Morgunblaðið - 28.12.2011, Blaðsíða 2

2 FRÉTTIRInnlent
MORGUNBLAÐIÐ MIÐVIKUDAGUR 28. DESEMBER 2011
kg
25
SEK
2
4
6
Bláar fallegar kúlur sem skjótast
upp og springa. Niður fellur rautt
regn með brestum og silfurlituðum
stjörnum. Mögnuð kaka.
2
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti vidsk@mbl.is
Agnes Bragadóttir, fréttastjóri, agnes@mbl.is Menning menning@mbl.is Umræðan | Bréf til blaðsins | Minningar mbl.is/sendagrein, Arnór Ragnarsson Íþróttir sport@mbl.is Víðir Sigurðsson,
vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is Marta María Jónasdóttir fréttastjóri dægurmála martamaria@mbl.is Prentun Landsprent ehf.
„Ég hjóla alltaf í vinnuna, en það er erfitt núna í
snjónum,“ segir Petrún Björg Jónsdóttir,
íþróttakennari við Fjölbrautaskólann í Garðabæ,
sem þessa dagana fer á gönguskíðum til vinnu
sinnar frá Reykjavík. „Ég er tæpan klukkutíma
á leiðinni.“ Petrína er Austfirðingur og segist
ferðast á þennan hátt þar. Hún segir snjóleysi í
Reykjavík hamla því að hún geti nýtt sér þennan
ferðamáta eins oft og hún vildi. annalilja@mbl.is
Erfitt að hjóla í snjónum – tekur fram skíðin
Morgunblaðið/Sigurgeir S
Íþróttakennari fer á gönguskíðunum til vinnu sinnar frá Reykjavík til Garðabæjar
Kjartan Kjartansson
kjartan@mbl.is
Það er kraftaverki líkast að lands-
liðsskíðakonan unga Fanney Guð-
mundsdóttir skuli hafa lifað af skíða-
slys sem hún lenti í á aðfangadag, að
sögn föður hennar, Guðmundar Ás-
geirs Björnssonar. Aðgerð sem hún
gekkst undir á Ullevål-sjúkrahúsinu
í Osló í gær gekk vonum framar.
„Það gekk bara ótrúlega vel. Hún
á reyndar eftir að fara í röntgen-
myndir til að skoða festingar og ann-
að en ég talaði við báða skurðlækn-
ana sem gerðu aðgerðina og þetta
gekk alveg lygilega vel. Maður er
bara fullur bjartsýni,“ segir hann.
Þrír hálsliðir og tveir hryggjarlið-
ir brotnuðu í Fanneyju þegar hún
missti undan sér skíðin og flaug á tré
í brekku í Geilo þar sem hún stundar
nám við skíðamenntaskóla. Auk þess
hlaut hún rifbeinsbrot, handarbrot
og marðist á lungum.
Þegar aðstoðarþjálfari kom að
henni strax eftir slysið var hún með-
vitundarlaus og andaði ekki. Hún var
með hjálm sem mölbrotnaði við
höggið og hefur hann að öllum lík-
indum bjargað lífi hennar.
Var alveg lömuð fyrst
Faðir hennar þakkar skjótum og
réttum viðbrögðum þjálfarans að
ekki fór verr. Hann hafi líklega
bjargað henni frá varanlegum heila-
skaða með því að koma henni í læsta
hliðarlegu. Þyrla var kölluð á slys-
staðinn og flaug með hana á Ullevål-
sjúkrahúsið í Osló þar sem hún ligg-
ur nú.
Fyrst eftir slysið var Fanney al-
veg lömuð fyrir neðan háls því það
blæddi inn á mænuna eftir höggið.
Um klukkustund eftir slysið fór hún
hins vegar að geta hreyft tærnar og
segir faðir hennar að þróunin hafi
verið jákvæð hingað til.
„Það er náttúrlega kraftaverk að
hún skuli hafa lifað þetta af og ef hún
kemur út úr þessu ólömuð er það al-
veg ótrúlegt. Stelpan er í góðu standi
og við erum vongóð um að hún verði
sjálfbjarga aftur,“ segir hann.
Fanney þarf að vera með háls-
kraga í þrjá mánuði auk þess sem
hún mun gangast undir langa end-
urhæfingu sem hefst strax í dag.
„Hún er ótrúlega sterk. Hún hefur
sýnt gríðarlegan dugnað, því það
fylgja þessu ótrúlegir verkir,“ segir
faðir Fanneyjar.
Heppin að sleppa lifandi
 Ung íslensk skíðakona var lömuð fyrir neðan háls fyrst eftir skíðaslys í Noregi
 Gekkst undir vel heppnaða aðgerð á hálsi í gær og hefur endurhæfingu í dag
Skíðakona Fanney Guðmunds-
dóttir er við nám í Geilo í Noregi.
