Dagblaðið Vísir - DV - 07.05.2007, Blaðsíða 2

Siv er á
samningasvigi
Líklega hefur heilbrigðis- og
tryggingamálaráðherra verið
afar upptekinn síðustu misseri
og ekki haft mikinn tíma til að
munda pennann. En sá tími er
liðinn enda hefur Siv svigað milli
stofnana og landshluta og náð
að skrifa undir fjölda myndar-
legra samninga. Fyrst náði hún
að bjarga áfengissjúklingum
frá voða með margfrestuðum
þjónustusamningi við SÁÁ, sem
þó gildir einungis til næstu ára-
móta. Svo bjargaði hún öllum
Íslendingum frá bráðum dauða
með undirritun um samning um
bóluefni vegna
heimsfaraldurs
inflúensu.
Sama dag
náði hún að
spóla vestur
á firði og
bjarga geð-
heilsu þeirra
með einu
pennastriki í
Ísafjarðarbæ
og Bolungar-
vík án þess
að gleyma
Sauðárkróki.
„Það eru alltaf sumarlokanir einhvers
staðar á landinu, þótt það sé mjög
óheppilegt,“ segir Matthías Halldórs-
son landlæknir aðspurður um lokan-
ir á Heilbrigðisstofnun Austurlands
á Egilsstöðum. Matthías bendir á
að þetta sé ekki nýtt vandamál held-
ur hefur það verið viðvarandi í heil-
brigðiskerfinu í áraraðir. „Verið er að
loka átta af þeim 26 rúmum sem eru
til staðar á Egilsstöðum. Á meðan er
sjúklingum sem þurfa á innlögn að
halda vísað á Fjórðungssjúkrahúsið
á Norðfirði,“ segir Matthías. Við lok-
um 20 rúma almennri bráðadeild og
flytjum starfsemi hennar á öldrunar-
deild, það er samrekum þær frá 15.
júní til 1. september. Mikill skortur
hefur verið á hjúkrunarfræðingum
og sjúkraliðum hér á landi á síðustu
árum. Nú er svo komið að lítið sem
ekkert starfsfólk er á lausu til að leysa
fastráðna starfsmenn af vegna sum-
arleyfa. „Til að bregðast við þessum
skorti almennt hefur valaðgerðum
verið frestað fram yfir sumarleyfi,
það eru þær aðgerðir sem ekki þarf
að framkvæma brátt,“ segir Matthías
ennfremur.
„Við lokum 20 rúma almennri
bráðadeild og flytjum starfsemi
hennar á öldrunardeild þannig að
þær verða samreknar frá 15. júní til
1. september,“ segir Hörður Högna-
son hjúkrunarforstjóri Heilbrigðis-
stofnunar Ísafjarðarbæjar. Hörður
leggur þó áherslu á að fjögurra rúma
fæðingardeild verði ekki lokað. „Við
erum það langt frá Reykjavík, að við
getum ekki lokað á fæðingarþjón-
ustu, eða þjónustu við bráðveika og
slasaða,“ segir Hörður. Ennfremur
verða ákveðnar deildir á Fjórðungs-
sjúkrahúsi Vesturlands á Akranesi
sameinaðar og í kjölfarið verður um
tíu rúmum lokað, að sögn Ásgeirs
Ásgeirssonar, skrifstofustjóra Fjórð-
ungssjúkrahússins.
Fjölga hjúkrunarfræðinemum
Samkvæmt nýrri skýrslu Fé-
lags íslenskra hjúkrunarfræðinga er
skortur á hjúkrunarfræðingum á Ís-
landi mjög alvarlegt vandamál og
fer vaxandi. Þar kemur fram að nú
vantar 582 hjúkrunarfræðinga til að
leysa úr skorti 445 stöðugilda á ís-
lenskum stofnunum. „Þetta er alvar-
legt vandamál sem varðar marga,“
segir Laura Scheving Thorsteinsson,
hjúkrunarfræðingur og verkefnis-
stjóri Landlæknisembættisins. Laura
bendir á að gripið hafi verið til ým-
issa aðgerða, meðal annars með því
að fjölga nemum á fyrsta ári í hjúkr-
unarfræði um 30 til 40, en Ísland býr
við þann kost að þurfa að vísa nem-
um frá, en slíkt er sjaldgæft í saman-
burðarlöndunum. Einnig er nú í boði
ný námsleið fyrir sjúkraliða. Nám-
ið er nefnt sjúkraliðabrú þar sem
reyndu starfsfólki í umönnunarstörf-
um er gefinn kostur á að stunda nám
í framhaldsskóla og öðlast þannig
löggildingu sjúkraliða. 80 eru nú við
slíkt nám í ýmsum skólum landsins.
