Morgunblaðið - 19.12.2011, Blaðsíða 14

14 FRÉTTIRViðskipti | Atvinnulíf
MORGUNBLAÐIÐ MÁNUDAGUR 19. DESEMBER 2011
Meira í leiðinniWWW.N1.IS
JÓLAGJÖF
VEIÐIMANNSINS
Veiðikortið fæst á N1
Ásgeir Ingvarsson
ai@mbl.is
Þóri Kjartansson skortir ekki trú á
framtíðarmöguleikum íslenskrar
ferðaþjónustu. Þórir er fram-
kvæmdastjóri Íslenskrar fjárfesting-
ar ehf. (www.ip.is) sem í mars á þessu
ári opnaði nýtt hótel á Hverfisgötu 45.
Áður var gistiheimili í húsinu, og þar
áður sendiráð Noregs, en byggingin
tengir saman nokkur hús í kring til að
bjóða upp á 12 hótelíbúðir.
„Við fundum þarna gat á markaðin-
um sem fáir höfðu gefið gaum: að
bjóða upp á hótelíbúðir í lúxusflokki.
Þetta er ekki stórt hótel, en það er
með alla þá þjónustu sem viðskipta-
vinurinn væntir og býður upp á vand-
aðar íbúðir í nokkrum stærðarflokk-
um. Þessi tegund gistingar er einkum
hugsuð fyrir viðskiptamenn sem
koma til landsins í lengri ferðalög,
kannski viku eða lengur, og fyrir fjöl-
skyldur sem ferðast til landsins með
barnahóp og kunna að meta kosti
þess að gista í íbúð frekar en leigja tvö
eða þrjú hótelherbergi,“ segir Þórir.
Ástæða til bjartsýni
Hótelið heitir Reykjavik Residence
Hotel og segir Þórir að viðtökurnar
fyrsta rekstrarsumarið gefi til kynna
að veðjað hafi verið á réttan hest.
Sendiráðshúsið er tengt tveimur að-
liggjandi byggingum og hafa allar
verið gerðar upp frá grunni. „Þá eru
tvö aðliggjandi hús til viðbótar tilbúin,
svo þetta er rekstur sem vel kann að
stækka að umfangi,“ segir hann og
bætir við að stækkun sé líklegri en
ekki. „Ef við bæði skoðum bókanirnar
í sumar og eins þær umsagnir sem
hótelið er að fá á vefsíðum eins og Tri-
padvisor.com og Booking.com þá er
greinilegt að Reykjavik Residence
Hotel er að hitta á hárréttan punkt.“
Íslensk fjárfesting er rösklega 12
ára gamalt fyrirtæki sem m.a. hefur
fjárfest í fasteignum, í rekstri á sviði
heilbrigðisþjónustu og í ferðaþjón-
ustu. Reykjavik Residence-hótelið er
þó frumraun aðstandenda fyrirtækis-
ins í hótelrekstri. Með velgengni nýja
hótelsins í farteskinu heyrist á Þóri að
hann gæti vel hugsað sér að gerast
enn umsvifameiri. „Þetta kann vel að
verða bara fyrsta skrefið sem við tök-
um inn á þennan markað. Við höfum
mikla trú á hótelrekstri, a.m.k. á höf-
uðborgarsvæðinu, og raunar á ís-
lenska ferðageiranum eins og hann
leggur sig því stöðug aukning virðist
vera á streymi ferðamanna. Spár
hljóða upp á að á næstu tíu árum fjölgi
ferðamönnum mikið og fari frá um
550 þús. upp í milljón ferðamenn árið
2020, og þá eru mjög efnileg verkefni í
gangi sem miða að því að bæði laða að
fleiri ferðamenn en eins að lengja
ferðamannatímabilið í báða enda,“
segir hann.
„Nú þegar eru hótel mjög rækilega
bókuð yfir háannatímann að sumri,
80-100% bókunarhlutfall á flestum
hótelum á þeim tíma árs, og greinleg
þörf fyrir fleiri hótelrými í júlí og
ágúst til að geta tekið á móti öllu
þessu fólki.“
Vetrartíminn er sá tími þar sem
liggur mest á að laða að fleiri ferða-
menn til að fá betri nýtingu. „Áhrifin
yfir vetrartímann eru þó minni á hót-
elin í hjarta miðborgarinnar, en meiri
fyrir þau hótel sem standa í jaðri mið-
svæðisins og yfir vetrarmánuðina eru
þau að sjá nýtingu á bilinu 30 til 45%.“
Ferðamenn vilja gera eitthvað
Um möguleika Íslands til að efla
ferðaþjónustu segir Þórir að landið
hafi alla burði til að gera enn betur.
Ísland geti m.a. leitað fordæma í
ferðaþjónustu Finna sem náð hefur
að snarauka heimsóknir ferðamanna
að vetri til.
