Fréttatíminn - 17.01.2014, Blaðsíða 2

 Velferðarmál Íþróttakennari fékk nóg af slæmum aðbúnaði
Alveg mátulegur
Heimilis
GRJÓNAGRAUTUR
H
V
ÍT
A
H
Ú
SI
Ð
/
S
ÍA

Rannsókn í rúmlega 4 mánuði
é g fékk bara nóg af þessu umhverfi sem kennarar þurfa vinna í hér á Íslandi. Staða kennara er ekki
nokkrum manni bjóðandi,“ segir Stefán
Magnússon íþróttakennari sem sagði upp
starfi sínu við Salaskóla fyrir áramót. „Mér
fannst það grátlegt því betri vinnustaður
og samstarfsfélagar eru vandfundnir,“
segir hann.
Stefán hefur starfað sem íþróttakenn-
ari í 15 ár og áður en hann fór að kenna í
Salaskóla kenndi hann meðal annars við
Austurbæjarskóla og á Neskaupstað. „Við
fjölskyldan fluttum um tíma út á land,“ segir
Stefán en hann er einnig framkvæmdastjóri
tónlistarhátíðarinnar Eistnaflug sem haldin
hefur verið á Neskaupstað undanfarin ár.
Hann rifjar upp mál Ragnars Þórs
Péturssonar sem sagði upp störfum við
Norðlingaholtsskóla nýverið. „Þar hringdi
bara einhver inn og sagði að þessi kennari
væri perri. Hann er settur í leyfi og málið
skoðað en þetta reynist vera uppspuni frá
rótum. Kennarinn er svo boðinn velkom-
inn aftur til starfa eftir að hafa þurft að
sitja undir þessum ásökunum. Þetta er
svo fáránlegt að ég á ekki til aukatekið
orð,“ segir Stefán sem finnst kennarar ber-
skjaldaðir fyrir hvers kyns tilhæfulausum
ásökunum.
„Það sem fyllti mælinn hjá mér var
þegar íþróttakennarar voru boðaðir í sund-
próf, ekki til að prófa hvort þeir geta kennt
heldur hvort þeir geta synt, og á þessu
sundprófi áttum við að gera það sem við
kennum grunnskólakrökkum í sundtím-
um. Mér fannst þetta alveg út í hött og neit-
aði að taka prófið. Þá var mér einfaldlega
hótað með kærum og að ég mætti ekki
kenna sund nema ég tæki prófið jafnvel þó
ég sé með réttindi til þess. Þeir sem tóku
kennarana í próf voru ekki einu sinni sund-
kennarar sjálfir. Ákveðinn hópur kennara
tók sig saman og spurði hvort við mættum
ekki bara taka hvert annað í próf, og tvær
konur sem höfðu kennt sund í 30 ár tóku
prófið á hvor annarri og skiluðu inn, en
það var ekki tekið gilt. Ég hafði bara ekki
áhuga á að láta niðurlægja mig meira og
fann mér nýja vinnu.“
Stefán er nú annar umsjónarmanna
líkamsræktarstöðvarinnar Sporthúsið Gull
sem er lítil stöð í kjallara Sporthússins í
Kópavogi. „Ég er áfram að kenna íþróttir
en þeir sem ég kenni eru um 30 árum eldri
en þeir sem ég kenndi áður. Þarna veitum
við persónulega þjónustu og ég leiðbeini
fólki í tækjunum, bý til æfingaáætlun og
passa upp á að allir geri æfingarnar rétt.“
Spurður hvort hann fái ekki betri laun
þarna en sem grunnskólakennari skellir
Stefán upp úr. „Það segir sig sjálft. Ef þú
hættir í kennslu og færð þér aðra vinnu þá
færðu hærri laun.“ Hann bendir ennfremur
á að það séu svokallaðar kvennastéttir
sem enn þurfa að berjast fyrir réttindum
sínum og launum. „Það er sorglegt að enn
í dag skuli kennarar, hjúkrunarfræðingar
og aðrar kvennastéttir þurfa að sætta sig
við ömurlegar vinnuaðstæður. Ég kvartaði
aldrei undan laununum því ég elska að
kenna en mér var bara nóg boðið,“ segir
Stefán.
Erla Hlynsdóttir
erla@frettatiminn.is
Misbauð réttindaleysi
kennara og sagði upp
Stefán Magnússon sagði upp sem íþróttakennari við Salaskóla vegna óánægju með aðbúnað
kennarastéttarinnar og framkomu yfirvalda í garð hennar. Dropinn sem fyllti mælinn var þegar
íþróttakennurum var gert að gangast undir grunnskólapróf í sundi og eftir að Stefán neitaði átti að
meina honum að kenna sund þrátt fyrir að hafa til þess réttindi. Stefán er nú annar umsjónarmanna
líkamsræktarstöðvarinnar Sporthúsið Gull þar sem hann hefur meiri réttindi og hærri laun.
Ég hafði
bara ekki
áhuga á
að láta
niður-
lægja
mig
meira.
Stefáni Magn-
ússyni misbauð
réttindaleysi
kennara þannig
að hann sagði
upp sem
íþróttakennari
við Salaskóla og
fór að vinna í
Sporthúsinu.
