Kjarninn - 26.12.2013, Page 80

01/01 kjarninn KJaRNiNN
K
jarninn kom fyrst út 22. ágúst eftir andvöku-
nætur aðstandenda, mikið stress og álag í
aðdraganda fyrsta útgáfudags. Eins og oft fylgir
stofnun fyrirtækja komu upp margvíslegir
erfiðleikar í aðdraganda þess að fyrsta útgáfan
kom út. Öll vandamálin leystust þó að lokum.
Allt frá upphafi hefur verið lagt upp með að bjóða upp
á vandaðan fjölmiðil sem leggur áherslu á gæði og dýpt í
efnis tökum og skemmtilega umfjöllun og afþreyingu þar sem
nýttir eru möguleikarnir sem stafræna útgáfan býður upp á.
Fyrsta stafræna
útgáfan á íslandi
Deildu með
umheiminum
Kjarninn
Magnús Halldórsson
magnush@kjarninn.is
stundin nálgast 1. útgáfa
Í fyrstu útgáfunni var fjallað ítarlega um eitt stærsta mál
íslensks samtíma, fjármagnshöftin, snjóhengjuna og fyrir-
hugaðar aðgerðir stjórnvalda um lækkun á verðtryggðum
fasteignalánum heimila. Sigmundur Davíð Gunnlaugsson
forsætisráðherra var af þessu tilefni í ítarlegu viðtali. Þá
birti Kjarninn leynilega skýrslu um SpKef sem unnin var
fyrir FME og sýndi ótrúlega óráðsíu í rekstri sjóðsins fjölda
meintra lögbrota stjórnenda.
drengskaparheit tekið af bankamönnum 2. útgáfa
Í annarri útgáfu var fjallað ítarlega um sérfræðingahópa
stjórnvalda um lækkun fasteignalána og afnám verð-
tryggingar. Greint var frá því að sérfræðingarnir hefðu
verið látnir skrifa undir drengskaparheit í ljósi þess að þeir
störfuðu á fjármálamarkaði. Fréttirnar ollu miklum titringi
innan fjármálakerfisins.
óðinn jónsson svarar fyrir sig 3. útgáfa
Óðinn Jónsson, fréttastjóri RÚV, var viðmælandinn í þriðju
útgáfu og ræddi þar um stöðu RÚV, gagnrýni Morgun-
blaðsins á fréttaflutning og ýmislegt fleira. Óðinn hefur
sárasjaldan mætt í viðtöl sem þessi og vakti greining hans á
þjóðmálaumræðunni að vonum mikla athygli.
ný bóla skrifuð í skýin 4. útgáfa
Í fjórðu útgáfu var staðan á fasteignamarkaði til umfjöllunar.
Allt bendir til þess að þúsundir Íslendinga sem eru að koma
inn á fasteignamarkað á næstu árum muni eiga í miklum
vandræðum með að koma þaki yfir höfuðið. Fyrirsögnin
á forsíðu; Ný bóla skrifuð í skýin, gaf tóninn fyrir ítarlega
umfjöllun.
Why aron? 5. útgáfa
Knattspyrnumaðurinn Aron Jóhannsson tók þá umdeildu
ákvörðun að spila með bandaríska landsliðinu frekar
en því íslenska og hlaut bágt fyrir hjá forsvarsmönnum
Knattspyrnusambands Íslands. Kjarninn tók ítarlegt viðtal
við Aron af þessu tilefni þar sem hann tjáði sig um ákvörðun
sína. Viðtalið vakti mikla athygli, ekki síst fyrir þá sök að
Aron sagðist vonast til þess að hitta íslensku félaga sína í
landsliðinu í lokakeppninni í Brasilíu 2014. Grátlega litlu
munaði að það gerðist eftir að Króatía sló Ísland úr keppni.
við viljum þig 6. útgáfa
Prédikarinn Franklin Graham kom til landsins í ágúst og af
því tilefni fjallaði Kjarninn ítarlega um söfnuðinn sem hann
tilheyrir og útbreiðslu hans á bókstafstrú sinni um víða ver-
öld. Mikil umræða spannst í þjóðfélaginu og fór svo að Agnes
Sigurðardóttir gagnrýndi bókstafstrú Franklins Graham í
ræðu.
ég er hættulegastur 7. útgáfa
Jón Gnarr borgarstjóri sagði í sjöundu útgáfu Kjarnans að
hann væri hættulegasti stjórnmálamaður landsins. Viðtalið
vakti gríðarlega athygli, en í því upplýsti Jón að hann myndi
upplýsa um það í Tvíhöfðaþætti á Rás 2 hvort hann ætlaði sér
fram í sveitarstjórnarkosningum eða ekki. Þjóðin beið síðan
spennt yfir útvarpinu 30. október þegar hann tilkynnti þá
ákvörðun að bjóða sig ekki fram aftur.
Kröfuhafar sýna á spilin 8. útgáfa
Í áttundu útgáfu Kjarnans voru birtar í fyrsta skipti sviðs-
myndir sem koma til greina við uppgjör á krónueignum
erlendra aðila hér á landi, þar á meðal kröfuhafa í þrotabú
bankanna. Miklir hagsmunir eru í húfi fyrir þjóðarbúið og
því var umfjöllunin mikilvægt innlegg í umræðu um þessi
mál. Viðtal við Sigurlínu Ingólfsdóttur, forritara í Svíþjóð,
vakti einnig mikla athygli, en hún hefur miklar áhyggjur af
því hvernig konur birtast börnum í tölvuleikjum.
