Læknablaðið - 15.11.1996, Side 58

802
LÆKNABLAÐIÐ 1996; 82
raun ekki fjölgað við fjölgun
lækna eða sérgreina. Þetta og
tæknibyltingin hafa skapað
einskonar miðflótta sem hefur
fjarlægt lækna hvern frá öðrum.
Skilningur þeirra á störfum
hvers annars hefur dvínað. Þeir
keppa um sjúklinga og þeir
keppa um verkefni, en meðal
annars vegna þess að íslenskir
læknar sækja þekkingu sína til
margra landa hafa þeir mismun-
andi skoðanir á því hvar og
hvernig leysa á hliðstæð verk-
efni. Agreiningur um slík mál
kann að virðast og getur verið
illleysanlegur, en ef hann er
ekki leystur innan vébanda
læknasamtakanna, missa þau
tiltrú almennings og yfirvalda
og aðrir sem sækjast eftir völd-
um í lækningakerfinu nota tæki-
færin sem þannig gefast. Því
þurfa læknar og samtök þeirra
að skapa sér lækningastefnu
sem tekur á þessum vanda í
heild, þó aldrei verði hægt að
láta hana ná til allra tilvika.
Því má halda fram, með
nokkrum rétti, að á Islandi sé
ekkert lækningakerfi. Lækning-
ar eru og hafa verið stundaðar í
landinu en hvorki læknasam-
tökin né heilbrigðisyfirvöld
hafa skapað heildarstefnu í
lækningamálum. „Besta heil-
brigðisþjónusta í heimi“ hefur
orðið til, þrátt fyrir enga stefnu.
Hvað hefur breyst? Er meiri
þörf á stefnumótun í lækninga-
málum nú en verið hefur? Þeirri
spurningu verður að svara ját-
andi, með tilliti til breyttra að-
stæðna í þjóðfélaginu.
Auk þess sem talið hefur
verið hér að framan og breytt
hefur viðhorfum í lækningamál-
um er takmörkun og niður-
skurður á fjármagni til lækn-
inga. Niðurskurðurinn hefur
verið jafn tilviljanakenndur og
uppbyggingin var á sínum tíma,
enda ekki byggður á neinni
stefnu.
Læknar hafa gagnrýnt niður-
skurðinn en læknasamtökin
hafa ekki mótað neina stefnu
um það hvar og hvernig skera
eigi niður, þannig að það skaði
skjólstæðinga stéttarinnar sem
minnst.
Á aðalfundi LI í september
síðastliðnum kom fram tillaga
frá unglæknum um að flýta
stefnumörkun læknasamtak-
anna um skipulag heilbrigðis-
mála í landinu. Þessi tillaga var
samþykkt einróma. Jafnframt
var samþykkt tillaga um að
safnað verði saman í bók. því
sem komið hefur frá læknasam-
tökunum um skipulag heil-
brigðismála til þessa dags.
Læknar þurfa að skoða hvað
gert hefur verið og í Ijósi þess,
hvað hefur farið úrskeiðis og
hversvegna. Þegar það hefur
verið skoðað er hægt að horfa til
framtíðar, og þá eiga læknasam-
tökin að geta skapað sér heil-
stæða lækningastefnu. Það á
ekki að þurfa að taka mjög lang-
an tíma.
Það er bjargföst skoðun höf-
undar að læknar eigi að vísa
veginn í lækningamálum, en
skilyrði fyrir slíkri leiðsögn er,
að þeir rati!
Árni Björnsson
Dreifibréf landlæknisembættisins nr. 6/1996
Bólusetning
gegn inflúensu
Alþjóðaheilbrigðisstofnun-
in ráðleggur að inflúensubólu-
efni 1996-1997 innihaldi eftir-
talda stofna:
AAVuhan/359/95 (H3N2) - lík-
ur stofn
A/Singapore/6/86/(HlNl) - lík-
ur stofn
B/Beijing/184/93 - líkur stofn
Hverja á að bólusetja?
* Alla einstaklinga eldri en
60 ára
* Öll börn og fullorðna sem
þjást af langvinnum hjarta-,
lungna-, nýrna- og lifrarsjúk-
dómum, sykursýki, illkynja
sjúkdómum og öðrum ónæm-
isbælandi sjúkdómunt.
* Starfsfólk heilbrigðisþjón-
ustu og aðra sem daglega ann-
ast fólk með aukna áhættu.
Brýnt er að bólusetningum
ljúki eigi síðar en í nóvemb-
erlok.
Frábendingar
Ofnæmi gegn eggjum,
formalíni eða kvikasilfri.
Bráðir smitsjúkdómar.
Bólusetning gegn
pneumókokkasýkingum
Landlæknir viO einnig
minna á bólusetningar gegn
pneumókokkasýkingum á 10
ára fresti til handa öllum sem
eru eldri en 60 ára og á fimni
ára fresti til handa einstakling-
um seni eru í sérstökum
áhættuhópum.
Landlæknir