En hvað gerðu Finnarnir? „Þar var
sett af stað markviss markaðssetning
á þeirri vetrariðju og -ævintýrum sem
landið hefur upp á að bjóða: skíða-
brekkur, hundasleðaferðir og vetrar-
ríki. Þetta hefur fundið hljómgrunn í
aukinni löngun neytenda til að gera
eitthvað skemmtilegt og spennandi á
ferðalögum sínum. Áhuginn fer
minnkandi á hefðbundnum borgar-
ferðum sem snúast bara um að rölta
um verslunargötur og kaffihús, og
þess í stað vill fólk gera eitthvað eft-
irminnilegt og óvenjulegt,“ útskýrir
Þórir. „Ísland hefur upp á allt það
sama að bjóða og Finnland, og meira
til.“
„Greinileg þörf fyrir fleiri hótelrými“
 Fundu gat á markaðinum og opnuðu lúxus-íbúðahótel  Má læra af góðum árangri Finna í að laða að
ferðamenn yfir vetrartímann  Kreppa í Evrópu gæti sett strik í reikning ferðaþjónustunnar
Morgunblaðið/Sigurgeir S.
Breytingar „Áhuginn fer minnkandi á hefðbundnum borgarferðum sem snúast bara um að rölta um verslunargötur
og kaffihús, og þess í stað vill fólk gera eftirminnilega og óvenjulega hluti,“ segir Þórir Kjartansson.
Þegar Þórir ræðir um staðsetningu hótelsins talar
hann um að Hverfisgatan hafi orðið svolítið eftir í mið-
borginni, og má heyra á honum að hann er stoltur af
að hafa fegrað götumyndina með nýja hótelinu. Betur
má þó ef duga skal, og er Þórir á því að stjórnvöld
verði að setja aukinn kraft í að bæta og fegra mið-
borgarsvæðið. „Þetta er kjarni höfuðborgarinnar, og
staður sem dregur að ferðamenn. Hins vegar verður
að segjast eins og er að á ýmsum stöðum er mið-
borgin pínu púkaleg, ýmsir kofar og hús sem stinga í
stúf. Þó að margt gott hafi verið gert síðustu ár er
enn ofboðslega mikið til viðbótar sem gera mætti í
borginni.“
Hækkandi skattar og gjöld halda ekki svo mikilli
vöku fyrir Þóri: „Ný gistináttagjöld held ég að þurfi
t.d. ekki að koma að sök, en þá verður líka að nota
peningana í kynningu og uppbyggingu í ferðaþjónustu
eins og lofað hefur verið.“ Ef það er eitthvað sem eyk-
ur á svartsýnina hjá Þóri er það efnahagsástandið á
Vesturlöndum. Hann segir að ef t.d evruvæðið lendir í
alvarlegri kreppu verði ferðaþjónustan ekki frí frá að
finna fyrir afleiðingunum. „En á sama tíma held ég að
Ísland myndi hafa vissa sérstöðu ef slíkt ástand kæmi
upp. Bæði reikna ég með að það verði áfram nokkuð
ódýrt að koma til landsins næstu 5-10 árin, og eins að
Ísland laði til sín fólk sem hefur mikið reynt og
ferðast víða, lengi haft augastað á eyjunni og þyrstir í
þá upplifun sem landið hefur að bjóða.“
Evrópsk kreppa gæti orðið vandamál
MIÐBORGIN PÚKALEG Á KÖFLUM OG NÝTA ÞARF HÓTELSKATTA RÉTT
Bandarískir jólatrésræktendur eiga ekki sjö dagana sæla um þessar mundir,
en töluverður samdráttur hefur orðið í sölu lifandi jólatrjáa síðustu tvo ára-
tugina. Wall Street Journal greinir frá að árið 1991 hafi um 40% heimila í
Bandaríkjunum keypt lifandi jólatré, eða 37 milljónir af 94 heimilum. Síð-
ustu jól var hins vegar ekki að finna lifandi tré nema á 23% heimila, eða 27
milljónum af 118 milljónum heimilum.
Þessi samdráttur er m.a. skrifaður á að börnin þeirra sem tilheyrðu
„baby boomer“-kynslóðinni, hafa verið að vaxa úr grasi og þegar ung-
arnir eru flognir úr hreiðrinu hætti foreldrarnir að leggja sömu
áherslu á lifandi tré. Þá eru margir Bandaríkjamenn á fertugs- og
fimmtugsaldri sem ólust upp við gervitré og tileinkuðu sér ekki þá
hefð að stilla upp lifandi tré í stofunni.
Plantað í góðæri
Það sem meira er, að slæmt efnahagsástand vestanhafs þýðir að neyt-
endur leita frekar í minni tré, sem eru minna arðbær fyrir ræktand-
ann. Loks hefur verið offramboð á trjám síðustu ár því trjánum sem nú eru í
verslunum var plantað á bjartsýnistímum í upphafi aldarinnar. Leiðir þetta
misræmi milli framboðs og eftirspurnar til þess að verð er með lægsta móti.
WSJ bendir líka á að ekki megi gleyma að gervitré hafa farið batnandi að
gæðum og sala á kínverskum plasttrjám hefur rokið upp. Þá er einnig talið að
vinsældir gervitrjánna megi skrifa á að borgarbúar velji í vaxandi mæli að
losna við það amstur sem felst í að flytja heim tré og svo koma því í endur-
vinnslu að hátíð lokinni. ai@mbl.is
 Sala á lifandi trjám fer minnkandi
vestanhafs en gervitré rokseljast
Prýði Það er gaman að hafa
fallega skreytt tré í stofunni.
Gervitrén hafa sína kosti, en
mörgum þykir ómissandi ilm-
urinn af náttúrulegu tré.
Kreppa í jólatrjám