Dagblaðið Vísir - DV - 30.08.2007, Blaðsíða 13

Framhald
á næstu opnuhj
ól
ið
m
itt
Hjólreiðar eru einn
umhverfisvænsti
fararmáti sem völ er á.
Íslendingar virðast
vera að vakna til
vitundar um hve
hentugt er að ferðast á
hjóli þótt við stöndum
nágrannaþjóðum
okkar langt að baki.
Gísli Marteinn Baldurs-
son segir hér frá
hugmyndum um
bætta aðstöðu hjól-
reiðafólks í Reykjavík. Í
blaðinu er talað við
nokkra hressa Íslend-
inga sem eiga það
sameiginlegt að nota
hjólið sitt reglulega. Á
baksíðu er talað við
verslunarstjóra í
Erninum auk þess sem
þar má finna kort af
því hve langt má hjóla
innan Reykjavíkur á
korteri.
Gísli Marteinn Baldurs-
son, formaður umhverf-
isráðs í Reykjavík, segir
að aðstaða hjólreiða-
manna gæti verið betri.
Hann bendir þó á að
verið sé að undirbúa
stór skref í þá átt að
auðvelda hjólreiða-
mönnum og gangandi
vegfarendum að ferðast
um borgina.
VEÐRIÐ
EKKI
AFSÖKUN
„Aðstaðan til hjólreiða í Reykjavík gæti
verið betri. Við erum að vinna að því að gera
hana betri, meðal annars með grænu skref-
unum.“ Þetta segir Gísli Marteinn þegar hann
er spurður um aðstöðu hjólreiðamanna í höf-
uðborginni. „Einkennisorð áætlunarinnar eru
Göngum meira, hjólum lengra, en hún miðar
að því að gera aðstöðu þeirra sem ferðast um
gangandi eða hjólandi betri meðal annars með
því að aðskilja þessa tvo hópa. Í fyrsta skref-
inu munum við meðal annars taka mest nýtta
göngu- og hjólreiðastíg borgarinnar; Ægis-
íðustíginn til gagngerrar endurskoðunar. Þar
munum við aðskilja alveg gangandi og hjólandi
umferð. Hann verður sums staðar upphitaður
og upplýstur. Til lengri tíma litið þarf að huga
að því að fjölga hjólreiðastígum meðfram um-
ferðargötum, eins og gert hefur verið nýlega við
Lönguhlíðina.“
Hjólaeign mikil
Aðspurður segist Gísli ekki vera á þeirri
skoðun að lækka þurfi reiðhjólaverð. „Rann-
sóknir sýna að hjólaeign Reykvíkinga er mjög
mikil. Vandamálið er þess vegna ekki hjólaeign
borgarbúa. Vandamálið felst í því að fá fólk til
að nota þau. Ég held að ástæðan fyrir því að fólk
noti hjólin lítið sé meðal annars sú hve víðfeðm
borgin okkar er. Ég er þess vegna talsmaður
þess að byggja þéttar. Það gerir það að verkum
að fleiri íbúar búi nálægt vinnustaðnum sínum
og verði þess vegna líklegri til að líta á hjólið
sem ákjósanlegan fararmáta til og frá vinnu.“
Hjólreiðafólk mæti seinna
Gísli segir að fólk geti ekki notað veðrið
sem afsökun fyrir því að hjóla ekki. „Á sumr-
in gæti fólk til dæmis lagt bílnum og hjólað
í góða veðrinu. Það væsti ekki beinlínis um
hjólreiðafólk í Reykjavík í sumar. Fólk þarf bara
að klæða sig eftir aðstæðum. Ég var í þessum
töluðu orðum að hjóla heim úr minni vinnu.
Það rigndi aðeins á mig en ég var við því bú-
inn og tók með mér léttan frakka sem hrindir
frá sér vatni. Ég held að margir geti auðveld-
lega hugsað dæmið upp á nýtt og notað hjólið
oftar.“ Gísli viðurkennir þó að vissulega geti
fólk haft ýmsar ástæður fyrir því að fara á bíl í
vinnuna. Hann segist þó vonast eftir hugarfars-
breytingu. „Ég hef rætt það við stóra vinnuveit-
endur sem láta byggja nýjar höfuðstöðvar að
þeir geri ráð fyrir aðstöðu hjólreiðafólks; bæði
innanhússreiðhjólageymslum og sturtuað-
stöðu.“ Gísli segir fleiri möguleika í boði. „Í stað
þess að greiða bensínpeninga gætu atvinnu-
rekendur hvatt starfsfólk til þess að hjóla með
því að leyfa því að mæta 15 mínútum seinna á
morgnana. Þá gæfist tími til að fara í sturtu og
fólk myndi mæta hressara í vinnuna fyrir vikið.
Það er margt hægt að gera fyrir hjólreiðafólk og
Reykjavíkurborg mun brátt verða fyrirtækjum
og stofnunum fyrirmynd í þeim efnum.“