Morgunblaðið - 19.01.2012, Side 6

6 FRÉTTIRInnlent
MORGUNBLAÐIÐ FIMMTUDAGUR 19. JANÚAR 2012
Krabbameinsfélagið
Kynlíf og krabbamein
Ræðum málin - við þorum!
Woet Gianotten, kynfræðingur og læknir,
fjallar um nánd í samböndum og hvernig
henni er viðhaldið eða hún endurheimt í
krabbameinsmeðferð. Hildur B. Hilmars-
dóttir og Steinar Aðalbjörnsson ræða um
reynslu sína. Fundarstjóri er Friðbjörn
Sigurðsson, krabbameinslæknir.
Allir velkomnir - ókeypis aðgangur
Örráðstefna
í dag kl. 16:30-18:00
Krabbameinsfélag Íslands, Skógarhlíð 8, 105 Rvk, 540 1900, www.krabb.is
Í samstarfi við:
BAKSVIÐ
Björn Jóhann Björnsson
bjb@mbl.is
Óánægja er ennþá undirliggjandi
meðal foreldra barna í nýjum Háa-
leitisskóla, sem varð til um áramótin
með sameiningu Álftamýrarskóla
og Hvassaleitisskóla. Hefur
óánægjan verið mun meiri meðal
foreldra barna í Hvassaleitisskólan-
um, enda áhrifin á þann skóla meiri
við sameininguna.
Tvær aðrar skólasameiningar
gengu í gegn í Reykjavík um ára-
mótin, báðar í Grafarvogi þegar
Borgaskóli og Engjaskóli sameinuð-
ust í Vættaskóla og Korpuskóli og
Víkurskóli í Kelduskóla. Frekari
sameiningar standa fyrir dyrum í
Grafarvogi, með flutningi unglinga-
stigs í Hamra- og Húsaskóla yfir í
Foldaskóla næsta haust, og eins og
fram kom í Morgunblaðinu í gær
eru foreldar óánægðir með þau
áform, ekki síst í Hamrahverfi. Hef-
ur formaður skóla- og frístundaráðs
neitað boði foreldra um að koma á
fund með þeim í næstu viku.
Kom málið til umræðu á fundi
ráðsins í gær, þar sem Kjartan
Magnússon, fulltrúi Sjálfstæðis-
flokksins, lagði fram fyrirspurn til
meirihlutans. Spurði Kjartan hvern-
ig borgarfulltrúar ætluðu að standa
að upplýsingagjöf og samráði við
foreldra og starfsmenn í grunnskól-
um Reykjavíkur vegna yfirstand-
andi breytinga á skólahaldi fyrst
þeir treystu sér ekki til þess að eiga
beint samráð við þessa hópa eins og
reynslan sýndi.
Skortir á upplýsingar
og samstarf
Birgitta Ásgrímsdóttir, formaður
foreldrafélagsins í Hvassaleitis-
skóla, segir eðlilega of snemmt að
segja til um reynsluna af nýjum
Háaleitisskóla og vorönnin verði
notuð til að sameina skólana end-
anlega. Dagskrá skólanna haldi sér
og börnin eigi ekki að finna beint
fyrir sameiningunni enn sem komið
sé.
„Þó að fólk sé að reyna að taka
þessu á sem jákvæðastan hátt, og
gera skólann sem bestan úr því sem
komið er, er ennþá undirliggjandi
óánægja. Illa hefur verið staðið að
öllu ferlinu. Ekki hefur verið nóg um
upplýsingar og samstarf og þróun
mála verið hröð og óundirbúin,“ seg-
ir Birgitta. Vegna yfirvofandi sam-
einingar fór svo gott sem heill ár-
gangur úr Hvassaleitisskóla í 8.
bekk í Réttarholtsskóla í haust,
frekar en að fara í Álftamýrarskóla.
Nemendur úr Hvassaleitisskóla
áttu, samkvæmt sameiningartillögu
frá Reykjavíkurborg, að hafa val á
milli Álftamýrarskóla og Réttar-
holtsskóla. Þetta átti að skerða nið-
ur í eitt ár en vegna athugasemda
foreldra fékkst það tímabil fram-
lengt í þrjú ár og fyrirkomulagið
endurskoðað eftir það. Býst Birgitta
við að mörg börn í Hvassaleitisskóla
muni áfram velja Réttarholtsskóla
þegar kemur að unglingastiginu.
