Læknablaðið - 15.01.1984, Page 65

LÆKNABLAÐID
47
afgreiðslutími sérfræðileyfa væri mun lengri á
íslandi en í Svípjóð. Svo virðist sem læknar
sæki yfirleitt fyrst um viðurkenningu í Svípjóð
og síðan á íslandi. Einn læknir tekur fram, að
hann hafi viðurkenningu í Svíþjóð, en hafi
verið neitað um viðurkenningu á íslandi.
Dvalartími og áform: Spurt var um dvalar-
tíma í Svíþjóð og er niðurstaða sýnd í töflu II.
Tafla II. Dvalartími í Svípjód.
Fjöldi 1983 Hundraðshlutar
Dvalartími í árum 1983 1981 1978
<i 23 (16) (9) (22)
2 16 (H) (22) (26)
3 18 (14) (16) (19)
4 26 (18) (18) (8)
5-9 43 (30) (23) (12)
10-14 7 (5) (4) (2)
>15 9 (6) (8) (11)
Alls 142 100 100 100
Tafla III. Áform um flutning til íslands.
Dvalartími í Svípjóð
0-4 ár 5-9 ár 10-14 ár > 15 ár
Ákveðið hvenær flytur 60 27 0 0
Óákveðið hvenær flytur 16 10 3 0
Óákveðið hvort flytur . 4 4 4 2
Flytur ekki 0 1 0 7
Alls 80 42 7 9
8 læknar sögðust vera fluttir heim ef staða hefði fengist,
flestir peirra höfðu dvalist í 5-9 ár í Svíþjóð.
Tafla IV. Skipting eftir starfssvædum.
Staður 1983 1981 1978
Malmö-Lundur 22 20 15
Gautaborg 20 22 26
Uppsalir 15 17 7
Stokkhólmur 11 11 17
Skövde 9 9 9
Örebro 7 7 4
Falun 7 4 3
Vásterás 6 9 10
Kristiansstad 5 5 0
Helsingborg 4 5 1
Eskilstuna 4 5 5
Sundsvall 4 4 1
Karlskrona 3 1 1
Trollhattan/Vánersborg 3 5 9
Aðrir staðir 22 27 33
Læknar alls 142 151 141
Staðir alls 28 31 29
Eins og sjá má fækkar þeim enn hlutfallslega
sem verið hafa tvö ár og skemur, 27 % nú
miðað við 30 % 1981 og 48 % árið 1978. Spurt
var einnig um áform varðandi heimflutning og
var hægt að velja um sex möguleika. Átta
læknar segja að þeir hefðu flutt heim, ef staða
hefði fengist, og dreifðust þeir á sjö sérgreinar.
Aðrir átta tóku fram, að þeir væru búnir að fá
stöðu á íslandi og flyttust heim á árinu. Áform
varðandi heimflutning með tilliti til dvalartíma
í Svíþjóð má sjá í töflu III.
Starfsheiti, starfsstadur: Eins og áður hefur
komið fram, eru 48 læknar í sérstökum fram-
haldsmenntunarstöðum, en 36 í afleysinga-
stöðum. Hinir skipast sem hér segir: Fjórtán
eru deildarlæknar, tveir í kennslustöðum á
háskólaspítölum, (klinisk amanuens), átta eru
aðstoðaryfirlæknar og átta yfirlæknar. Tveir
læknar reka stofu (privat praktiserande), fjórir
vinna sem heilsugæslulæknar. Enginn læknir
er í stöðu fyrirtækjalæknis og enginn herlækn-
ir, enda þarf til þess sænskan ríkisborgararétt.
Flestir eru við nám og störf á háskólasvæðum,
en alls starfa íslenskir Iæknar á 27 stöðum í
landinu, sjá nánar í töflu IV.
Atvinnuhorfur: Spurt var um álit á atvinnu-
horfum á íslandi og í Svíþjóð. Svörin byggjast
á mati hvers og eins og eru forsendur vafalust
mjög misjafnar. Átján af hundraði svöruðu
ekki þessari spurningu. Svörin skiptust annars
þannig: 7 % töldu atvinnuhorfur góðar á
íslandi, en 42 % í Svíþjóð. Þá töldu 36 %
horfur slæmar á íslandi og 14 % í Svíþjóð.
Brottfail: Eins og áður segir svöruðu 13
læknar ekki spurningunum. Samkvæmt Hand-
bók lækna (1) eru tveir þeirra ekki á skrá á
íslandi og hafa því væntanlega lært erlendis.
Hjá hinum 11 eru liðin að meðaltali 18 ár frá
kandídatsprófi. Meðal þeirra er svöruðu spurn-
ingunum eru liðin að meðaltali 8 ár frá
kandídatsprófi.
UMRÆÐA
Mikill meirihluti íslenskra lækna leitar erlendis
til sérnáms og mun svo væntanlega verða
næstu ár, því framhaldsmenntun á íslandi er
ekki ennþá komin í fastar skorður. Flestir
sækja til Svíþjóðar vegna þess að þar er
framhaldsmenntun þróuð og vel upp byggð í
nánast öllum sérgreinum læknisfræði og vegna
þess hversu auðvelt hefur verið að komast
þar að. Geta má þess að 54 % þeirra er hlutu
lækningaleyfi á íslandi árið 1977 voru fjórum
árum síðar við nám og störf í Svíþjóð (2).