Morgunblaðið - 12.11.2011, Side 11

Á Tælandi Halla með vinkonu sinni og munkum sem blessuðu þær inn í taílenskt nýtt ár í apríl.
að draga fólk í dilka eftir þjóð-
félagsstöðu eða útliti. „Það er hinn
innri maður og hjartalag sem situr
í öndvegi. Mannfólkið getur vel
nýtt sér öld vatnsberans til að
eyða fordómum og taka hvert ann-
að í sátt. Öld vatnsberans færir
okkur breytingar og brýtur niður
gömul kerfi, því er tilvalið að
skapa í sameiningu nýja heims-
mynd þar sem meira jafnræðis
gætir í veröldinni og misskipting
verður hugtak sem er bara til í
orðabók.“
Er gestaþerapisti í Tælandi
Halla er vatnsberi og mikil
flökkukind. Hún fór til Taílands í
lok október, þegar landið var að
nálgast hápunkt í hinum hörmu-
legu flóðum. „Ástandið í Bangkok
var þannig að ég átti í mestu erf-
iðleikum með að kaupa drykkjar-
vatn í búðum. Fólk var búið að
tæma allar vatnshillurnar í versl-
unum og ég lái því það svo sem
ekki,“ segir Halla sem er að vinna
sem gestaþerapisti fyrir heilsulind-
arkeðju sem heitir Six Senses.
„Þetta er gríðarlega flott keðja og
mikið lagt upp úr því að gestum
líði vel og boðið er upp á allskonar
dekur, allt frá taílensku nuddi yfir
í indverskt og kínverskt, sem og
ýmsar heilunarmeðferðir. Ég býð
upp á stjörnuspekilestur, bowen-
meðferð, dáleiðslumeðferð, hug-
leiðslu og reiki-heilun. Staðurinn
sem ég er að vinna hjá er á gull-
fallegri eyju sem heitir Yai Noi og
er í Phuket.“
Vinnur í Víetnam
á næsta ári
Halla kemur til með að vinna í
Taílandi til janúarloka 2012 en þá
liggur leið hennar til Víetnam í
einn mánuð, þar sem hún verður
að vinna fyrir sömu heilsulind-
arkeðju. „Ég vil meina að örlaga-
dísirnar hafi leitt mig inn í þessa
vinnu. Árið 2010 vann ég í Taílandi
sem leiðsögumaður fyrir
Óríental-ferðaskrifstofuna og taí-
lensk vinkona mín hafði samband
við mig og bað mig að vera með
kynningu á Bowenmeðferð í heilsu-
setri sem hún var að vinna hjá. Ég
gerði það og bauð líka upp á einka-
tíma. Tveimur mánuðum síðar kom
í ljós að einn af þessum ein-
staklingum sem komu í einkatíma
til mín var að vinna sem heilsuráð-
gjafi hjá Six Senses og vildi bjóða
mér að koma til fyrirtækisins að
vinna sem gestaþerapisti. Ég fór
út í vor í eins mánaðar prufu og
bæði starfsfólk og gestir voru svo
ánægð að vinnuverkefnin fóru að
hlaðast upp. Í haust hafði fram-
kvæmdastjóri heilsulindarinnar í
Con Dao í Víetnam samband við
mig og bauð mér að koma til
þeirra á næsta ári. Ég þáði að
sjálfsögðu boðið, enda reyni ég eft-
ir fremsta megni að vera erlendis á
veturna en á Íslandi á sumrin, því
íslenski veturinn er of dimmur fyr-
ir mína viðkvæmu sál.“
Öll ferðaplön eru opin
„Ég hef mikinn áhuga á að
ferðast til landa sem hafa áhuga-
verða orku og ég hef t.d. heyrt að
það sé áhrifamikill orkuþríhyrn-
ingur á milli Goa í Indlandi, Lesvos
í Grikklandi og Portlands í Banda-
ríkjunum. Það vill nú svo skemmti-
lega til að ég hef bæði komið til
Portlands og Lesvos og ég verð að
segja að orkan þar er alveg mögn-
uð. Ég gekk mikið á fjöll í Oregon-
ríkinu, fór í hjólreiðaferð frá San
Francsico á þjóðvegi 101 alla leið
til Portlands og náttúrudýrðin og
krafturinn í landslaginu var mik-
ilfengleg upplifun. Á Grikklandi
gekk ég líka á fjöll og synti frjáls-
lega í hafinu við klettaströnd. Ég
hlakka til að kynnast orkunni í Ind-
landi. Þetta verður mitt eigið and-
lega ferðalag ég ætla að hitta ind-
verskan vin minn í Kerala Trivand-
um í Suður-Indlandi og saman
munum við ferðast um suðrið og
planið er að enda í sjálfsþurftar-
búskaparþorpinu Orville. Mér
finnst voða gott að hafa öll ferða-
plön opin þannig að það kann vel
að vera að þessi plön breytist lítils-
háttar. Ég ætla líka að hitta heima-
fólk sem les í lófa, spáir í telauf og
fræðir mig um indverska stjörnu-
speki.“
DAGLEGT LÍF 11
MORGUNBLAÐIÐ LAUGARDAGUR 12. NÓVEMBER 2011
Það er oftast mikið um dýrðir þegar nýj-
asta nýtt í nærfatatískunni frá Victoria’s
Secret er kynnt. En fyrirtækið er þekkt
fyrir flott nærföt, heimaföt og baðföt.
