Kjarninn - 26.12.2013, Qupperneq 97

09/09 kjarninn BÍLaR
Undanfarin ár hefur lítið farið fyrir nýjum pallbílum á
Íslandi, sem þó voru hér æði vinsælir fyrir ekki svo löngu.
Skýrist það sennilega af óhagstæðu gengi og miklum
hækkunum á vörugjöldum auk lítillar almennrar bílasölu.
Engu að síður er ástæða til að minnast á tíðindi úr vestur-
heimi, þar sem bílarisarnir þrír Ford, GM og Chrysler bítast
um þennan mikilvæga markað.
Lengi hefur verið kallað eftir því að svokallaðir hálftonna
pallbílar verði boðnir með dísilvél en þrátt fyrir ýmsar yfir-
lýsingar allra þessara framleiðenda hefur lítið orðið um
efndir.
Nú ríður loks Ram (áður Dodge, dótturfyrirtæki Chrysler)
á vaðið með 3,0 lítra V6 dísilvél, sem mun skila 240 hestöflum
og 570 newtonmetra togi.
Hinir tveir framleiðendurnir veðja áfram á bensínvélar og
þær framþróanir sem orðið hafa í hagkvæmni þeirra, en fróð-
legt verður að sjá hvernig viðtökur verða við Ram 1500 dísil.
PALLBÍLAR