Breytt viðhorf til heilsugæslu
„Í bígerð er að vinnuhópur hjúkr-
unarfræðinga og sjúkraliða hittist og
ræði stöðu mála,“ segir Laura sem
vill auka umræðu um tengsl fólks-
ins í landinu við heilbrigðiskerfið.
Laura bendir á að í kjölfar aukins
hraða í mannlífinu almennt komi
krafan um betri þjónustu á skemmri
tíma. Hún vill að fólk setji heilbrigð-
iskerfið í samhengi við lífsgæði og
ákveði hvert viðhorf þess sé til þjón-
ustunnar. „Sjúklingar þurfa að bera
ábyrgð á eigin heilsu eftir því sem
kostur er, eins og kveðið er á um í
lögum, og ég tel að tími sé kominn
til að fólk líti á heilbrigðisþjónustu
sem samvinnuverkefni margra aðila
en ekki einungis ábyrgð heilbrigðis-
stofnana,“ segir Laura og bendir á að
ef til vill þurfi heilbrigðisyfirvöld að
framkvæma allsherjar uppstokkun
á heilbrigðiskerfinu. Það er líklega
kominn tími á algerlega nýja hugs-
un í heilbrigðiskerfinu og uppstokk-
un í stað þess að setja sífellt plástur
á það sem aflaga fer. „Heilbrigðis-
þjónusta á Íslandi er talin með því
besta sem gerist í heiminum, en
skipulag þjónustunnar er einatt ára-
tugagamalt og þessi atriði þurfa að
haldast í hendur,“ segir Laura. Hægt
væri að líkja gamla kerfinu við sam-
band barnabarns og ömmu, þar sem
barnið ætlast til þess að amman geri
allt sem barnið biður hana um án
þess að þurfa að gefa neitt til baka,
nema það að vera til.
mánudagur 7. maí 20072 Fréttir DV
InnlendarFréttIr
ritstjorn@dv.is
Matthías Halldórsson landlæknir segir alltaf verða sumarlokanir á heilbrigðistofnunum.
Átta af tuttugu og sex rúmum verður lokað á sjúkrahúsinu á Egilsstöðum. Fólk veikist
samt og er nú vísað á sjúkrahúsið í Neskaupstað. Sjúklingar verða látnir bíða.
Vantar hundruð
hjúkrunarfræðinga
blaðamaður skrifar: skorri@dv.is
Skorri GíSlaSon
laura Scheving Thorsteinsson
„mér finnst að líta eigi á heilbrigðiskerfið
sem auðlind, en ekki kostnaðarlið eða
byrði á ríkissjóð.“
„Við lokum 20 rúma
almennri bráðadeild
og flytjum starfsemi
hennar á öldrunardeild
þannig að þær verða
samreknar frá 15. júní
til 1. september.“
Einhugur ríkir meðal stjórnmála-
flokkanna um að veita beri trúfélög-
um heimild til að gifta samkynhneigð
pör ef þeim sýnist svo. Þrátt fyrir það
bendir ekkert til þess að þjóðkirkjan
ætli að gera það. Nokkur önnur trú-
félög bíða eftir því að heimild fáist og
eru tilbúin að gefa saman samkyn-
hneigða í hjónaband.
Bæði fulltrúar stjórnarflokkanna
og stjórnarandstöðunnar tjáðu DV
að þeir stefndu að því að veita trúfé-
lögum leyfi til þess að gifta samkyn-
hneigða. Fram til þessa hefur vantað
til þess lagalega heimild.
