Morgunblaðið - 13.12.2011, Blaðsíða 36

ÞRIÐJUDAGUR 13. DESEMBER 347. DAGUR ÁRSINS 2011
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 399 ÁSKRIFT 4390 HELGARÁSKRIFT 2750 PDF Á MBL.IS 2550
1. Danskur fjölskylduharmleikur
2. Andlát: Þorlákur Sigurðsson
3. Í kröppum dansi við innbrotsþjóf
4. Ók á bíl og gekk í burtu
»MEST LESIÐ Á mbl.is
FÓLK Í FRÉTTUM
 Lag hljómsveitarinnar Diktu,
„Thank You“, verður í nýjustu gerð
Blackberry Bold-snjallsíma sem talið
er að verði framleiddir í átta milljón
eintökum næsta árið. Þá verður einn-
ig brot úr myndbandi við lagið
„Goodbye“ að finna í símunum.
Lag Diktu verður í
milljónum snjallsíma
 Hollenski trúð-
urinn Herman van
Veen kemur fram í
Fríkirkjunni næsta
föstudag. Van
Veen á að baki 45
ára feril og er
þetta fyrsta heim-
sókn hans til Ís-
lands. Hann hefur
ferðast um allan heim þar sem hann
syngur og spilar en tónleikarnir bera
yfirskriftina Ákveðin natni eða A
certain Tenderness.
Hollenskur trúður
í Fríkirkjunni
 Gourmand World Cookbook Awards
tilnefndu bækurnar Jólamatur Nönnu
og Góður matur – gott líf í takt við
árstíðirnar til alþjóðlegu matreiðslu-
bókaverðlaunanna árið
2011. Bækurnar eru
gefnar út af Vöku-
Helgafelli. Sú fyrri er
tilnefnd í flokknum
„Bestu auðveldu upp-
skriftirnar“ en sú
síðari er tilnefnd í
flokknum „Besta
hönnunin“.
Tilnefndar til Gour-
mandverðlaunanna
Á miðvikudag Norðlæg átt, 10-15 m/s og dálítil él norðan- og
austantil, en annars yfirleitt þurrt og bjart. Frost 2 til 12 stig, kald-
ast til landsins.
SPÁ KL. 12.00 Í DAG Norðaustan 10-20 m/s, hvassast norð-
vestan- og suðaustantil. Víða él en úrkomulítið suðvestantil. Hiti
kringum frostmark, en kólnar heldur þegar líður á daginn.
VEÐUR
„Ég gaf í raun ekki kost á
mér gagnvart öðrum liðum
og var ekkert að leita eftir
því. Mér líður rosalega vel
hér í Philadelphia og mig
langaði að fara hingað aft-
ur,“ sagði Hólmfríður Magn-
úsdóttir, landsliðskona í
knattspyrnu, við Morg-
unblaðið í gær en hún hefur
gert munnlegt samkomulag
um að leika áfram með
Philadelphia Inde-
pendence. »3
Ekkert annað lið
kom til greina
Ingimundur Ingimundarson, varn-
arjaxl úr landsliðinu, er leikmaður 11.
umferðar Íslandsmótsins í handbolta
hjá Morgunblaðinu. Hann fær nú að
spreyta sig í sóknarleiknum hjá Fram
og er ánægður með það hlutskipti.
„Ég stefni að því að vera ekki ein-
göngu titlaður varnarmaður þegar
komið verður framyfir páska,“ segir
Ingimundur. »2-3
Ekki eingöngu varn-
armaður eftir páska
Í rúma tvo áratugi hafa íslenskir
fótboltastrákar á aldrinum 13-15
ára átt þess kost að fá nasasjón
af atvinnumennskunni í knatt-
spyrnuskóla Kristjáns Bernburgs
í Belgíu. Nú hefur Kristján fært
út kvíarnar og gefur 16-17 ára
strákum tækifæri til að komast
enn nær öflugum félögum á borð
við Ajax í Hollandi. »4
Kristján færir út
kvíarnar í Belgíu
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Ylfa Kristín K. Árnadóttir
ylfa@mbl.is
Síðustu vikur hefur ómerktur köttur
verið á vappi nálægt Reykjavíkur-
flugvelli við Nauthólsveg. Starfsfólk á
aðalskrifstofu Icelandair sá aumur á
Kisu, eins og hún hefur verið kölluð,
og byrjaði að gefa henni mat en hún
var oft að leita að æti nálægt rusla-
tunnum. „Þetta var einstaklega vina-
legur og geðugur köttur og hefur
greinilega verið húsköttur,“ segir El-
ín Eygló Steinþórsdóttir, sem starfar
í fjarsölu Icelandair.
