Nýtt S.O.S. - 01.07.1960, Side 30

„Það er gott. Farið þegar í stað upp í brú og fáið fyrirskipanir lijá
Wilmott skipstjóra."
„Wilmott er látinn. Það ganga sögur um, að hann Iiafi verið myrtur
í gærkvöldi."
Rogers horfði á Alagna steinhissa. Hann hafði gengið til hvílu að
lokinni seinustu vakt og var ókunnugt um lát skipstjórans.
„Spyrjið þá AVarms!*' sagði hann loks.
Alagna hljóp yfir bátaþilfarið. Þar ríkti hin mesta ringulreið. Mitt i
reyk og neistaflugi unnu menn að því að gera bátana klára. Við og við
létu menn sprauta á sig úr sjóslöngu til þess að slökkva í fötunum. Eld-
blossar komu upp miðskips. Morro Castle valt mikið, því enn var hauga-
sjór. Enn var siglt með fullri ferð.
Loks komst Alagna upp í brú.
„Eigum við að senda CQ til þess að skip verði viðbúin, ef við þurf-
um að senda S O S ?“ spurði hann fyrsta stýrimann.
Warms leit á Alagna eins og hann hefði séð sjálfan djöfulinn.
„Nei, ekkert CQ!“
„Þá sem sagt strax SoS?“ spurði Alagna.
„Nei, ekki heldur SOS. Það mundi kosta útgerðarfélagið hundruð þús-
unda dollara að draga skipið til hafnar. Við komumst í höfn af eigin
ramleik. Eftir tvær klukkustundir erum við í New York.“
„Eftir tvo klukkutíma verður búið að steikja farþegana!" hrópaði Al-
agna í reiði. „Og okkur líka!"
„Komið yður niður úr brúnni og skiptið yður af loftskeytatækjunum
en ekki öðru!“ öskraði Warms.
Alagna reyndi að komast til baka gegnum reyk og eld.
„í bátana!“ hrópaði æstur mannfjöldinn.
„Stopp! Ekki lengra!“
Einn yfirmannanna stóð hjá bátnum og miðaði skammbyssu. „Stopp!“
Ægilegt óp yfirgnæfði skothvellinn. Farþegi hné niður og menn stumr-
uðu yfir honum.
Aftur skot. Maður riðaði við. Kúlan hæfði hann í hnéð.
„Hvar eru sundvestin? Látið okkur fá sundvestin!" kölluðu nokkrir
menn, sem ætluðu að hlaupa fyrir borð.
„Þau eru í klefunum! Vitið þið það ekki? TJndir höfðalaginu!"
,,\Tið komumst ekki inn í klefana!“
„Leyfið okkur að komast áfram!“

Nýtt S O S