Fréttatíminn - 07.02.2014, Side 28

„Mér finnst
Spamalot
vera algjört
draumastykki.“
Maríus er þó einstaklega þakk-
látur fyrir þessi ár sem gáfu
honum ótrúlega reynslu. „Auð-
vitað langaði mig að geta unnið
við söngleiki, það var mjög mikil-
vægt fyrir mig að fá reynslu úti
og ég var svo heppinn að fá það.
Aðaltakmarkið mitt í upphafi var
eiginlega bara að vera úti. Manni
finnst alltaf grasið grænna hinum
megin og ég var viss um að það
væri það. Eftir á að hyggja var
ég kannski of upptekinn af því
að vera úti, því auðvitað er svo
margt spennandi að gerast hér
þó markaðurinn sé minni. Það er
náttúrulega „no place like home“
og það þarf ekkert að vera verra
að vinna hér en úti. En það var
bara það sem mig langaði að gera
þá. Svo langaði mig líka bara að
lifa úti og kynnast heiminum,
kúltivera mig aðeins.“
Aftur í Þjóðleikhúsið
Maríus stígur á svið Þjóðleik-
hússins í febrúar en hlutverkið í
Spamalot verður hið fyrsta síðan
hann flutti heim fyrir þremur
árum. Hann hefur þó alls ekki
setið auðum höndum. Fyrir utan
að halda tónleika, kenna söng
og stjórna kór, stundar hann
mastersnám í Listaháskólanum,
þaðan sem hann útskrifast í vor.
Auk þess hefur hann eytt sumr-
unum sem hótelstjóri á Hótel
Hellnum. Inntur um muninn
á að vinna hér heima og úti
segir Maríus meira flæði vera á
milli greina og fólks hér heima,
sem komi ekki aðeins til vegna
smæðar landsins heldur líka
vegna þess hvað listamenn hér
séu opnir fyrir því að prófa hitt
og þetta. Úti sé fókusinn meira
á einn bransa og fólk flakki ekki
mikið á milli þeirra. Hér sé gras-
rótin mjög virk og fólk oftast
boðið og búið til að framkvæma
spennandi hluti. Eitt leiði líka oft
af sér annað.
„Síðasta vetur þegar ég var að
taka þátt í leikhúsi listamanna
með kórnum steig ég á svið í
gömlu óperunni og það bara
gerðist eitthvað. Þetta var bara
svona vitrun. Ég gekk inn á svið
með yfirvaraskegg og pípuhatt í
einhverju hlutverki og fann um
leið hvað ég hafði saknað þess
að fara á svið og leika. Og ég
hafði ekkert saknað þess þangað
til. Og þá fer mig að dreyma um
að fá tækifæri til að komast aftur
upp á svið og ég byrjað senda
frá mér þá strauma. Og stuttu
seinna hringir Hilmir Snær í
mig. Ég hoppaði hæð mína af
gleði og það kom sjálfum mér
eiginlega á óvart hvað ég var
rosalega glaður. Mér hafði alltaf
fundist þetta leikhúsdæmi mitt
bara tengjast útlöndunum.“
Söngleikurinn Spamalot
er byggður á kvikmyndinni
Monty Python and the Holy
Grail og hefur verið sýndur við
miklar vinsældir meðal annars
á Broadway og West End og
Maríus getur ekki hugsað sér
betra stykki fyrir skammdegið
á Íslandi. „Mér finnst þetta vera
algjört draumastykki. Þetta er
drepfyndið og gengur út á „slap-
stick“ húmor þar sem einn djók-
ur kemur á eftir öðrum. Fólk
fær ekki tækifæri til að hætta að
hlæja allan tímann.
Það er soldið verið að gera
grín að þessum bransa og bara
okkur sjálfum. Hópurinn er
frábær og bara virkilega gaman
að fá að vinna með þessum góðu
listamönnum Auðvitað hef ég
ákveðna hluti fram að færa en ég
er líka búinn að læra heilmikið.
Það er bara svo gaman að vinna
með góðu fólki að einhverju
svona léttu og skemmtilegu því
lífið á að vera létt og skemmti-
legt!“
Það er nákvæmlega það sem
Maríus ætlar að halda áfram að
gera. Leika, dansa og syngja,
umkringdur góðu fólki, alveg
eins og hann hefur alltaf gert.
Halla Harðardóttir
halla@frettatiminn.is
Mörkinni 4 - 108 Reykjavík - Sími 533 3500
Hofsbót 4 - Akureyri - Sími: 462 3504
28 viðtal Helgin 7.-9. febrúar 2014