Steingrímur J. Sigfússon, formað-
ur Vinstrihreyfingarinnar – græns
framboðs, telur að það eigi jafnvel að
vera hluti af skyldum viðurkenndra
trúfélaga að gefa saman fólk af sama
kyni. Guðjón A. Kristinsson, formað-
ur frjálslyndra, segir að brýnt sé að
vinna á andstöðu þjóðkirkjunnar við
giftingar samkynhneigðra.
Þjóðkirkjan hefur hingað til ekki
beðið um að fá þessa heimild frá
ríkinu og á nýlegri
prestastefnu var
tillögu þess efn-
is hafnað. Ýmis
önnur trúfélög hafa komið fram og
sagst ætla að gifta samkynhneigða
um leið og það verður leyft. „Ég hef
þegar gefið saman samkynhneigt
fólk í Fríkirkjunni í Reykjavík með
nákvæmlega sama hætti og gagn-
kynhneigt fólk. Það eina sem vantar
í þessu máli er löggildingin og það er
svolítið dapurlegt að Alþingi þurfi að
hafa vit fyrir öðrum í þessu siðferðis-
lega álitamáli,“ segir Hjörtur Magni
Jóhannsson fríkirkjuprestur í
Reykjavík. Prestar
fleiri trúfélaga taka
í sama streng og
bíða eftir leyfi frá Al-
þingi. Samkvæmt könnun Capac-
ent Gallup frá því í sept-
ember 2006 eru um 70%
landsmanna samþykk því
að leyfa samkynhneigðum
að giftast í kirkju.
Stjórnmálaflokkarnir vilja veita trúfélögum heimild til að gifta samkynheigða:
Brýnt að vinna á andstöðu þjóðkirkjunnar
Giftingar samkynhneigðra Líklega verður trúfélögum veitt heimild til að
gifta samkynhneigða innan skamms.
Alli diskó og
ölvunarakstur
Fjórir voru teknir fyrir
ölvunarakstur í gærkvöldi
að sögn varðstjóra lögregl-
unnar á Suðurnesjum. Mik-
ið líf var í bænum og var
stór hluti þess fólk á besta
aldri sem sótti hið árlega
Bergáskvöld í Stapanum þar
sem Alli diskó sá um stuðið.
Varðstjóri sagði að þrátt fyrir
að unga fólkið sé flest í próf-
um þá virðist það ekki hafa
dregið úr þeim fjölda sem
venjulega sækir miðbæinn
um helgar og voru margir að
tínast heim undir morgun.
ruslaði bíl
Lögreglan var kvödd á vett-
vang í Hafnarfirði á föstudaginn
því rusli hafði verið hellt yfir bíl.
Um skemmdarverk var að ræða
og var eigendum ekki skemmt
vegna uppátækisins. Þegar lög-
reglan kannaði málið kom í ljós
að um hrekk hafði verið að ræða.
Lögreglan er ekki viss um eftir-
mál en vonar að eigandi bílsins
geti hlegið með sínum ágætu
vinum sem rusluðu bílinn hans.
Þá var brotist inn í tvo bíla í
Reykjavík um nóttina.
Reykjavík
tilnefnd
Reykjavík er meðal 11
borga sem tilnefndar eru í
ár til verðlaunanna
World Travel
Awards sem besti
áfangastaður fyrir
skemmtiferðaskip
í Evrópu – Europe’s
Leading Cruise
Destination. Borgirnar
eru ásamt Reykjavík
eru Amsterdam, Aþena,
Cannes, Kaupmannahöfn,
Dubrovnik, Lissabon,
Ósló, Sankti Pétursborg,
Stokkhólmur og Feneyjar.
Ferðaskrifstofur um allan
heim velja besta borgina.
Heilbrigði
„Ég tel að tími sé
kominn til að fólk líti á
heilbrigðisþjónustu
sem samvinnuverkefni
margra aðila en ekki
einungis ábyrgð
heilbrigðisstofnana,“
segir Laura Scheving
Thorsteinsson.