagar á ferð og eins og góðum Íslendingum er tamt
staðnæmdumst við hjá slá sem á héngu regnföt og
vosklæði. Alveg yfirtak stimamjúkur afgreiðslumaður
vildi allt fyrir okkur gera og mærði ýmsa sjóstakka fyrir
skrifstofufólk í hástert. Félagi minn velti fyrir sér kápu
einni sem virtist á allan hátt hagnýt í hretviðrum. Af-
greiðslumaðurinn gaf nú í og sýndi okkur launhelgar
flíkurinnar, sem voru útsaumur undir kraga, sem að-
eins sást þegar kraginn var uppbrettur. Sömuleiðis lít-
il tala sem virtist alveg laus við notagildi. Og þá kom
setningin sem er allar götur síðan mitt einasta leiðar-
ljós í vandrötuðum heimi tískunnar. Hún er ekki löng
en hana má nota með árangursríkum hætti í viðræð-
um við svokallaðar tískulöggur. Það er reyndar erfitt
að þýða hana á íslensku svo fínustu blæbrigðin kom-
ist til skila og þess vegna segi ég hana alltaf á ensku:
„Love the detail!” Ef maður segir „Love the detail” má
viðmælandanum vera fullljóst að hér er enginn venju-
legur lúði á ferð, heldur einstaklingur með yfirgrips-
mikla þekkingu og djúpstæðan skilning á fínustu blæ-
brigðum framsækinnar hönnunar hátískufatnaðar.
„Love the detail!”
Á hverju ári er rætt í dagblöðum við íslenskt hár-
greiðslufólk á leið til París að sækja nýju línuna. Svo
líður og bíður og einn daginn birtist nýja línan á höfð-
um alþýðunnar. Það geta verið svolítið öðruvísi strípur
eða blástur úr annarri átt eða örlítið meiri styttur, hvað
veit ég sem skarta sömu klippingunni í áratugi. En ég
hlýt að brjóta heilann um það hverjir ákveða línuna
og hver hefur falið þeim það vald? Er þetta lýðræðisleg
ákvörðun eða öllu heldur niðurstaða hóps fólks, sem
hefur valist til þessa starfs vegna óumdeildrar þekk-
ingar sinnar á því hvað sé fólki fyrir bestu ofan á höfði
sér? Eða eru þetta kannski bara einhverjir illa innrætt-
ir kaupahéðnar sem vilja selja okkur nýjasta hársullið?
Eða hópur hárperverta? Hvað veit ég?
Í blaði um daginn sá ég klausu um að nú væri í
tísku hjá unglingsstúlkum að ganga í náttbuxum um
hábjartan daginn. Hver ákvað þetta og í hvers um-
boði? Sem foreldri er það mér auðvitað fagnaðarefni
að flíkur fái tvöfalt hlutverk og notkun þeirra aukist í
samræmi við það. En spurningin stendur. Ef rifjaðar
eru upp nýlegar tískubólur koma upp í hugann tein-
óttu jakkafötin sem tröllriðu íslenskum karlmönnum
um tíma. Hvar hanga þau nú nema í skápnum? Hve-
nær skyldu þau koma út úr skápnum?
Áðan var minnst á támjóu skóna og stígvélin sem
nú eru á hægu undanhaldi, því það er svo mikil synd
að ganga ekki nógu lengi í 30 þúsund króna skóm
áður en þeir eru gengnir til. Hefur einhver reikn-
að út hvað 40 feta gámarnir eru margir sem þurfti
til að flytja inn skákborðastrigaskóna reimalausu
sem íslenskur æskulýður hefur böðlast á í vetraró-
færðinni. Hver ákvað að þeir væru tíska? Er þetta
kannski samsæri innflytjenda noskra brjóstdropa?
Ég er búinn að sjá svona skó í útlöndum í áratugi,
varla nokkur maður hefur gengið í þeim og þá bara
um bláhásumarið. Og munum hitt að konan á al-
hæstu hælunum vinnur. Hverjum er öll þessi tíska
að kenna? Ég krefst tafarlausra svara og jafnvel
hressandi ritdeilu!
Valgeir guðjónsson
tónlistarmaður skrifar
Ef rifjaðar eru upp nýlegar tísku-
bólur koma upp í hugann teinóttu
jakkafötin sem tröllriðu íslenskum
karlmönnum um tíma. Hvar hanga
þau nú nema í skápnum? Hvenær
skyldu þau koma út úr skápnum?
Hverjum er tískan að kenna?
Fráskildir öldungar
Baráttusamtökunum, undir for-
ystu Arndísar Björnsdóttur
formanns, virð-
ist haldast illa á
mökum. Fyrst
tók hópur eldri
borgara saman
við félaga úr röð-
um öryrkja. Það
samstarf gekk
ekki sem skyldi
og því fór svo að
öryrkjarnir hurfu á braut. Næst
tóku þeir saman við Höfuðborg-
arsamtökin sem lýstu áhuga á
samstarfi. Ekki gekk það eftir og
því virðist sem Baráttusamtökin
verði tvífráskilin áður en kemur
að kosningum.
Málskotsrétturinn
Sjálfstæðismenn ítrekuðu þá
stefnu sína á landsfundinum um
síðustu helgi
að afnema
bæri mál-
skotsrétt for-
setans. Sjálf-
stæðismenn,
sem hafa
margir hverjir
löngum haft
horn í síðu
forsetans, tala um nauðsyn þess að
færa stjórnarskrána í nútímalegra
horf. Hins vegar er spurning hversu
vel aðrir flokkar taka undir þetta.
Áhuginn virtist ekki mikill síðast
og spurning hvort sjálfstæðismenn
einangrist í þessum efnum.
ráðning fyrir kosningar
Björn Bjarnason, dóms- og
kirkjumálaráðherra, virðist allur
vera að hress-
ast eftir aðra
innlögn sína
á sjúkrahús á
skömmum tíma.
Hann er far-
inn að skrifa á
heimasíðu sína
á ný og leggur
út af skrifum
Jóns Baldvins Hannibalssonar og
Stefáns Jóns Hafsteins í Morgun-
blaðið um að sameining jafnað-
armanna hafi misheppnast. Björn
segir að halda mætti að kosningar
væru afstaðnar og kjósendur búnir
að veita Samfylkingunni ráðningu.
Sandkorn
Útvatnaður saltfiskur án beina til að sjóða
Sérútvatn. saltfiskur án beina til að steikja
Saltfisksteikur (Lomos) fyrir veitingahús
Umbrot: dV. Prentvinnsla: prentsmiðja Morgunblaðsins. Dreifing: Árvakur. dV áskilur sér rétt til að
birta aðsent efni blaðsins á stafrænu formi og í gagnabönkum án endurgjalds. Öll viðtöl blaðsins eru hljóðrituð.
fréttaStjóri: Brynjólfur Þór guðmundsson
aðStoðarritStjóri: Sigríður Dögg auðunsdóttir auglýSiNgaStjóri: auður Húnfjörð