Konur vilja spjalla, karlar vilja kynlíf 9. útgáfa
Úttekt gagnblaðamannsins Páls Hilmarssonar á notendum
einkamála.is var til umfjöllunar. Þar voru notendur greindir
eftir aldri, kyni og áhugasviðum og ljósi varpað á þetta
risastóra samfélag sem vefurinn er. Hreggviður Jónsson,
for maður Viðskiptaráðs Íslands, var viðmælandi vikunnar
og varaði við því að það gæti reynst erfitt að leysa ekki úr
snjóhengju vandamálum með hjálp frá útlöndum. Vanda-
málið væri það stórt.
mokgræddu á falli krónunnar 10. útgáfa
Í tíundu útgáfu voru frumgögn frá PwC birt sem sýndu
umfangsmiklar stöðutökur stjórnenda hjá Kaupþingi gegn
íslensku krónunni. Þeir mokgræddu á falli krónunnar, eins
og sagði á forsíðu. Birting gagnanna olli miklum titringi,
slitastjórn Kaupþings hótaði að krefjast lögbanns en gerði
síðan ekki alvöru úr hótuninni þegar á hólminn var komið.
tónlist er íslensk stóriðja 11. útgáfa
Íslensk tónlist átti hug Kjarnans í elleftu útgáfu og var ítar-
lega fjallað um hana á mörgum stöðum í útgáfunni. Birkir
Hólm Guðnason, forstjóri Icelandair, ræddi um mikilvægi
tónlistarinnar fyrir ferðaþjónustuna og þá var fjallað um
áhrif Iceland Airwaves á íslenska hagkerfið. Skemmst er
frá því að segja að íslensk tónlist er einn af máttarstólpum
Íslands í margvíslegu tilliti og mælist mikilvægi hennar vel í
beinhörðum peningum.
laugavegur ekki lengur draugavegur 12. útgáfa
Tinna Ólafsdóttir, framkvæmdastjóri og einn af eigendum
barnafataframleiðandans Ígló&Indí, var viðmælandi
vikunnar og fjallaði um stóra útrásardrauma fyrirtækisins.
Mikill metnaður er innan raða fyrirtækisins og eru að-
standendur staðráðnir í að búa til alþjóðlegt vörumerki með
íslenskar rætur. Þá var aukið líf á Laugaveginum til umræðu,
en ferðamenn hafa glætt hann lífi.
líbíufé á ögurstundu 13. útgáfa
Kjarninn hélt áfram að birta gögn. Að þessu sinni voru birt
gögn um ótrúlega atburðarás eftir að íslensku bankarnir
hrundu, þar sem stjórnvöld í Lúxemborg freistuðu þess að fá
fjárfestingarsjóði frá Líbíu til þess að kaupa starfsemi Kaup-
þings í Lúxemborg. Skýrsla sem unnin var af fyrr verandi
starfsmanni fjármálaeftirlitsins í Lúxemborg var til um-
fjöllunar. Inn í þetta allt blandaðist hörð milliríkjadeila milli
Lúxemborgar og Belgíu – bak við tjöldin.
Björguðu eigin skinni 14. útgáfa
Í fjórtándu útgáfu var SpKef til umfjöllunar og aftur voru birt
gögn sem skipta almenning miklu máli endaði kostaði fall
SpKef skattgreiðendur 26 milljarða króna. Í gögnunum mátti
sjá að Kaupfélag Suðurnesja tók á sig fjárhagslegt högg sem
nokkrir valdir viðskiptavinir og stjórnendur SpKef hefðu
annars fengið á sig ef ekki hefði komið til þess að kaup-
félagið keypti af þeim hríðfallandi stofnfjárbréf.
verðum að þola að einhver verði ríkur 15. útgáfa
Brynjar Níelsson þingmaður liggur ekki á skoðunum sínum
og gerði það ekki í viðtali í fimmtándu útgáfu Kjarnans. Þar
tjáði hann sig meðal annars um skuldaniðurfellingaráform
stjórnvalda, pólitísk átök og nauðsyn þess að vaða á móti
straumnum.
–U\JJL°KRUõ°  ºWJ¡ID
Sextánda útgáfan var fjölbreytt að vanda, en aðalefnið í
henni var ítarleg umfjöllun um hina fordæmalausu tölvuárás
á Vodafone þar sem þúsundir perónulegra skilaboða fólks-
ins voru opinberuð á vefsíðu eftir að tölvuhakkari réðst á
fyrirtækið. Mikil umfjöllun var í kjölfarið um netöryggismál
á Íslandi.
elskar að vera hötuð 17. útgáfa
Vigdís Hauksdóttir er ekki ofarlega á vinsældalista fólks
sem ekki styður ríkisstjórnarflokkanna, svo mikið er víst. En
hún lætur til sín taka og gegnir mjög mikilvægum trúnaðar-
störfum sem þingmaður Framsóknarflokksins, er meðal
annars formaður fjárlaganefndar Alþingis. Hún segir að
næsta ár, 2014, verði það ár þar sem stjórnarflokkarnir muni
byrja að setja fyrir alvöru mark sitt á stjórn landsins.
Hjálpa öðrum að hjálpa sér 18. útgáfa
Þróunaraðstoð er einhverra hluta vegna mál sem reglulega
er deilt um hér á landi. Hversu mikið á Ísland að leggja í þró-
unaraðstoð? Sitt sýnist hverjum um það. Kjarninn kannaði
umfang þróunaraðstoðar, í hvað peningarnir færu og hver
árangurinn hefði verið. Í stuttu máli hefur árangurinn verið
mikill og aðstoðin hjálpaði fólki í neyð víða um heim. Fram-
lag Íslands til Jarðhitaskóla Sameinuðu þjóðanna hefur skipt
gríðarlega miklu máli fyrir hin ýmsu svæði í heiminum þar
sem fátækt gerir líf fólks erfitt.