Fréttatíminn - 31.01.2014, Síða 42

É g er alltaf jafnhrifin af nýjungum sem létta manni lífið, sama hversu
smávægilegar þær eru. Í nýjum
Suzuki SX4 S-Cross, sem ég
reynsluók í vikunni, er ein nýj-
ung sem ég dásama í hvert sinn
sem ég fer inn eða út úr bíln-
um: lyklalaus læsing. Þá er ég
að tala um að maður þarf ekki
einu sinni að ýta á hnapp á fjar-
stýringunni til að læsa eða aflæsa
bílnum, á hurðahúninum er takki
sem maður ýtir á til að læsa eða
aflæsa og er nóg að vera með
lykilinn í handtöskunni svo læs-
ingin virki. Ég get svo svarið það
að lífið er einfaldara fyrir vikið.
Það er eitthvað svo ótrúlega
flókið við að þurfa að kafa í vasa
eða handtösku eftir bíllykli til að
læsa bílnum þegar maður er með
fullar hendur af innkaupapokum,
skólatöskum, íþróttatöskum,
börnum, stígvélum, úlpum,
tómum safafernum og þar fram
eftir götunum. Mikið óskaplega
er ég þakklát í hvert skipti sem
ég slepp við það og get bara ýtt á
einn takka og bíllinn læsist eða
aflæsist eftir því sem við á. Svo
ýti ég bara á takka inni í bílnum
til að ræsa hann og þarf ekki að
taka upp lykilinn.
Þetta er uppáhaldsfítusinn
minn við þennan knáa jepp-
ling sem er að öðru leyti alveg
ágætur. Helstu kostir hans eru
þeir að hann er fjórhjóladrifinn
og með stórt og rúmgott skott.
Fyrir mína parta er hann aðeins
of lítill. Það er nánast ómögulegt
að spenna bílbeltin í aftursætinu
yfir barnabílstól (þessa sem eru
nokkurs konar sessa og bak og
sitja lausir í bílnum) því sessan
fer yfir beltisinnstunguna. Og
algerlega ómögulegt að koma fyr-
ir þremur bílstólum eða sessum.
Það vegur næstum því upp á
móti þægindunum við lyklalausu
læsinguna að börnin ná ekki að
spenna sig sjálf og maður þarf að
bogra yfir stólunum til þess að
troða beltinu í festinguna. Pirrar
mig dáldið en ég er nú alltaf
að reyna að æfa mig í að halda
jafnaðargeðinu.
Bíllinn er annars búinn öllum
helsta öryggisbúnaði og þægind-
um. Hann er með ágætis hljóm-
flutningstækjum, ekki framúr-
skarandi, en góðum og fínasta
snertiskjá sem er aðgengilegur í
notkun. Hann er með innbyggðu
leiðsögukerfi og korti, bluetooth
tengingu við síma og einnig er
hægt að spila tónlist af USB lykli.
SX4 er með fjórar aksturs-
stillingar fyrir mismunandi að-
stæður, sjálfvirk stilling, snjós-
tilling, sportstilling og læsing.
Ég prófaði allar nema læsinguna.
Sjálfvirka stillingin miðast við
að ná sem bestri eldsneytisnýt-
ingu en skiptir sjálfkrafa yfir í
fjórhjóladrif þegar það greinir
hálku. Sportstillingin var öll
skemmtilegri. Ég er ósjaldan
kölluð „Sigga strax“ (óþolinmóð
og vil láta allt gerast strax) og
keyri dáldið samkvæmt því.
Sportstillingin var alveg hönnuð
fyrir mínar þarfir, bíllinn er allur
miklu viðbragðsbetri og sneggri
upp og betri í snöggum beygjum,
til að mynda. Hann er dálítið
stífur í fjöðrun – en það er mjög
einstaklingsbundið hvort fólk er
hrifið af stífri eða mjúkri fjöðrun.
Sjálf vil ég hafa fjöðrunina í
mýkri kantinum.
Bíllinn er fallega hannaður,
bæði að innan og utan. Hann
lætur lítið yfir sér og leynir á sér.
Ég myndi segja að þetta væri
ákjósanlegur bíll í borgina sem
nýtist samt sem áður til allra
þeirra athafna sem þörf er á.
Hann kemst í Bláfjöll og getur
dregið hjólhýsið en er nettur og
auðveldur þegar þarf að leggja
honum í þröng stæði í miðborg-
inni.
Sigríður Dögg Auðunsdóttir
sigridur@frettatiminn.is
42 bílar Helgin 31. janúar–2. febrúar 2014
 ReynsluakstuR suzuki sX4 s-CRoss
Sportstilling fyrir
„Siggu strax“
Sportstillingin á nýja Suzuki SX4 S-Cross hentar vel óþreyjufullu
fólki sem vill að bíllinn bregðist við undir eins. Nýi jepplingurinn
er hentugur í borginni og nýtist vel til flestra þeirra hluta sem
fólk notar bílinn sinn í.
Öruggur
Hlaðinn aukabúnaði
Nettur
Fjórhjóladrifinn
Sparneytinn
Rúmgott skott
Frekar þröngur
fyrir barnastóla
Nokkuð stíf fjöðrun
Helstu upplýsingar
Verð frá 3.980.000 kr
Eldsneytisnotkun frá 4,1 l/100 km
í blönduðum akstri
CO2 í útblæstri frá 120 g/km á
blönduðum akstri
Lengd 4300 mm
Breidd 1765 mm
Farangursrými 1269 lítrar
Eigum frábært úrval af nýlegum
lítið eknum bílum á frábæru verði!
Tryggðu þér eintak strax í dag!
GULLMOLAR
2012-2013
NISSAN MICRA VISIA
Nýskr. 06/13, ekinn 20 þús. km.
bensín, sjálfskiptur.
VERÐ kr. 2.330 þús.
Rnr. 141891.
NISSAN PATHFINDER SE
Nýskr. 05/12, ekinn 34 þús. km.
dísil, sjálfskiptur.
VERÐ kr. 6.990 þús.
Rnr. 141447.
Kletthálsi 11 -110 Reykjavík
Sími 525 8000 - bilaland@bilaland.is
www.bilaland.is
www.facebook.com/bilaland.is
NISSAN QASHQAI SE
Nýskr. 06/13, ekinn 25 þús. km.
dísil, beinskiptur.
Rnr. 281302.
NISSAN NOTE VISIA
Nýskr. 05/12, ekinn 25 þús km.
bensín, sjálfskiptur.
VERÐ kr. 2.860 þús.
Rnr. 141821.
RENAULT MEGANE SPORT T
Nýskr. 05/13, ekinn 33 þús km.
dísil, sjálfskiptur.
VERÐ kr. 3.370 þús.
Rnr. 141895.
NISSAN JUKE ACENTA
Nýskr. 08/12, ekinn 24 þús. km.
bensín, sjálfskiptur.
VERÐ kr. 3.390 þús.
Rnr. 191222.
HONDA CIVIC SPORT
Nýskr. 07/12, ekinn 27 þús. km.
bensín, sjálfskiptur.
VERÐ kr. 3.090 þús.
Rnr. 281172.
Frábært verð
4.390 þús.
TÖKUM NOTAÐAN
UPPÍ NOTAÐAN!
GERÐU FRÁBÆR KAUP!
ALLT AÐ 80% LÁNAMÖGULEIKAR
Suzuki SX4 S-Cross er fallega hannaður, bæði að innan og utan. Ljósmynd Hari