Fréttatíminn - 17.01.2014, Blaðsíða 38

38 matur & vín Helgin 17.-19. janúar 2014
 Bjór NýjuNg frá Borg Brugghúsi þegar þorri geNgur í garð
ÚTSÖLULOK
Lín Design Laugavegi 176 & Glerártorgi Sími 533220 lindesign.is
25-60% afsláttur
LAUGARDAG
35+ tegundir
rúmfata
25-50%
afsláttur
Barnaföt
allar gerðir
30%
afsláttur
Allir púðar
30 gerðir
40%
afsláttur
Barnavörur
30-50%
afsláttur
Akureyri kl 10-17
Reykjavík kl 11-16
ÚTSÖLULOK
Sendum frítt
úr vefverslun
Brugga mjöð
að fornum sið
„Það er mikið talað um mjöð og málið virðist hafa þróast þannig að það er gjarnan notað
sem samnefnari yfir bjór. Við viljum sýna að mjöður er svolítið mikið öðruvísi en bjórinn,“
segir Sturlaugur Jón Björnsson, bruggmeistari í Borg. Þorrinn hefst um næstu helgi og
Borg sendir frá sér mjöðinn Kvasi af því tilefni.
Sturlaugur Jón Björnsson og Valgeir Valgeirsson í Borg brugghúsi senda frá sér þriðju út-
gáfuna af Surti í næstu viku. Þorrinn hefst föstudaginn 24. janúar og þá senda þeir líka frá
sér mjöðinn Kvasi. Ljósmynd/Hari
þ etta er búið að vera lengi í hausnum á manni. Ég var sjálfur að gera tilraunir með að brugga mjöð fyrir fimm eða sex
árum. Eftir að við ákváðum að gera þetta hef ég
verið að rannsaka þetta af alvöru,“ segir Sturlaug-
ur Jón Björnsson, bruggmeistari í Borg brugg-
húsi.
Sturlaugur og félagi hans Valgeir Valgeirsson
halda áfram að koma landsmönnum á óvart. Um
næstu helgi hefst þorrinn og auk þess að bjóða
upp á þriðju útgáfuna af Surti senda þeir frá sér
Kvasi – mjöð að fornum sið.
„Þetta er mjög ólíkt því að gera bjór enda er
þetta ekki bjór, þetta er hunangsvín. Við erum
komnir ansi nálægt léttvínsframleiðslu með
Kvasi,“ segir Sturlaugur sem segir að mjaðargerð
sé í eðli sínu tiltölulega einföld: „Maður þynnir
hunang með vatni og gerjar það. En svo er vand-
inn fólginn í fínstillingum og að ná fram réttum
bragðeiginleikum.“
Sturlaugur segir að það sé spennandi að prófa
sig áfram við framleiðslu á því sem margir telja
að forfeður okkar hafi drukkið.
Er þetta virkilega svona einfalt? Eru engin
aukaefni?
„Í gegnum tíðina hefur fólki þótt tilvalið að
bæta allskonar kryddi við þennan grunn en við
ákváðum að hafa þetta alveg hreint. Kryddi og
í raun öllu sem manni getur dottið í hug. Það er
langt frá því að nokkuð sé nýtt undir sólinni. Ég
hef séð gamlar uppskriftir þar sem notaðir hafa
verið nýslátraðir hanar við bruggun. Það hefur
allt verið sett í bjór og áfengi.“
Sturlaugur segir að hugmyndin um að brugga
mjöð hafi fengið byr undir báða vængi þegar
bruggararnir voru í Kaliforníu fyrir ári síðan.
Þar heimsóttu þeir mjaðargerðarhús sem kall-
ast Heiðrún og lærðu mikið af manni sem hafði
bruggað mjöð í áratugi. „Svo var ekkert annað að
gera en að henda sér í þetta. Við notuðum alveg
hreint hunang, appelsínublómahunang frá Spáni.
Við ákváðum að framleiða tiltölulega aðgengileg-
an mjöð og Kvasir er níu prósent,“ segir Stur-
laugur en mjöður getur verið yfir 20 prósent að
styrkleika.
Bjórspekúlantar bíða jafnan spenntir eftir
nýjungum frá Borg. Hverju má fólk eiga von á nú
þegar það fær ekki hefðbundinn bjór?
„Ég vil nú helst ekki vera að líkja þessu við
neitt en ef ég þarf, þá má segja að þetta líkist
kannski mest þurru hvítvíni.“
En bjórnördarnir fá þó sinn hefðbundna þorra-
bjór, Surt nr. 22. Þetta er í þriðja sinn sem hann
er bruggaður. „Við ákváðum að þorrabjórinn frá
okkur skyldi alltaf heita Surtur og vera í Imperial
Stout-stíl en við myndum leyfa okkur að breyta
uppskriftinni á milli ára. Þetta er afar víðtækur
stíll og hægt að leika sér mikið með hann. Þessi
í ár er tíu prósent og alveg gríðarlega mikið
humlaður. Núna þegar hann er alveg nýr er hann
margslunginn en líka léttur og ferskur. Huml-
arnir gefa frískleika en með tímanum munu þeir
dofna svolítið og þá finnum við flóknara bragð frá
maltinu.“