Dagblaðið Vísir - DV - 22.10.2007, Blaðsíða 8

Mánudagur 22. október 20078 Fréttir DV
Fitusog án
skurðaðgerðar
10 daga meðferð sem
jafnast á við fitusog. Húðin
stinnist og appelsínuhúð
hverfur. 100% ánægja að
meðferð lokinni
Tilboðsverð kr. 24.900.-
Stórhöfða 17 • 110 Reykjavík
577 7007
Sími:
Nemendur í Rah-e-Amal-skólanum eru ekki heimtufrekir:
Stunda nám undir berum himni
Í hátt í tíu ár hefur verið starf-
ræktur skóli fyrir götubörn í borg-
inni Rawalpindi í Pakistan. Það eitt
er kannski ekki í frásögur færandi, en
að hann sé starfræktur undir berum
himni er það aftur á móti. Stofnandi
skólans er Zehra Fasahat og kennsl-
an fer fram á veröndinni fyrir fram-
an hús hennar og á garðspildu sem
liggur að því. Á hverjum morgni stilla
börnin upp krítartöflum og koma
fyrir dýnum og námið hefst. Að því
loknu taka krakkarnir allt saman á ný
og af þeim skín sjálfsöryggi og ham-
ingja með það sem þau hafa lært
þann daginn. Flest barnanna eru úr
fjölskyldum sem berjast fyrir tilveru
sinni í þjónustustörfum eða með
betli á götunum og með náminu hef-
ur þeim tekist að vinna bug á eymd-
inni sem fylgir fátækt.
Börnin voru tortryggin
Zehra Fasahat hafði horft upp á
börnin róta í rusli á götunum í von um
æti. Allar leifar urðu að máltíð í þeirra
höndum. „Ég hugsaði með mér að hér
væru börnin, í mínu nágrenni, mitt á
meðal okkar, svo soltin og örvænting-
arfull og það væri skylda okkar að gera
eitthvað fyrir þau,“ sagði hún. Hún
kallaði til barnanna og spurði hvort
þau vildu læra. Fyrstu viðbrögð barn-
anna einkenndust af tortryggni. „Þau
spurðu: „Af hverju? Viltu fá atkvæði
okkar? Eða ætlarðu að selja okkur?““
sagði Zehra Fasahat. Börnin sneru
aftur nokkrum dögum síðar og tóku
hana á orðinu. Einhverju síðar flutti
Zehra Fasahat ásamt fjölskyldu sinni,
en götubörnin fylgdu í kjölfarið. Núna
stunda um tvö hundruð börn nám við
Rah-e-Amal-skóla Fasahat, en hann er
rekinn með frjálsum framlögum. Betlarar Lífsbarátta fátækra er hörð í Pakistan.
Atkvæði til sölu
Taílendingar eru ekki að
flækja málin þegar kemur að því
að velja ráðamenn þjóðarinn-
ar. Samkvæmt frétt í dagblaði
í Bangkok eru tveir af hverj-
um þremur reiðubúnir að selja
atkvæði sín í kosningum. Þetta
eru niðurstöður úr rannsókn
á bakgrunni tæplega fjögurra
þúsunda kjörinna taílenskra
embættismanna í fjórtán hér-
uðum landsins. Átta af hverjum
tíu vilja þó ekki tala um spillingu
eða kosningasvindl. Surayud
Chulanont, forsætisráðherra
landsins, hefur ekki haft erindi
sem erfiði í baráttu sinni gegn
því að atkvæði gangi kaupum og
sölum, því almenningur lætur
sig það litlu varða.
erlendarFréttir
ritstjorn@dv.is
Skotinn í höfuðið
Maður var skotinn í höfuðið
í Kaupmannahöfn um helgina.
Atvikið átti sér stað við Maríu-
kirkjuna á Istedgötu, en sá stað-
ur nýtur mikilla vinsælda hjá
fíkniefnaneytendum í borginni
og ekki óalgengt að þar komi til
ryskinga þeirra í milli. Maðurinn
var þó ekki meira sár en svo að
hann gat komist af sjálfsdáðum
af vettvangi, þó blóðslóðin fylgdi
honum. Lögreglan kom honum
undir læknishendur. Svæðið var
girt af og fann lögreglan skamm-
byssu og skothylki af lítilli hlaup-
vídd. Í gær hafði lögreglan ekki
handtekið neinn í tengslum við
skotárásina.
NÚ GETUR ÞÚ LESIÐ
DV Á DV.IS DV er
aðgengilegt
á dv.is og
kostar
netáskriftin
1.490 kr. á
mánuði
Fjöldi tyrkneskra hermanna lét lífið í fyrirsát við landamæri Tyrklands og Íraks. Her
Tyrklands hefur fengið leyfi þingsins til innrásar, en forsætisráðherra landsins segir
að engar óyfirvegaðar aðgerðir séu í bígerð.
