Sveitarstjórnarmál - 01.08.2004, Blaðsíða 26

Skólamál
efnið orðið til og einnig sé unnið nokkuð
eftir þessari sömu hugmyndafræði á öðr-
um sviðum skólastarfsins. „Við viljum
hampa því sem vel er gert og þar með
þeim nemendum sem ná frábærum ár-
angri á hvaða sviði sem er eða sýna eftir-
tektarverðar framfarir. Með svonefndum
heiðurslistum vekjum við athygli á frábær-
um árangri nemenda. Við reynum einnig
að koma til móts við bráðger börn á
hvaða sviði sem er og síðast en ekki síst er
mikil áhersla lögð á foreldraráðgjöf. Ég tel
að öflugt samstarf við foreldra sé lykill að
bættu skólastarfi og mikil áhersla hefur
verið lögð á aukið foreldrasamstarf. For-
eldrafélögin hafa einnig tekið myndarlega
á þessu og eru með afar öflugt starf í öll-
um fjórum grunnskólum Reykjanesbæjar.
Það er gaman að geta sagt frá því að for-
eldrasamtök héðan hafa unnið til viður-
kenninga tvö ár í röð, svokölluð hvatning-
arverðlaun Heimilis og skóla fyrir frábært
skólastarf."
Fjarnámið aflar réttindakennara
Helsti vandi skólastarfs á Suðurnesjum
hefur verið erfiðleikar við að manna skól-
ana með réttindafólki til kennslu og hlut-
fall leiðbeinanda því oft verið hátt eða allt
að 30% þegar mest hefur verið. Eiríkur
segir að þetta hafi verið að breytast, bæði
vegna öflugs kynningarstarfs en ekki síður
vegna þess að leiðbeinendum hefur verið
gefinn kostur á að afla sér réttinda með
fjarnámi, samhliða starfi í skólunum. Með
því móti hafi fólki, sem búsett er á svæð-
inu, gefist kostur á að afla sér kennslurétt-
inda og það síðan starfað
áfram innan skólanna. „Fjar-
námið hefur breytt miklu að
þessu leyti en einnig er rétt að
geta þess að kjör og starfsum-
hverfi kennara hafa batnað á
undanförnum árum þótt sum-
um finnist að þær umbætur
mættu vera hraðari. Engu að
síður hefur gengið mun betur að manna
skólana að undanförnu en á árum áður og
við sjáum enga ástæðu til annars en bjart-
sýni að því leyti."
Persónutengsl auðvelda
En nánar að speglunarverkefninu. Það er í
stuttu máli þannig að grunnskólarnir í
Reykjanesbæ hafa leitað samstarfs við
skóla sem þykja skara fram úr í námsár-
angri og skólastarfi um að koma á nánum
tengslum á milli stjórnenda þeirra og í
framhaldi þess á milli kennara með það
fyrir augum að geta borið saman bæði
námsáætlanir og áherslur í yfirferð ásamt
árangri þegar lengra líður. „Við fórum þá
leið að kynna þessar hugmyndir fyrir fjór-
um skólum í Reykjavík, sem við þekkjum
af góðu einu og eru að ná mjög góðum
árangri með nemendur sína auk þess sem
persónuleg tengsl stjórnenda þeirra við
okkur skipta nokkru máli um valið. Ég
viðurkenni fúslega," segir Eiríkur „að per-
sónutengslin hafa haft nokkur áhrif á val
skóla til þessa samstarfsverkefnis vegna
þess að þegar einhver slík tengsl eru fyrir
hendi þá auðvelda þau að hefja samskipt-
in og að sannfæra stjórnendur hinna skól-
anna um að gagnkvæmur árangur geti
orðið af samstarfinu."
Sömu áherslur
Vinaskólar Reykjanesbæjar eru Austurbæj-
arskóli, Álftamýrarskóli, Háteigsskóli og
Hlíðaskóli í Reykjavík, allir nokkuð gamlir
og grónir skólar og hafa, að sögn Eiríks,
allir náð frábærum árangri hver með sín-
um hætti þótt þeir hafi ekki unnið eftir
sömu áherslum í starfi sínu. Fyrsta skilyrði
fyrir vinaskólatengslum var að skólagerðin
næði frá fyrsta til tíunda bekkjar auk þess
sem hver þessara skóla hefði tiltekna sér-
stöðu. Dæmi um það segir Eiríkur að megi
nefna að Austurbæjarskólinn sé þekktur
fyrir fjölmenningarstefnu sína og móttöku
nýbúa á sama hátt og Myllubakkaskólinn í
Reykjanesbæ starfi sem fjölmenningarskóli
og hafi hátt hlutfall nemenda sem eiga sér
erlendan uppruna. Því hafi verið ákveðið
að þeir starfi saman að speglunarverkefn-
inu.
Tíminn er vandamál
Eiríkur segir að eftir að grænt Ijós hafi
borist frá skólayfirvöldum í Reykjavík hafi
skólastjórum þessara fjögurra skóla verið
boðið í heimsókn til Reykjanesbæjar. „Við
áttum með þeim ágætan eftirmiðdag þar
sem farið var yfir þessa hugmyndafræði og
við skýrðum út það sem við töldum okkur
vera að gera vel. Þetta var eins konar upp-
hafsleikur til þess að koma á tengslum á
milli stjórnendanna. Síðan þá hefur þetta
verkefni verið að fara af stað með einum
og öðrum hætti og hugmyndin verið að
þróast í meðförum þeirra sem að útfærslu
hennar koma. Þróunin hefur meðal annars
orðið á þann hátt að skólarnir hafa ekki
aðeins verið að leita til þeirra fjögurra
skóla sem stefnt var að í upphafi heldur
einnig annarra skóla og þá gjarnan með
afmarkaða þætti skólastarfs f huga þannig
að vinaskólahugmyndin getur þróast út í
að hver skóli eigi sér fleiri en einn vina-
skóla."
Eiríkur leggur áherslu á að hvaða leiðir
sem farnar verði við verkefni af þessu tagi
þá sé markmiðið eftir sem áður að nýta
þekkingu og reynslu frá einum skóla til
annars til þess að efla skólastarf og bæta
árangur nemenda. Fleiri aðferðir og atriði
geti komið inn í myndina en speglunin á
milli skóla ein saman. Hann segir ákveð-
inn vanda felast í að finna þessu starfi stað
innan hins hefðbundna skóla-
starfs, sem sé mjög skipulagt og
í föstum skorðum. Spurningar
vakni um hvar finna eigi þenn-
an tíma. Hvort taka eigi hann
af takmörkuðum starfsdaga-
fjölda kennara eða finna þessu
starfi rúm annars staðar innan
skólastarfsins. Slík atriði verði
að þróast með skólastarfinu og hugsanlega
verði að finna því farveg í grundvallar-
skipulagi þess án þess að það verði svo
yfirþyrmandi að það fari að hamla öðru
starfi.
„Við áttum með þeim ágætan eftirmiðdag þar sem
farið var yfir þessa hugmyndafræði og við skýrð-
um út það sem við töldum okkur vera að gera
vel."
<$>
26