Sveitarstjórnarmál - 01.08.2004, Blaðsíða 28
Mosfellsbær
Hellur úr endurunnu gúmmíi
á alla leikvelli
Mosfellsbær hefur fyrst sveitarfélaga gert samning við Gúmmívinnsluna hf. á Akureyri um kaup á
öryggishellum úr endurunnu gúmmíi til notkunar á leikvöllum bæjarins.
Mosfellsbær er fyrsta sveitarfélagið á land-
inu til að gera slíkan samning við Gúmmí-
vinnsluna þrátt fyrir að fjöldi sveitarfélaga
hafi samþykkt Staðardagskrá 21 og telji sig
vinna í anda þeirrar umhverfisstefnu sem í
henni felst. Samningurinn er til fjögurra ára
en stefnt er að því að á öllum leikvöllum í
Mosfellsbæ verði öryggishellur úr endur-
unnu gúmmíi frá Gúmmívinnslunni.
Samkeppnisfær framleiðsla
Það voru þeir Oddgeir Þór Árnason, garð-
yrkjustjóri og starfsmaður Staðardagskrár 21
í Mosfellsbæ, og Þórarinn Kristjánsson,
stjórnarformaður Gúmmívinnslunnar, sem
undirrituðu samninginn. Áætlað er að við-
skipti Mosfellsbæjar og Gúmmívinnslunnar
verði upp á um 2,5 milljónir króna á næstu
fjórum árum og að um 14 tonn af gúmmíúr-
gangi fari í að framleiða þær öryggishellur
sem um ræðir.
Samningurinn stendur í beinu framhaldi
af því sem unnið hefur verið að í umhverfis-
málum í Mosfellsbæ á undanförnum árum
en sveitarfélagið hefur verið í fararbroddi
við innleiðingu Staðardagskrár 21 hér á
landi og í verkefnum f anda hennar og hef-
ur fengið fjölda viðurkenninga fyrir það
starf. „Umhverfisnefnd Mosfellsbæjar er vel
meðvituð um þessi mál og fagnar því að
Gúmmívinnslan skuli vera samkeppnisfær.
Mér sýnist fyrirtækið vera með lægra verð
en það tilboðsverð sem boðið er á innflutt-
um hellum. Þegar verðið er sambærilegt þá
spyr maður hvernig starfsmönnum og ráða-
mönnum sveitarfélaga, sem hafa samþykkt
Staðardagskrá 21 og eiga að vinna í anda
þeirrar umhverfisstefnu sem þar er sett, dett-
ur í hug að kaupa innfluttar hellur," segir
Oddgeir Þór.
Gróðurfarslegri ásýnd breytt
Samningur Mosfellsbæjar við Gúmmívinnsl-
una er ekki fyrsta skrefið sem Mosfellsbæ-
ingar taka sem forystusveitarfélag í umhverf-
ismálum og vinnu að staðardagskrá 21.
Meðal óvenjulegra verkefna er minni gras-
sláttur á vegum sveitarfélagsins. „Við höfum
unnið í þeim anda að virkja bæjarbúa,"
segir Oddgeir Þór og bætir við að bæjarfé-
lagið hafi unnið í þeim anda að breyta
ásýnd bæjarfélagsins gróðurfarslega. „Það er
of langt mál að telja það allt upp en eftir
því hefur verið tekið að við erum mikið til
hættir að slá og nýsáningar eru með blóma-
fræjum en ekki grasfræjum. Það tekur sjálf-
sagt einhverja áratugi að breyta þeirri fmynd
að það þurfi ekki að vera að slá allar gras-
flatir meðfram götum heldur megi þar alveg
eins vera blómstrandi engi sem er slegið
einu sinni niður að hausti."
Fallegar skýrslur
en of fátt um verk
Oddgeir Þór segir of lítið hafa gerst varð-
andi framkvæmd umhverfisstefnu sveitarfé-
laga og á honum er að skilja að staðardag-
skrá 21 sé meira í orði en á borði hjá flest-
um þeim sveitarfélaga sem þó hafa sam-
þykkt staðardagskrá 21. „Það er hægt að
gera fallegar skýrslur um umhverfismál og
hverju beri að stefna að," segir hann og
vitnar meðal annars í fund á vegum Sam-
bands íslenskra sveitarfélaga nýlega þar sem
fulltrúar frá einum 20 sveitarfélögum komu
saman til að ræða um stöðu og framtíð
staðardagskrármála hér á landi. „Þar kom
fram að það er lítið mál að gera fallegar
skýrslur og samþykkja þetta í orði en fram-
kvæmdin hefur orðið ansi lítil hjá mörgum
sveitarfélögum, nánast flestum þeirra. Það
Frá undirskrift samnings milli Mosfellsbæjar og Cúmmívinnslunnar á Akureyri. Frá hægri: Oddgeir Þór
Árnason, garðyrkjustjóri og starfsmaður Staðardagskrár 21 í Mosfellsbæ, Gunnar Sigtryggsson, fram-
kvæmdastjóri Gúmmívinnslunnar og Þórarinn Kristjánsson, stjórnarformaður Gúmmívinnslunnar.