Líkur á innrás Tyrklands í norður-
hluta Íraks hafa aukist til muna en
um helgina létust ekki færri en tólf
tyrkneskir hermenn í fyrirsát upp-
reisnarmanna Kúrda. Fyrirsátin var
gerð þegar tyrkneskir hermenn fóru
yfir brú nærri íröksku landamærun-
um. Auk þeirra sem létust slasaðist
á annan tug hermanna og tíu her-
manna er saknað, ekki er loku fyrir
það skotið að þeim hafi verið rænt af
Kúrdum. Að sögn tyrkneska hersins
létust á þriðja tug uppreisnarmanna
í bardaganum sem var nokkuð snar-
pur. Sautján manns létust í öðru
atviki í sama héraði en þá sprakk
sprengja þar sem bílalest brúðkaups-
gesta fór um.
Recep Tayyip Erdogan, forsætis-
ráðherra Tyrklands, boðaði til neyð-
arfundar með yfirstjórn hersins
vegna fyrirsátarinnar, en árásin um
helgina er sú alvarlegasta í áratug og
var gerð aðeins fjórum dögum eft-
ir að tyrkneska þingið samþykkti að
heimila her landsins að ráðast inn í
kúrdíska hluta Íraks.
Mikil reiði og hatur
Tyrkir segja að Bandaríkjamönn-
um og yfirvöldum í Írak hafi mistek-
ist að koma í veg fyrir aðgerðir kúr-
díska verkamannaflokksins, sem hafi
notað bækistöðvar skæruliða í Norð-
ur-Írak til að gera viðamiklar árásir á
tyrknesk skotmörk undanfarnar vik-
ur. „Reiði okkar, hatur okkar, er mik-
ið,“ sagði Erdogan í tyrkneska sjón-
varpinu í gær, en ítrekaði að tyrknesk
stjórnvöld myndu grípa til yfirveg-
aðra aðgerða, sem yrðu byggðar á al-
mennri skynsemi en ekki ofsa. Rík-
isstjórn Tyrklands er undir miklum
þrýstingi af hálfu bæði almennings
og hers til að grípa til aðgerða gegn
uppreisnarmönnum Kúrda í norður-
hluta Íraks. Síðastliðinn mánuð hafa
ekki færri en fjörutíu tyrkneskir her-
menn látið lífið, en um eitt hundrað
þúsund hermenn eru staðsettir við
landamæri Íraks við landamæra-
vörslu og eftirlit. Leyfi þingsins til
innrásar í Írak gildir í eitt ár og Erdog-
an forsætisráðherra hefur ekki gefið
upp hvort innrás sé yfirvofandi.
Hvattir til stillingar
Bandaríkjamenn, sem lengi hafa
verið meðal öflugustu bandamanna
Tyrkja, og stjórnvöld í Bagdad hafa
lýst yfir áhyggjum vegna yfirvofandi
innrásar Tyrkja í Norður-Írak. Það er
eini hluti landsins sem getur talist til-
tölulega stöðugur og innrás gæti haft
þar verulega slæm áhrif. Yfirvöld í
Tyrklandi hafa þó skellt skollaeyrum
við viðvörunum Bandaríkjamanna,
enda gætir mikillar reiði í Tyrklandi
vegna samþykktar utanríkismála-
nefndar Bandaríkjaþings um þjóðar-
morð Ottómana á Armenum í upp-
hafi tuttugustu aldar.
Vestrænir sendiráðsfulltrúar og
stjórnmálaskýrendur telja þó að
Tyrkir muni hugsa sig tvisvar um
áður en þeir hefja aðgerðir sem vald-
ið gætu kreppu í efnahagslegu og
stjórnmálalegu tilliti.
Forsetinn er Kúrdi
Erdogan hefur krafist þess að Írak-
ar uppræti búðir uppreisnarmanna
Kúrda í Írak og handtaki leiðtoga
þeirra. Forseti Íraks, Jalal Talabani,
er Kúrdi og sagði kröfu Erdogans
óraunhæfa, því ólíklegt yrði að teljast
að her Íraka gæti komið einhverju
til leiðar gagnvart aðskilnaðarsinn-
um Kúrda í norðuhluta landsins,
þar sem hinum stóra og vel búna
her Tyrkja hefði mistekist. Massoud
Barzani, forseti hins sjálfstæða Kúr-
dahéraðs í Írak, sagði að stjórn Kúrda
bæri skylda til að verja fólk sitt ef til
innrásar Tyrkja kæmi.
Kúrdíski verkamannaflokkur-
inn er talinn hryðjuverkasamtök af
Bandaríkjunum og Evrópusamband-
inu og hóf baráttu fyrir sjálfstæðu
ríki Kúrda í Suðaustur-Tyrklandi árið
1984. Tyrknesk stjórnvöld segja að
verkamannaflokkur Kúrda hafi ekki
færri en þrjátíu þúsund mannslíf á
samviskunni.
KolBeinn þorsteinsson
blaðamaður skrifar: kolbeinn@dv.is
Vestrænir sendiráðs-
fulltrúar og stjórnmála-
skýrendur telja þó að
tyrkir muni hugsa sig
tvisvar um áður en þeir
hefja aðgerðir sem
valdið gætu kreppu
í efnahagslegu og
stjórnmálalegu tilliti.
HERINN Í VIÐBRAGÐSSTÖÐU
tyrkland Mikill þrýstingur er á
ríkisstjórnina af almenningi og her lands-
ins.
Massoud Barzani og Jalal
talabani talabani sagði óraunhæft
að ætla Írökum að uppræta kúrd-
íska uppreisnarmenn.