Morgunblaðið - 12.11.2011, Page 22

22 FRÉTTIRInnlent
MORGUNBLAÐIÐ LAUGARDAGUR 12. NÓVEMBER 2011
Ármúla 30 | 108 Reyk jav í k | S ími 560 1600 | w w w.borgun . i s
J
Ó
N
S
S
O
N
&
L
E
’M
A
C
K
S
•
jl
.i
s
•
S
ÍA
Góðir posar á hagstæðum kjörum
Þjónusta allan sólarhringinn
Viðskiptavinir á landsbyggðinni fá senda posa
sér að kostnaðarlausu
Mundu að panta posa fyrir jólaverslunina
á www.borgun.is eða í síma 560 1600.
Alltaf nóg að
gera fyrir jólin!
Skúli Hansen
skulih@mbl.is
Hæstiréttur komst að þeirri niðurstöðu í dómi
sem féll síðastliðinn miðvikudag að aðstoðar-
manni dómara við Héraðsdóm Reykjaness hafi
verið óheimilt að synja öðrum aðila máls um
framlagningu greinargerðar, enda hafi hann
ekki haft neina heimild til slíks þar sem um
ákvörðun var að ræða í skilningi 1. mgr. 112. gr.
laga nr. 91/1991 um meðferð einkamála, sbr. 2.
mgr. 178. gr. laga nr. 21/1991.
Fram kemur í dóminum að við Héraðsdóm
Reykjaness hafi það tíðkast að halda svokölluð
gjaldþrotaþing einu sinni í mánuði, en þá eru
teknar fyrir allar kröfur um gjaldþrotaskipti
sem borist hafa dómnum hverju sinni og birting
fyrirkalls hefur tekist í. Aðstoðarmanni dómara
hafi verið falið að stjórna þessháttar þinghöld-
um en dómari hinsvegar tekið við stjórn þing-
halds ef skera hefur þurft úr ágreiningi.
Hæstiréttur segir einnig í dómi sínum að
ámælisvert sé að ekki skuli vera getið í bókun
um það, sem fór fram í þinghaldinu þetta sinn,
að það hafi verið háð af aðstoðarmanninum.
Áfellisdómur fyrir héraðsdóm
„Þegar aðstoðarmaðurinn er að synja honum
um þetta þá er hann að framkvæma dómsat-
höfn, en það mega aðstoðarmenn ekki skv. lög-
um, þetta hefur þó greinilega tíðkast hjá héraðs-
dómi Reykjaness eins og kemur fram í
dómnum,“ segir Óskar Sigurðsson, hæstarétt-
arlögmaður, en hann sá um að flytja málið fyrir
hönd skuldarans í Hæstarétti. Óskar tekur jafn-
framt fram að það sé áfellisdómur á vinnubrögð
héraðsdóms Reykjaness að Hæstiréttur hafi
komist að þeirri niðurstöðu að þingbókunin hafi
verið röng.
Ætla að bæta vinnubrögð
„Þarna er komin a.m.k. ákveðin vísbending
frá Hæstarétti um það hvað aðstoðarmenn
mega gera og við munum bara fara eftir því.
Þetta mál verður síðan tekið fyrir aftur og þá af
mér,“ segir Ragnheiður Bragadóttir, dómari við
héraðsdóm Reykjaness, en hún tekur fram að
gerðar verði úrbætur á þessum vinnubrögðum.
Aðstoðarmenn ekki dómarar
 Aðstoðarmanni dómara við Héraðsdóm Reykjaness óheimilt að mati Hæstaréttar að taka ákvörðun
um að synja aðila máls um framlagningu greinargerðar  Aðstoðarmaður stjórnaði gjaldþrotaþingi
Morgunblaðið/Ómar
Viðbúið er að Rússar setji sér ein-
hliða aflamark í úthafskarfa á
Reykjaneshrygg fyrir árið 2012.
Ekkert kom fram af hálfu Rússa á 30.
ársfundi Norðaustur-Atlantshafsfisk-
veiðinefndarinnar (NEAFC), sem
lauk í London í gær, um að þeir ætli
að gerast aðilar að samkomulagi Ís-
lands, Færeyja, Grænlands, ESB og
Noregs um úthafskarfaveiðarnar.
Í tilkynningu sjávarútvegsráðu-
neytisins segir að samkvæmt sam-
komulaginu eigi að færa aflamarkið
niður að ráðgjöf vísindamanna sem
hefur verið um 20.000 tonn und-
anfarin ár.
Rússar mótmæltu samkomulaginu
og settu sér einhliða aflamark upp á
29.480 tonn fyrir þetta ár.
Á fundinum voru m.a. staðfestir
samningar strandríkja um stjórnun
veiða úr norsk-íslenska síldarstofn-
inum og kolmunnastofninum. Þá var
samið um veiðar á karfa í Síld-
arsmugunni.
Búist við
einhliða
kvóta Rússa
30. ársfundi
NEAFC lokið
Svölurnar, félag núverandi og fyrrverandi flug-
freyja, stendur í dag fyrir markaði til að afla fjár
til styrktar Guðmundi Felix Grétarssyni sem er á
förum til Frakklands í handleggjaágræðslu.
Verður markaðurinn í veislusalnum í Skóg-
arhlíð 20 og verður opinn frá kl. 10-18 bæði í dag
og á morgun, sunnudag. Þar verða meðal annars
til sölu föt, snyrtivörur, jólavörur og fylgihlutir
að sögn Gretu Önundardóttur, varaformanns
Svalnanna. „Það verður mjög gott verð á öllu og
vonandi verður þetta stórglæsilegur markaður,“
segir Greta.
Morgunblaðið/Árni Sæberg
Markaður til að safna fyrir handaágræðslu