Leiddi þær að kettlingunum
Reynt var að finna eigendur Kisu
og hringdi Elín Eygló í nokkra katta-
eigendur sem höfðu lýst eftir týndum
kisum sínum á heimasíðu Kattholts.
Einn þeirra lét Kattholt vita af Kisu
og á miðvikudaginn hófu tveir starfs-
menn Kattholts, Halldóra Björk
Ragnarsdóttir og Eygló Guðjóns-
dóttir, að leita að henni. Hún fannst
og eftir að það tókst að lokka hana inn
í búr, með túnfiski, var hún flutt í
Kattholt. Þar kom hins vegar í ljós að
hún var með mjólk í spenunum og því
var farið með hana aftur á Nauthóls-
veg strax daginn eftir til að finna
kettlingana sem ljóst var að hún hafði
gotið ekki löngu áður. Elín Eygló og
nöfnur hennar hjá Kattholti, Elín
Kristjánsdóttir og fyrrnefnd Eygló,
leituðu í kringum hótelið og á meðan
var Kisa á vappi í kringum þær. „Það
var eins og hún væri tvístígandi hjá
okkur, að bíða eftir að við eltum hana.
Ég fór því að ganga í áttina til hennar
og þá fór hún að
ganga áfram og leit
alltaf við eins og hún
væri að segja: „Ertu
að koma?“ Svo
leiddi hún okkur að
húsi Flugþjónust-
unnar,“ segir Elín Eygló.
Í ljós kom að Kisa hafði
grafið holu undir fellihurð á
áhaldaskúr við hliðina á stöðinni. Þar
fann hún leið inn um op á bak við
járnskápa og í stóru bili sem mynd-
aðist undir húsi Flugþjónustunnar
hafði hún komið kettlingunum sínum
fjórum vel fyrir í einangrunarull.
Hafa tekið ástfóstri við Kisu
„Kisa hefur svo sannarlega ætlað
sér að bjarga því sem inni í henni var,
svona er móðurástin sterk. Þetta er
alveg makalaust. Starfsmennirnir
vissu af opinu á bak við skápana og að
það væri köttur að flækjast þarna en
þeir höfðu ekki hugmynd um kett-
lingana,“ segir Elín Eygló en talið er
að þeir séu um fjögurra vikna gamlir.
Hún segir að samstarfsfólk sitt hafi
verið mjög spennt vegna málsins og
játar að það sé óhætt að segja að það
hafi allt tekið ástfóstri við Kisu.
„Þetta er okkar jólakisa,“ segir hún.
Móðurástin sterk hjá Kisu
 Leiddi starfs-
menn Kattholts að
kettlingum sínum
Morgunblaðið/Sigurgeir S.
Jólakisa Undanfarnar vikur hefur Kisa búið undir húsi Flugþjónustunnar ásamt fjórum kettlingum.
Reynt verður að fara með Kisu og kettlingana í Kattholt í dag en erfiðlega
gengur að ná til kettlinganna. „Það er gott að hún kemst í gott skjól. Það
er alveg dásamlegt starf unnið í Kattholti, maður gerir sér alltaf betur og
betur grein fyrir því hvað konurnar sem starfa þar eru hjartagóðar,“ segir
Elín Eygló. „Það eru engar venjulegar manneskjur sem vinna þarna.“
Petrún Sigurðardóttir, starfsmaður Katt-
holts, segir ástandið þar ekki gott. „Fáir
ættleiða og ennþá færri sækja kisurnar
sínar hingað til okkar,“ segir hún en að
jafnaði dvelja þar 50-60 kettir. Nýverið
var haldinn jólabasar til styrktar Kattholti
þar sem selt var jólaskraut, smákökur o.fl.
Sex kettir voru til sýnis en aðeins tveir þeirra
voru ættleiddir.
Ástandið ekki gott
UM 50-60 KETTIR DVELJA AÐ JAFNAÐI Í KATTHOLTI