Fréttatíminn - 07.02.2014, Blaðsíða 62

Friðrik Örn
sýnir á Nesinu
Ljósmyndarinn Friðrik Örn Hjalte-
sted opnar sýningu á verkum
sínum í Eiðisskeri, sýningarsal í
Bókasafni Seltjarnarness, í dag,
föstudag. Sýningin ber yfirskrift-
ina Slab City.
„Viðfangsefni sýningarinnar er
Slab City; einskismannsland í eyði-
mörk Suður-Kaliforníu, þar sem
engar reglur gilda og allt er leyfi-
legt. Í þessu villta vestri nútímans,
með ekkert aðgengi að vatni eða
rafmagni, safnast saman fólk í leit
að frelsi frá hefðbundnu skipulagi
nútímasamfélags. Ferðalangar,
hippar, listamenn, ellilífeyrisþegar
og utangarðsmenn hreiðra um sig
í óhefðbundnum hjólhýsum sínum
og njóta skrautlegs lífsstíls á hjara
veraldar. Gamlir hlutir öðlast nýtt
líf og hvarvetna má sjá merki um
hugmyndaauðgi í endurnýtingu,
bæði í formi híbýla og listaverka,“
segir Friðrik Örn.
Friðrik Örn lærði ljósmyndun
í Kaliforníu og dvaldi nýlega í
Slab City. Hann lauk B.A. námi í
ljósmyndun frá Brooks Institute
í Santa Barbara í Kaliforníu árið
1994. Friðrik Örn hefur haldið
fjölda einkasýninga hér á landi,
tekið þátt í samsýningum erlendis
og átt samstarf við fjölmarga lista-
menn, bæði íslenska og erlenda.
Sýningin verður opnuð á Safna-
nótt í kvöld klukkan 19 og opið
verður til miðnættis. Listamað-
urinn verður á staðnum milli
klukkan 13-18 um helgina.
-hdm
Friðrik Örn sýnir
myndir sínar frá Slab
City í Suður-Kali-
forníu í Bókasafni
Seltjarnarness.
„Þetta er Moth,
fyrsta og síðasta
manneskja sem ég
hitti í Slab City,“
segir listamaðurinn.
 Menning Myndir frá Suður-Kaliforníu
„Við erum búin að reyna þetta síðan að ATP
hóf göngu sína fyrir 15 árum og nú loksins
rætast æskudraumar mínir,“ segir Barry
Hogan, stofnandi All Tomorrows Parties tón-
listarhátíðarinnar.
Í vikunni var tilkynnt að sjálfur Neil Young
muni troða upp í Laugardalshöll hinn 7. júlí á
vegum Barry og félaga. Tónlistaráhugafólk á
Íslandi hefur raunar vart haft undan að með-
taka fréttir af væntanlegu tónleikahaldi hér
í sumar síðustu daga. Auk frétta af komu Yo-
ungs og hljómsveitar hans, Crazy Horse, var
í vikunni tilkynnt að ný tónlistarhátíð, Secret
Solstice, verði haldin í Laugardalnum í júní.
Aðalnúmerið á hátíðinni verður breska hljóm-
sveitin Massive Attack.
Þá er nýhafin miðasala á tónleika hinnar
kunnu rokksveitar Pixies í Höllinni 11. júní.
Auk þess hefur verið tilkynnt að Flaming
Lips verði aðalnúmerið á Iceland Airwaves
síðla árs. Ofan á allt þetta verður Sónar
Reykjavík haldin í Hörpu í annað sinn í næstu
viku. Samkvæmt upplýsingum Fréttatímans
er von á að tilkynnt verði um fleiri tónleika er-
lendra listamanna á næstunni. Ekkert hefur
þó fengist staðfest í þeim efnum.
Ekki verður deilt um ágæti þessara hljóm-
sveita sem sækja okkur heim í ár. Hins
vegar vekur athygli að enn og aftur eru eldri
listamenn áberandi meðal gestanna. Frétta-
tíminn reiknaði út að meðalaldur stóru lista-
mannanna sem hingað komu í fyrra var 55
ár. Svipað er uppi á teningnum í ár, miðað
við þau nöfn sem þegar hafa verið tilkynnt.
Neil Young er 68 ára, Paul Banks söngvari
Interpol er 35 ára, Beth Gibbons söngkona
Portishead er 49 ára, Daddy G í Massive
Attack er 54 ára, Black Francis söngvari
Pixies 48 ára og Wayne Coyne söngvari
Flaming Lips er 53 ára. Meðalaldurinn
er 51 ár.