Töluverð fjölgun hefur orðið á umsóknum um skólavist í
leiklistardeild Listaháskóla Íslands en umsóknarfrestur
rann út 9. desember sl. Þá höfðu 173 umsóknir borist
deildinni en þær voru 163 árið 2010, síðast þegar inntöku-
próf voru þreytt um nám í leiklistardeild. Sérskipuð inn-
tökunefnd hefur það hlutverk að velja 8-10 einstaklinga
úr hópi umsækjenda sem síðan er boðin skólavist og ljóst
að hún á mikið verk fyrir höndum á næstu vikum en nið-
urstöður munu liggja fyrir í lok janúar.
Steinunn Knútsdóttir, deildarstjóri leiklistar í LHÍ,
segir erfitt að gera nákvæma grein fyrir því hvað veldur
aukinni aðsókn. Skýringin gæti þó legið í breytingu á fyr-
irkomulagi inntöku í deildina, en nemendur eru nú teknir
inn annað hvert ár í stað hvers árs eins og áður tíðkaðist.
Sama fyrirkomulag er á inntöku í fræði og framkvæmd
og dansdeild.
Frekari breytingar verða gerðar á náminu á næsta ári,
en það verður þá stytt úr fjórum árum í þrjú með afnámi
Nemendaleikhúss Listaháskólans sem hingað til hefur
sett upp leikverk á fjórða ári. Í framhaldi af því verður
svo boðið upp á meistaranám á sama sviði. Steinunn segir
mikla áherslu lagða á alhliða þjálfun nemenda ásamt per-
sónulegri leiðsögn sem miði að því að þeir öðlist sjálf-
stæði í sköpun sinni. gudrunsoley@mbl.is
Fleiri vilja í leiklistarnám
Morgunblaðið/Sigurgeir S.
Aðsókn Alls 173 sóttu um nám við leiklistardeild Lista-
háskólans í ár, sem er talsverð aukning frá árinu áður.
 Átta til tíu valdir úr hópi
173 umsækjenda um námið
„Þetta er mjög spennandi verkefni en
ég ætla ekki að tjá mig mikið um
þetta í bili, þetta bar nokkuð brátt
að,“ segir Tómas
Már Sigurðsson,
forstjóri Alcoa-
Fjarðaáls, sem
tekur við sem for-
stjóri Alcoa í Evr-
ópu með aðsetur í
Genf 1. janúar
næstkomandi.
Fram kemur í
samtali Morg-
unblaðsins við
eiginkonu hans,
Ólöfu Nordal, alþingismann og vara-
formann Sjálfstæðisflokksins, að hún
muni búa hér áfram með börn þeirra
sem eru í skóla. „En ég er mjög stolt
af honum,“ segir Ólöf.
Tómas Már mun hafa með höndum
yfirstjórn álframleiðslusviðs Alcoa í
álfunni. Starfsfólki Fjarðaáls, um 480
manns, var tilkynnt um breytinguna í
gær en skýrt verður frá því síðar
hver taki við eystra.
„Tómas Már tekur við stöðunni af
Marcosi Ramos sem var nýlega ráð-
inn forstjóri álframleiðslusviðs (GPP)
Alcoa í löndum Suður-Ameríku og í
Karíbahafi. Tómas mun bera ábyrgð
á samræmingu aðgerða allra starfs-
stöðva Alcoa í Evrópu, sem eru um
fimmtíu talsins. Sem forstjóri álfram-
leiðslusviðs (GPP) í Evrópu mun
Tómas jafnframt bera ábyrgð á
rekstri álvera Alcoa á Íslandi, Ítalíu,
Spáni og í Noregi, auk súrálsverk-
smiðju Alcoa á Spáni,“ segir m.a. í
fréttatilkynningu Alcoa í gær.
Mikið verður um ferðalög
Reyðarál er þriðja stærsta ál-
bræðsla Alcoa sem er meðal öfl-
ugustu fyrirtækja á sínu sviði í heim-
inum. Álverið á Reyðarfirði tók til
starfa 2007. Stöðvar Alcoa í Evrópu
eru í 13 löndum með hátt í 20 þúsund
starfsmenn, Tómas Már segist því
munu þurfa að ferðast mikið milli
landa. Einn Íslendingur starfar þeg-
ar hjá móðurfélaginu í Evrópu, hann
vinnur reyndar frá Reykjavík.
Tómas Már segir að eftir að um-
svifin hófust hér hafi margir Íslend-
ingar fengið störf hjá Alcoa víða um
heim, í Bandaríkjunum, Sádi-Arabíu
og víðar. Þetta sýni að ráðamenn fyr-
irtækisins meini það sem þeir segi
þegar þeir lýsa vilja til að fólk fái að
vaxa innan fyrirtækisins. kjon@mbl.is
Tómas
yfir Alcoa
í Evrópu
Tómas Már
Sigurðsson
 Ólöf Nordal mun
búa áfram á Íslandi