Sveitarstjórnarmál - 01.03.2004, Qupperneq 22

Viðtal mánaðarins
Þessar hugmyndir
munu styrkja miðborgina
Mikill áhugi er fyrir uppbyggingu í Miðborg Reykjavíkur og eru endurbygging Skuggahverfisins og
svæðisins við Mýrargötu dæmi um það. Nú eru einnig komnar fram hugmyndir um stórfellda upp-
byggingu á Austurbakka Reykjavíkurhafnar.
Steinunn Valdís Óskarsdóttir, borgarfulItrúi
og formaður skipulags- og bygginganefnd-
ar Reykjavíkurborgar, hefur starfað að
sveitarstjórnarmálum frá 1994 þegar hún
var kjörin í borgarstjórn sem borgarfuIItrúi
Kvennalistans. Hún átti sæti í viðræðu-
nefnd þeirra stjórnmálaflokka sem stóðu
að myndum R-listans fyrir borgarstjórnar-
kosningarnar 1994 og kveðst ætíð hafa
haft mikla trú á að samstarf þeirra flokka,
sem þá ákváðu að efna til sameiginlegs
framboðs til borgarstjórnar, myndi skila
sér í borgarstjórn.
Hópur yngri kvenna
„Ég talaði fyrir því innan Kvennalistans að
við færum í þetta samstarf þó um það
væru skiptar skoðanir. Margar yngri
kvennanna höfðu aðrar áherslur en frum-
kvöðlarnir og mismunandi sjónarmið urðu
að einhverju leyti til þess að hreyfingin
leið undir lok." Steinunn Valdís segir þetta
fyrstu afskipti sín af sveitarstjórnarmálum
en kveðst þó ekki hafa verið alveg ókunn-
ug félagsmálum þar sem hún starfaði sem
formaður stúdentaráðs á háskólaárunum
og tók einnig þátt í störfum Röskvu.
Beint í „karlamálin"
Steinunn Valdís var formaður íþrótta- og
tómstundaráðs Reykjavíkur í átta ár en tók
við formennsku í skipulagsnefnd að lokn-
um síðustu borgarstjórnarkosningum. „Ég
kunni vel við að starfa að íþrótta- og tóm-
stundamálunum en sótti engu að síður fast
eftir því að breyta um vett-
vang. Ég tel hollt að fólk takist
á við ný viðfangsefni og þegar
farið var að ræða skiptingu
verkefna eftir kosningarnar
2002 sóttist ég eftir skipulags-
málunum." Steinunn Valdís
átti sæti í bygginganefnd 1994 til 1998 og
í skipulagsnefnd 1998 til 2002 og var því
ekki með öllu ókunnug málaflokknum.
„Ég hef aldrei sóst eftir að starfa að málum
Steinunn Valdís Óskarsdóttir, borgarfulltrúi og for-
maður skipulags- og bygginganefndar Reykjavíkur-
borgar.
sem stundum eru kennd við mýkt og því
má segja að ég hafi hellt mér beint í
„karlamálin" eða hörðu málin eins og þau
eru stundum kölluð; málefni á borð við
bygginganefnd, skipulagsnefnd og stjórn
Orkuveitu Reykjavíkur, þar sem ég er
varaformaður. Ég tel nauðsynlegt að konur
í sveitarstjórnum sækist eftir að starfa að
málaflokkum þar sem karlar hafa verið
áberandi en haldi sig ekki viljandi við það
sem stundum er nefnt „mjúku málin". Það
gefur þessum málaflokkum annan blæ ef
konur og karlar starfa þar jöfnum hönd-
um. Þetta á að sjálfsögðu einnig við um
þau svið þar sem kon'ur hafa verið áber-
andi og það gefur til dæmis félags-, skóla-
og leikskólamálum annan blæ ef karlar
koma þar til forystustarfa."
Að búa í haginn til áratuga
Skipulagsmál eru einn mikilvægasti mála-
flokkurinn sem sveitarfélögin fást við. Nær
allir aðrir málaflokkar tengjast þeim að
einhverju leyti vegna þess að með skipu-
laginu er mótuð umgjörð um þróun
byggða sem innra líf samfélagsins þrífst
síðan á. Steinunn Valdís segir að þar sé
verið að taka ákvarðanir um hvernig mál
þróast til framtíðar og búa í haginn til
næstu áratuga. „Þess vegna sér maður
áhrifin af þeim ákvörðunum sem teknar
eru ekki daginn eftir eða á næstu vikum
og mánuðum heldur eru afleiðingar þeirra
að koma fram á næstu árum og jafnvel
áratugum. Með því sem við erum að
vinna að í dag erum við að hafa áhrif á
hvernig framtíðarborgin Reykjavík kemur
til með að birtast næstu kynslóðum."
Um 600 til 800 íbúðir á ári
Nú er verið að snúa nokkuð af braut út-
þenslu en þess í stað horft meira til þeirra
möguleika sem felast í eldri borgarhlutum
og hverfum. Steinunn Valdís segir yfirlýsta
stefnu í skipulagsmálum að þétta byggð-
ina og bendir á að það séu ekki aðeins
skipulagsyfirvöld Reykjavíkurborgar sem
eru að móta stefnu með þeim hætti heldur
einnig hin sveitarfélögin á höfuðborgar-
svæðinu. Hún segir þéttingu byggðar vera
lykilhugtak víðs vegar um heiminn, meðal
annars vegna þess að byggingarland sé
takmarkað. Með bættri landnýtingu megi
einnig spara verulega fjármuni vegna þess
að með þéttingu byggðar náist
mun betri nýting grunngerðar
borgarmyndarinnar, fram-
kvæmda á borð við veitukerfi
og samgöngumannvirki. Auk
þéttingar byggðar í eldri hverf-
um borgarinnar hefur næsta
byggingarsvæði Reykjavíkurborgar verið
skipulagt á Úlfarsfellssvæðinu þar sem
gert er ráð fyrir um 20 þúsund manna
byggð þegar hverfið verður fullbyggt.
„Þannig færist í vöxt aö búskapur hefst í eldri
hverfunum, fólk flyst síðan um tíma í úthverfin en
endar aftur í eldri borgarhlutum."