Sveitarstjórnarmál - 01.08.2004, Blaðsíða 17

„Þau ánægjulegu tíðindi urðu hér á Blönduósi að íbúum í
bæjarfélaginu fjölgaði um 25 manns á milli áranna 2002 og
2003 eða um 3%, sem er umtalsverð breyting vegna þess að
íbúaþróunin hefur lengi legið niður á við. Þessi staðreynd jók
okkur bjartsýni og jákvæðni um að málin væru að snúa til betri
vegar og við gerð fjáragsáætlunar þessa árs ákváðum við að gera
ráð fyrir áframhaldandi fjölgun
íbúa á næstunni. Sú ákvörðun
var ekki tekin í neinni gleði-
vímu heldur vegna þess að
hluti af starfi okkar er að vinna
að ákveðinni stefnumörkun til
framtíðar, sem er byggð á trú á
samfélagið og að atvinnu- og mannlíf geti þróast og dafnað. En
vissulega má taka undir það sjónarmið að þessi landshluti sitji á
hakanum í dag hvað byggðaþróun varðar. Kostaboðin og tækifær-
in koma hins vegar ekki á silfurfati. Ég tel að forsenda þess að
snúa vörn í sókn sé mun öflugri samvinna og sameining sveitarfé-
laga á svæðinu. Á 21. öldinni getum við ekki lengur leyft okkur
að hugsa þróun svæðisins út frá afmörkuðum dölum, lækjum, ám
eða afréttum."
Matvælabærinn Blönduós
- Hvaða nýjungar eru einkum í farvatninu til þess að standa að
slíkri eflingu?
„Auk endurskipulagningar fjármálanna hefur bæjarstjórnin lagt
mikla áherslu á atvinnumálin vegna þess að stöðugt atvinnulíf er
forsenda heilbrigðs samfélags. Af þeim ástæðum hófum við mikla
stefnumótunarvinnu á síðasta ári þar sem íbúar voru hafðir með í
ráðum. Við héldum tvo fjölmenna fundi með íbúum Blönduóss-
bæjar, fengum ráðgjafa til þess að vinna með okkur og fórum
mjög nákvæmlega í gegnum þessi mál. Niðurstaðan varð sú að
sérstaða Blönduóssbæjar lægi í vinnslu, eftirliti, ráðgjöf og rann-
sóknum á sviði matvæla. Við höfum meðal annars sett okkur það
markmið að innan tíu ára verði Blönduóssbær „matvælabærinn
Blönduós" og þar fari fram leiðandi starf í matvælaiðnaði á borð
við rannsóknir og þróun gæðamála."
Þjóðvegurinn er auðlind
- Blönduóssbær stendur við þjóðbraut en hefur ekki markað sér
neina sérstöðu í ferðamálum. Hvaða möguleika er þar að finna?
„Við verðum að átta okkur á því að við eigum mjög öfluga og
sýnilega auðlind í þjóðveginum, sem liggur hér fast við þéttbýlið.
Hundruð þúsunda fólks fer hér um á hverju ári og í þessari um-
ferð liggur mikill auður sem ég
tel að við eigum að nýta okkur
mun betur en við höfum gert
til þessa. Efling ferðaþjónust-
unnar er annað af tveimur stór-
um markmiðum í uppbyggingu
bæjarfélagsins. Vegna þess að
þjóðvegurinn liggur í útjaðri bæjarins aka margir framhjá. Við
verðum því að vinna hörðum höndum að því markmiði að gera
Blönduóssbæ að aðaláningarstað ferðalanga á Norðurlandi
vestra, hvetja fólk til þess að stoppa og koma í auknum mæli inn
í bæinn. Hér er margt að sjá og skoða og einstök náttúrufegurð
meöfram bökkum Blöndu, góðir gistimöguleikar, svo ekki sé talað
um Heimilisiðnaðarsafnið, sem er hið eina sinnar tegundar á
landinu. Ég tel hins vegar að eigi ferðaþjónustan að eflast hér þá
verðum við að marka okkur meiri sérstöðu sem byggir á styrk-
leikum svæðisins. Húnavatnssýslan er mikið landbúnaðarhérað
og í því samhengi er til að mynda verið að vinna að undirbúningi
að uppbyggingu húsdýra- og ævintýragarðs. Ég hef mikla trú á
því verkefni og sit í áhugamannahópi um það. Það er staðreynd
að mjög breiður hópur fólks sækist eftir að koma á slíka staði.
Bæði erlendir og innlendir ferðamenn, eldri borgarar og síðast en
ekki síst börn, sem jafnan hafa mikinn áhuga á koma nálægt dýr-
um. Ef vel er að málum staðið eru möguleikarnir óþrjótandi."
Jóna Fanney segist þess fullviss að starfsemi húsdýragarðs
muni hafa ákveðin margfeldisáhrif vegna þess að fólk komi inn í
bæinn, sæki veitingastaðina sem þar eru, kaupi jafnvel aðra þjón-
ustu og skoði bæinn og átti sig á hvað hann hefur að bjóða í stað
þess að aka beina leið framhjá.
Hálendisvegur einangrar byggðirnar
- Geta hugmyndir um hálendisveg á milli höfuðborgarsvæðisins
„Ég tel að við eigum að nota þjóðvegakerfið til
þess að styrkja byggðirnar og efla þær en ekki að
einangra þær frá umferð um landið."
Búnaður til reyklosunar
og daglegrar útloftunar
D+H er leiðandi í framleiðslu útloftunarbúnaði
Danfoss hf
Skútuvogi 6 Sími 510 4100
www.danfoss.is
<$>
17