Ljósmynd/Hari
Íslendingar gjafmildir
Ekki kemur á óvart að 98% Íslendinga gefa
jólagjafir og eru fremur gjafmildir því að
um 71% þeirra styrktu góðgerðarmálefni
um síðustu jól. Hins vegar voru 64,4%
með aðventukrans með fjórum kertum
á heimilinu. Nær 54% voru með gervitré
á meðan 35% voru með lifandi tré. Um
29,4% skáru út eða steiktu laufabrauð
en aðeins 10,4% bjuggu til konfekt. Nú
settu 51,8% landsmanna aðventuljós út í
glugga hjá sér en á árinu 2010 voru það
61,9%. Mörgum áhugaverðum spurningum
um jólahegðun Íslendinga var svarað í
netkönnun Gallup dagana 17. desember til
2. janúar en úrtaksstærðin var 1.369 ein-
staklingar. Þátttökuhlutfall var 60,3%.
Íslandsbanki eignast 80
prósent hlutafjár
Íslandsbanki og Frumherji hf. hafa lokið
fjárhagslegri endurskipulagningu félags-
ins. Íslandsbanki eignast 80% hlutafjár í
Frumherja og Ásgeir Baldurs stjórnarfor-
maður og Orri Hlöðversson framkvæmda-
stjóri félagsins hafa lagt því til nýtt hlutafé
og eignast með því 20% hlutafjár. Íslands-
banki kemur til með að hefja söluferli á
Frumherja á næstu 12 mánuðum, að því er
fram kemur í tilkynningu bankans.
Fram kom í DV í vikunni að Finnur
Ingólfsson fjárfestir, fyrrverandi ráðherra,
þingmaður og seðlabankastjóri, hafi hætt
öllum afskiptum af Frumherja en félagið
var í eigu Finns og viðskiptafélaga hans í
gegnum eignarhaldsfélagið Spector. Blaðið
segir að Finnur hafi ekki selt hlut sinn
heldur hafi hann verið afskrifaður og nýtt
hlutafé komið í staðinn. -jh
Met og aftur met í
ferðaþjónustu
Gríðarleg hlutfallsleg fjölgun ferðamanna
varð í nýliðnum desember. Ferðamenn
sem fóru um flugstöð Leifs Eiríkssonar
á Keflavíkurflugvelli í þessum síðasta
mánuði ársins voru um 41.700 og fjölgaði
um 48,8 prósent frá desember árið 2012,
að því er fram kemur í tilkynningu Netsins,
markaðs- og rekstrarráðgjafar. Bretar
voru langflestir, 32,7 prósent, þá Banda-
ríkjamenn 14,3%. Heildarfjöldi ferða-
manna árið 2013 um flugstöðina var um
781.000 og nam aukningin 20,7 prósent
miðað við árið á undan. Hver mánuður
á árinu var metmánuður, rétt eins og ári
fyrr. Fjölmennastir yfir árið voru Bretar,
þá Bandaríkjamenn og Þjóðverjar í þriðja
sæti. -jh
Rannsókn lögreglunnar á höfuð-
borgarsvæðinu á meintu harðræði
starfsmanna Leikskólans 101 er langt
komin og verður lokið eftir einhverja
daga eða vikur, að sögn Friðriks Smára
Björgvinssonar yfirlögregluþjóns. Búið
er að taka skýrslur af foreldrum og
starfsmönnum leikskólans en rannsókn
á málinu hófst í september á síðasta
ári. Málið komst upp í lok sumars þegar
tveir sumarstarfsmenn tilkynntu málið
formlega til Barnaverndarnefndar
Reykjavíkur og gátu rökstutt mál sitt
með myndskeiði. Starfsmenn leik-
skólans voru níu talsins en rekstri leik-
skólans var hætt stuttu eftir að málið
var tilkynnt.
Almennum lögreglumönnum
verður fjölgað um 44 á þessu ári
og átta til viðbótar bætast við til
rannsókna skipulagðra glæpa og
kynferðisbrota. Flestir lögreglu-
mennirnir taka til starfa á lands-
byggðinni og á þeim stöðum þar
sem lágmarksmannafla skortir.
Búnaður lögreglu, þjálfun,
tækjakostur og endurmenntun
lögreglumanna verður bætt og
meiri kostnaður hlýst af auknu
eftirliti á vegum úti.
Þetta eru helstu niðurstöður
þverpólitískrar þingmannanefndar
innanríkisráðherra sem skilað
hefur tillögu að forgangsröðun
vegna 500 milljóna króna viðbótar-
framlags til lögreglu. Hanna Birna
Kristjánsdóttir innanríkisráðherra
hefur samþykkt tillögurnar.
Lausar stöður lögreglumanna
verða auglýstar strax og hægt
verður að ráða frá og með næstu
mánaðarmótum. Fimm lögreglu-
menn bætast við á Vesturlandi,
tveir á Vestfjörðum, tíu á Norður-
landi og sex á Austurlandi. Níu
bætast við á Suðurlandi og tveir á
Suðurnesjum. Þá mun lögreglu-
mönnum fjölga um átta á höfuð-
borgarsvæðinu og tveir verða
ráðnir til embættis ríkislögreglu-
stjóra vegna þjálfunar lögreglu-
manna. Þess utan munu átta
stöðugildi rannsóknarlögreglu-
manna bætast við á höfuðborgar-
svæðinu og Suðurnesjum af við-
bótarframlagi vegna rannsókna
á skipulagðri glæpastarfsemi og
rannsókna á kynferðisbrotum.
 löggæsla þingmannanefnd ráðstafar 500 milljóna Viðbótarframlagi
Lögreglumönnum fjölgar um allt land
Lögreglumönnum á landsbyggð-
inni verður fjölgað til muna og
eftirlit á vegum úti hert.
2 fréttir Helgin 17.-19. janúar 2014