Nýtt S.O.S. - 01.07.1960, Blaðsíða 9

Eg vona, að sama megi segja um yður og yðar menn. Og nú, sjáumst
aftur, Wilmott skipstjóri. Eg óska yður og Morro Castle góðrar ferðar!"
SKIPIÐ SIGLIR SINN SJÓ.
Morro Castle lá enn við hafnarbakkann. Þetta glæsilega skip var einna
h'kast kastala, þar sem það lá fyrir framan lágreistar vöruskemmurnar.
Sex raðir uppljómaðra skipsljóra og stórir gluggar yfirbyggingarinnar
gáfu ótvírætt til kynna innri glæsileika, danssali, bari, lúksusíbúðir með
silkiveggfóðri, tennisvöll og sundlaug lagða marmaraflísum.
Enn var nokkur tími þar til skipið skyldi láta úr höfn. Ljósavélarnar
einar voru í gangi. Einhversstaðar heyrðist í hvellri bjöllu.
„Er bíllinn hans Mr. Banbury kominn um borð?“ spurði maður sá,
sem átti að sjá um bílaflutningana.
„Nei, Mr. Banbury er nýkominn. Við verðum að bíða ofurlítið. Það
er enginn rafstraumur á vindu nr. IV".
Einn hásetanna dró upp dagblað úr pússi sínu.
„Mr. Banbury? Það er víst miljónamæringurinn, sem myndin er af
hérna?“ Hásetinn benti á mynd af ungum manni, skegglausum, glæsi-
legum manni.
Eimflautan gall nú við í fyrsta sinn. Smám saman féll þetta iðandi
líf um borð i fastar skorður. Á framþilfarinu stóðu enn geysimiklir
staflar af ferðakistum, sem voru bornar undir þiljur smám saman. Tösk-
ur, með álímdum miðum gistihúsa hvarvetna í heiminum. Töskur heims-
hornaflakkara og fylgdarliðs þeirra. Hver taska sagði sína sögu um mik-
ið ferðalag. Hótelmiðar frá Florida, Colombo, Kissingen og Gastein,
Neapel og Baden-Baden.
Hansen, annar stýrimaður á Morro Castle, stóð afturá og sá um út-
skipun farþegafarangursins. Kraninn stundi og glumdi, stálarmur hans
flutti netið tómt í land, en kom með feng sinn í því til baka. Á hafnar-
bakkanum var þétt röð bíla, sem ferðalangar stigu út úr. Dömur í hvít-
um kápum, með stóran blómvönd í höndunum, og karlmenn í léttum
sumarfötum, en sumir þó í veizluklæðum, hafa sýnilega komið beint úr
klúbbnum til þess að fylgja einhverjum.
Hansen leit á upplýstu klukkuna á afturþiljunum, óþolinmóður á svip.
Eftir klukkustund átti Morro Castle að láta úr höfn. Dráttarskipið var
komið upp að síðunni og blés reyknum yfir nýþvegin þilförin.
Fólkið streymdi enn inn á þilförin í stórhópum.
Nýtt S O S
9