-hdm
Stefnir í tónleikafár á Íslandi í sumar
 TónleiKar neil young Treður upp í laugardalShöll í júlí
Neil Young treður upp með
hljómsveit sinni í Laugar-
dalshöll í sumar. Mynd/
NordicPhotos/Getty
 hlal og iwona reKa veiTingaSTaðinn Mandi
S ýrlendingurinn Hlal kom til Íslands 2005 eftir að Íslend-ingar komu að máli við hann í Dubaí og fengu til þess að koma
til landsins að kokka. Tveimur árum
síðar kom Iwona frá Póllandi til þess að
heimsækja bróður sinn, hitti Hlal, ástin
kviknaði og hún hefur ekki farið heim
síðan. Hjónin opnuðu nýlega veitinga-
staðinn Mandi, þar sem Texas-sjoppan
var áður við Ingólfstorg. Hæfileikar Hlals
þegar kemur að matseld eru óumdeildir
og hróður Mandi hefur borist hratt á
skömmum tíma.
„Hún byrjaði að elska mig eftir að ég
eldaði fyrir hana,“ segir Hlal og brosir
til konu sinnar. „Það er alveg satt,“ segir
Iwona ákveðin. „Hann hefur bara engan
tíma til að elda fyrir mig lengur vegna
þess að hann hefur svo mikið að gera við
að elda fyrir alla sem vilja borða matinn
hans. Maturinn sem hann gerir er ein-
stakur. Hann er með eitthvert töfrabragð
sem ég næ ekki þótt hann hafi kennt mér
að elda alla þessa rétti. Þannig að hann
verður bara að standa hérna yfir grillinu
allan sólarhringinn,“ segir Iwana og hlær.
Þau hjónin hafa staðið vaktina saman
en Hlal er mest einn á Mandi þar sem
Iwona vill helga litlu börnunum þeirra all-
an sinn tíma en annað er tæplega tveggja
ára og hitt rétt fjögurra mánaða.
Hlal á fimm bræður sem allir fást við
matargerð, rétt eins og faðir þeirra sem
hefur verið kokkur í Sýrlandi í áratugi.
Hlal hefur eldað á ýmsum stöðum á Ís-
landi, meðal annars á Saffran, en áður
en hann kom hingað hafði hann kokkað í
Dubaí, Sádi-Arabíu og Abu Dhabi. Hann
segist kunna vel við að vera sjálfs síns
herra þótt það sé dálítið erfitt líka.
Hjónin segja vinsældir Mandi aukast
stöðugt og flestir sem komi þangað einu
sinni endi sem fastakúnnar. „Þetta hefur
spurst vel út og við höfum ekkert þurft að
auglýsa okkur,“ segir Hlal. „Viðskiptavin-
irnir eru margir orðnir góðir kunningjar
okkar og koma stundum við bara til þess
að spjalla aðeins,“ segir Iwona. „Og þannig
viljum við hafa þetta. Við viljum gefa meira
af okkur en bara að rétta fólki matinn yfir
afgreiðsluborðið.“
Iwona segir fólk hafa skorað á þau að
færa út kvíarnar og margir vilji fá þau á
sínar heimaslóðir. „Fólk hefur sagt okkur
að opna í Kópavogi, í Kringlunni og meira
að segja á Akureyri. En við látum þennan
stað duga, í bili að minnsta kosti, enda
getur Hlal ekki eldað á mörgum stöðum í
einu,“ segir Iwona.
En af hverju er maturinn hans Hlals
svona góður?
„Ég hef gert þetta í svo mörg ár og ég
elska að elda,“ segir kokkurinn glaðlega.
„Það er alveg satt. Hann elskar þetta og
þess vegna er þetta svona gott,“ staðfestir
Iwona.
Þórarinn Þórarinsson
toti@frettatiminn.is
Hjónin Hlal og
Iwona hafa
gert gamla
sjoppu við
Ingólfstorg að
eftirsóttum
matsölustað og
sjá fram á að
þurfa að draga
úr sjoppu-
rekstrinum til
þess að anna
eftirspurn eftir
kræsingum
Hlals.
Ljósmynd/Hari.
Hjónin Hlal og Iwona hafa búið á Íslandi um árabil og vilja hvergi annars
staðar vera. Þau reka veitingastaðinn Mandi þar sem sjoppan Texas var áður
til húsa við Hallærisplanið. Hlal er ástríðukokkur og hróður hans hefur borist
víða. Til Jemen og víða um Reykjavík og þeim fjölgar stöðugt sem sækja í
eldamennsku hans og félagsskapinn sem hjónin veita á litla staðnum sínum.
Eldað af ástríðu á
Hallærisplaninu
Ég hef
gert
þetta
í svo
mörg ár
og ég
elska að
elda.
62 dægurmál Helgin 7.-9. febrúar 2014
fonix.is • Hátúni 6a • 105 Reykjavík • S. 552 4420
Heimilistæki