Fjölbreytnin er mikil og er hægt að
finna sér bæði kósí heimabuxur
en líka eitthvað aðeins meira
kynþokkafullt til að hita upp
kaldar vetrarnætur.
Sýningin á því nýjasta
úr smiðju Victoriu í New
York á dögunum vakti ekki
vonbrigði. Mikið húllumhæ
var í kringum tískusýn-
inguna en þeir félagar Kanye
West og Jay-Z sáu um að
skemmta gestum og virtust vera í
feiknastuði af myndum að dæma. Fyr-
irsæturnar skörtuðu glæsilegum und-
irfatnaði og má segja að þemað hafi ver-
ið tvískipt. Annars vegar ofhetjuþema
þar sem sjá mátti módelin skrýdd skikkj-
um og nærfötum í svipuðum stíl. Hins
vegar dulúðugt þema þar sem sjá mátti
verur á borð við vatnagyðjur og hafmeyj-
ur.
Tíska
Reuters
Vatnagyðja Ætla mætti að þessi glæsilega stúlka hefði risið úr sæ.
Ofurhetjur og hafmeyjur
Nú hefur verið ákveðið að halda
sýningum Mánudagsbíós áfram í til-
efni aldarafmælis Háskóla Íslands
og hálfrar aldar afmæli Háskólabíós.
Sýndar verða fjórar ólíkar stórmynd-
ir á næstunni en leikurinn hefst
með gamanmyndinni Coming to Am-
erica frá árinu 1988 með grínist-
anum Eddie Murphy, næstkomandi
mánudag, 14. nóvember kl. 20.00.
Í tilefni afmælanna eru valdar
myndir endursýndar úr safni kvik-
myndahússins en þrettán myndir
voru sýndar á vorönn 2011 við góðar
undirtektir háskólaborgara. Stóri
salur bíósins troðfylltist á sýningu
dansmyndarinnar Dirty Dancing og
stórmyndarinnar Top Gun, sem varð
ekki síður fræg vegna tónlistarinnar
í myndinni. Kvikmyndirnar hafa
margar ekki verið sýndar í bíói ár-
um saman en kvikmyndasýningar í
Háskólabíói hafa verið afar fjöl-
breyttar í gegnum tíðina. Við val
endursýninga var leitast við að end-
urspegla þann fjölbreytileika þannig
að allir geti fundið eitthvað við sitt
hæfi.
Myndirnar verða sýndar í Stóra
salnum á mánudögum kl. 20.00, en
áður fyrr var boðið upp á Mánu-
dagsmyndir í bíóinu og því var sá
dagur valinn. Haldnir verða reglu-
legir viðburðir á vegum kennara og
nemenda HÍ í tengslum við sýning-
arnar. Kvikmyndirnar sem sýndar
verða eru í varðveislu Kvikmynda-
safns Íslands og verða einungis
sýndar einu sinni. Um er að ræða
einstakt tækifæri til að sjá þessi
klassísku verk í sinni upprunalegu
mynd á stóru tjaldi. Miðaverð verður
á sérstökum afmæliskjörum, kr. 500
og eru allir velkomnir . Miðar verða
seldir við gamla inngang Há-
skólabíós en hægt er að fylgjast
með Mánudagsbíóinu á Facebook
undir Mánudagsbíó.
Mánudagsbíó
Eddie Murphy ríður á vaðið
Glens Coming to America skartar
grínistanum Eddie Murphy.
KONFEKT
Í JÓLAPAKKANN
Handgert og ferskt frá Ásgeiri Sandholt
Ásgeiri Sandholt varð í 5. sæti í heimsmeistara-
keppninni í súkkulaðigerð í París nú á haustdögum.
Af því tilefni ætlar Ásgeir að framleiða úrval
af sínu besta konfekti fyrir jólin.