Læknablaðið - 15.11.1996, Síða 53

LÆKNABLAÐIÐ 1996; 82
797
tækni. Með þessu er markmiðið
auðvitað að tryggja fagleg gæði,
skilvirkt og aðgengilegt kerfi en
um leið hámarkshagkvæmni og
bestu nýtingu fjármuna. í allri
umræðunni verður að virða
réttindi sjúklinga og gæta jafn-
ræðis meðal lækna. Sjálfsagt er
að taka á þessum málum, raun-
ar hefur þegar verið ályktað um
þau en setja verður fram niður-
stöðurnar í heildstæðri mynd.
Læknar þurfa að vera forgöngu-
menn ella færu aðrir aðilar sem
betur væru til annarra starfa
fallnir að fjalla um þessi mál og
skipuleggja án samráðs við
læknasamtökin. Pað mun ekki
leiða til kjörniðurstöðu."
Regnhlífarsamtök
Læknafélag íslands eru regn-
hlífarsamtök svæðafélaga. Þau
eru átta og hið langstærsta er
Læknafélag Reykjavíkur sem er
elsta læknafélag í landinu. Fé-
lög íslenskra lækna erlendis eru
einnig undir regnhlífinni.
„Svæðafélögin eru í senn fagleg-
ur og kjaralegur vettvangur
allra lækna á viðkomandi svæði
og úti á landi verða þau áfram
eðlilegur sameiginlegur vett-
vangur lækna,“ segir formaður-
inn en segir aðra þróun hafa
orðið á höfuðborgarsvæðinu:
„Þar hefur það gerst eðlilega
þar sem langflestir læknar eru,
að með tilkomu öflugra sér-
greinafélaga hafa þau orðið
liinn faglegi vettvangur og að
miklu leyti stéttarlegur vett-
vangur í stað svæðafélagsins.
Vera má að eðlilegra sé að
svæðafélög séu til sem fagvett-
vangur úti á landsbyggðinni,
hlutverk hins stóra svæðafélags
LR breytist, sérgreinafélögin
verði fagvettvangur á höfuð-
borgarsvæðinu en stéttarfélögin
starfi á landsvísu sem þrír hóp-
ar, Félag íslenskra heimilis-
lækna, Félag ungra lækna og
Sérfræðingafélag íslenskra
lækna og þau kjósi fulltrúa á að-
alfund LÍ og fulltrúalýðræði
verði áfram.“
Um 70% lækna eru sérfræð-
ingar í því sem nefnt eru sér-
greinar aðrar en heimilislækn-
ingar, um 15% lækna eru sér-
fræðingar í heimilislækningum
og 15% eru í Félagi ungra
lækna. „Við stigum ákveðið
skref á síðasta aðalfundi til
þeirra breytinga sem hér er ýjað
að þegar formaður Félags ís-
lenskra heimilislækna, Félags
ungra lækna og Sérfræðingafé-
lags íslenskra lækna voru kjörn-
ir í stjórn LI. Þannig verða þessi
stóru félög virkari og beinni
þátttakendur í stefnumótun og
daglegu starfi læknasamtak-
anna.
A aðalfundinum var einnig
ákveðið að halda áfram vinnu
við endurskoðun á uppbygg-
ingu læknasamtakanna og mun
Jón Snædal varaformaður LÍ
fara áfram fyrir nefnd um málið
en nefnd hefur verið starfandi
að þessari endurskoðun undir
forystu hans. Því má einnig
skjóta hér inní að á annað
hundrað læknar eru í dag starf-
andi í nefndum og ráðum fyrir
læknasamtökin og þótt nefnd-
irnar séu misjafnlega starfsamar
þá er ljóst að mikil vinna og um-
ræða fer fram á þeim mörgu
sviðum sem læknar hafa afskipti
af.“
Efla þarf stjórnunarnám
Sverrir Bergmann gerði einn-
ig stjórnunarstörf lækna að um-
talsefni og sagði nauðsynlegt að
læknar fengju þar enn frekari
þjálfun og menntun. „Læknum
hafa verið falin æ meiri stjórn-
unarstörf og þurfa þeir að geta
búið sig betur undir slík störf en
verið hefur. Peir mega ekki líða
fyrir það í kjörum ef þeir vilja
helga sig stjórnunarstörfum og
það þarf að gera þeim kleift að
koma aftur að lækningum og
helst að geta stundað læknis-
störf með stjórnunarstörfum.
Stjórnunarnám þarf að efla og
við munum koma því á framfæri
við læknadeild að hún taki upp
kennslu í stjórnun í deildinni og
að hún verði skyldufag.
Stjórnun er afar mikilvæg,
um það tjáir ekki að deila en
hún má ekki þróast yfir í það að
verða einhvers konar sjálfstæð
starfsemi sem jafnvel getur
haldið áfram og vaxið þótt það
sem verið er að stjórna leggist
af. Læknir sem menntar sig vel
til stjórnunarstarfa á að vera
læknir og helst alltaf starfandi