Fréttatíminn - 31.01.2014, Side 58

I llugi og Hrafn Jökulssynir vinna nú að nýrri útgáfu met-sölubókar sinnar, Íslenskir
nasistar, sem kom fyrst út fyrir 25
árum og er löngu ófáanleg.
„Þegar við skrifuðum bókina á
sínum tíma fengum við mikið af
upplýsingum, myndefni og þess
háttar frá fólki úti í bæ, sem vildi
koma upplýsingum um þessa tíma
á framfæri,“ segir Hrafn. „Og við
vonumst til þess að fólk leggi okkur
nú aftur lið, það er kominn tími til
að gera þessa tíma upp að nýju.“
Bókin er fyrir löngu ófáanleg og
þegar bræður ákváðu að hefjast
handa við nýju útgáfuna var helsti
vandi þeirra að hvorugur átti eintak
af henni.
„Það er gömul klisja að segja
að þessi eða hin bókin hafi verið
ófáanleg lengi,“ segir Illugi, „en
í þessu tilfelli er hún sannarlega
sönn. Bókin seldist gjörsamlega
upp á sínum tíma og er svo eftirsótt
að hún sést held ég aldrei á forn-
bókasölum.“
Bókin vakti mikla athygli á
sínum tíma, en það var líka töluvert
gagnrýnt að bræðurnir væru að
róta í fortíð sem mörgum fannst
réttast að fengi bara að gleymast.
„Það er rétt,“ segir Hrafn, „við
þurfum heilmikið að svara spurn-
ingum af þessu tagi. Margir ótt-
uðust fyrirfram að við ætluðum að
fara að níða skóinn af öllum sem á
fjórða áratugnum höfðu af ýmsum
ástæðum látið blekkjast til að styðja
nasismann, en við reyndum einmitt
að fjalla um það af skilningi og með
vísan til þeirra tíma sem þá voru
uppi.“
„Einmitt,“ bætir Illugi við. „Þótt
ungir strákar og jafnvel stöku
stúlkur líka hafi skreytt sig haka-
krossum og jafnvel borið við að
skjóta út hægri handlegg Hitler
til heiðurs, þá gerir það viðkom-
andi auðvitað ekki ábyrgan fyrir
glæpaverkum í Þýskalandi og víðar.
En skilningur á því hvað olli því að
þessi helstefna öðlaðist yfirleitt eitt-
hvert fylgi er nauðsynlegur til að
koma í veg fyrir að þetta geti gerst
aftur. Við sjáum það víða erlendis
að nasisminn neitar að deyja út og
þessa fortíð verðum við að þekkja.“
Ný útgáfa Íslenskra nasista er
sem sé væntanleg á haustdögum.
En verður bókinni umbylt frá fyrstu
útgáfunni?
„Bæði og,“ svarar Hrafn, „Það
hafa ýmis mikilvæg skjöl og upp-
lýsingar komið á daginn þessi 25 ár
sem liðin eru frá því hún kom fyrst
út og við munum flétta það inn í
bókina eftir því sem þurfa þykir.“
Í þessum efnum treysta bræð-
urnir ekki síst á hjálp fólks sem til
þekkir. „Og við vonumst fastlega
eftir því að fólk hjálpi okkur við
heimildaöflun,“ áréttar Illugi. „Það
er ennþá ýmislegt ósagt um ís-
lensku nasistahreyfinguna á fjórða
áratugnum og við vonumst til að
fólk hafi samband við okkur, lumi
það á einhverjum upplýsingum sem
ekki hafa komið fram áður, hvort
sem það eru bréf, önnur skrif,
myndir, minjagripir eða bara eitt-
hvað annað.“
Bræðurnir segjast vitaskuld
heita fólki fullum trúnaði. „Við
munum meðhöndla allar upplýs-
ingar um einstaklinga af fyllstu
virðingu,“ segir Hrafn. „En við
erum sannfærðir um að þetta efni
eigi enn erindi við fólk, og kannski
ef eitthvað er, meira erindi en fyrir
25 árum.“
Þeir bræður eru báðir virkir á
Facebook og benda á að þar væri
auðvelt fyrir fólk sem lumar á upp-
lýsingum að hafa samband við þá.
Þórarinn Þórarinsson
toti@frettatiminn.is
 IllugI og Hrafn EndurvInna mEtsölubók
Leita á ný að
íslenskum nasistum
Bræðurnir Hrafn og Illugi Jökulssynir skrifuðu saman bókina Íslenskir
nasistar sem kom fyrst út 1988. Bókin er fyrir löngu uppseld og
ófáanleg en þeir vinna nú að nýrri útgáfu hennar og vonast til þess
að fólk úti í bæ geti lagt þeim lið með upplýsingum og myndefni sem
það kann að eiga fórum sínum.
Bræðurnir Hrafn og Illugi skrifuðu saman bókina Íslenskir nasistar fyrir 25 árum.
Þeir vinna nú að endurbættri útgáfu metsölubókarinnar og biðja fólk sem kann að
eiga heimildir í fórum sínum um að leggja sér lið. Ljósmynd/Hari.

Kraumur tónlistarsjóður auglýsir eftir umsóknum fyrir verkefni á
sviði íslenskrar tónlistar sem ráðgert er að eigi sér stað árið 2014.
Frestur til að skila inn umsóknum rennur út 28. febrúar.
Kraumur er sjálfstæður sjóður sem hefur það meginhlutverk
að efla íslenskt tónlistarlíf, fyrst og fremst með stuðningi
og faglegri aðstoð við unga listamenn. Auðvelda tónlistarfólki
að vinna að listsköpun sinni og koma verkum sínum á framfæri.
Tónlistarfólk og hljómsveitir úr öllum geirum tónlistar geta sótt
um stuðning fyrir verkefni sín. Nánari upplýsingar um áður veitta
styrki og leiðbeiningar vegna umsókna er að finna á
www.kraumur.is.
Fyrirspurnir og umsóknir sendist á info@kraumur.is en
umsóknum og fylgigögnum skal einnig skila bréfleiðis
á Kraumur tónlistarsjóður / Pósthólf 124, 121 Reykjavík.
Úthlutun úr Kraumi tónlistarsjóði í apríl 2014
Helgin 31. janúar–2. febrúar 2014