Birgitta segir betri tengingu vera
inn í það hverfi fyrir mörg börn en
að fara í Álftamýrarskóla. Að auki
óttast foreldrar að þröngt gæti orðið
um nemendur í húsnæði Hvassaleit-
isskóla næsta haust ef stór hluti
nemenda úr Breiðagerðisskóla flyst
þar yfir vegna endurbóta í síðar-
nefnda skólanum.
Flutningurinn úr Hvassaleitis-
skóla í Réttarholtsskóla sést ágæt-
lega í tölum um flutning barna milli
hverfa og skóla sem komu nýlega
fram í svari við fyrirspurn í skóla- og
frístundaráði. Þannig eru 71,4%
barna í Hvassaleitishverfinu í
Hvassaleitisskóla á meðan sam-
bærilegt hlutfall í Réttarholtsskóla
er 104% og 102% í Álftamýrarskóla.
Morgunblaðið/Golli
Hvassaleitisskóli Sameining Hvassaleitis- og Álftamýrarskóla gekk í gegn um áramót. Myndin er úr Hvassaleitisskóla en tengist fréttinni ekki beint.
Óánægjan undirliggjandi
 Foreldrar í Hvassaleitisskóla enn ósáttir við sameiningu  Velja frekar Rétt-
arholtsskóla en Álftamýrarskóla  Upplýsingagjöf gagnrýnd á fundi skólaráðs
„Mig langar svo
mikið til þess að
það verði umbæt-
ur í þjóðkirkjunni
og ég held reynd-
ar að sumt af því
verði hvort sem
er. Það eru að
verða miklar
breytingar og
mig langar til að
taka þátt í því að
fleyta okkur áfram á næsta stað,“
segir Sigríður Guðmarsdóttir, sókn-
arprestur í Grafarholti.
Sigríður tilkynnti í gær að hún
gæfi kost á sér til embættis biskups
Íslands í kosningum næsta vor. Sig-
ríður er fyrst til að tilkynna framboð
til embættisins. Hún segir kirkjuna
alltaf þurfa á siðbót að halda og
framundan sé mikið umbótatímabil
sem hverfist um fjögur verkefni:
„1. Samtal við þjóðina um trú og
mannréttindi í fjölbreyttu samfélagi
og að gera upp það sem aflaga hefur
farið. 2. Styrkja tengslin við söfn-
uðina í landinu. 3. Dreifa valdi og
efla lýðræði innan þjóðkirkjunnar. 4.
[Breytingar] á stjórnkerfi þjóðkirkj-
unnar með endurskipulagningu
stofnana, öflugri starfsmannastefnu
og gagnsærri stjórnsýslu.“
Sigríður
býður sig
fyrst fram
 „Kirkjan þarf allt-
af á siðbót að halda“
Sigríður
Guðmarsdóttir
Kirkjuráð beindi
þeim tilmælum til
kjörstjórnar við
væntanlegt bisk-
upskjör að lögð
yrði fram kjör-
skrá sem miðaðist
við 1. febrúar.
Kirkjuráð mun
gangast fyrir og
kosta útgáfu á sameiginlegu kynn-
ingarefni um frambjóðendur til bisk-
upskjörs. Kynningarefni um fram-
bjóðendur verði gert aðgengilegt á
sérstöku vefsvæði á vef kirkjunnar.
Kirkjuráð ályktaði einnig að þau
sem gefa kost á sér til biskupsemb-
ættis og þau sem vinna að kjöri
þeirra gæti þess að halda í heiðri
siðareglur embættismanna og starfs-
fólks þjóðkirkjunnar og gæti þess að
orð þeirra og athafnir séu þjóðkirkj-
unni til sóma og málstað hennar til
framdráttar.
Orð og athafn-
ir séu kirkj-
unni til sóma
Bæjarstjórn Kópavogs hefur samþykkt að friðlýsa hluta
Skerjafjarðar sem er innan bæjarmarka Kópavogs með
fjörum ásamt grunnsævi. Friðlýst verða tvö svæði, ann-
ars vegar í Kópavogi, 39 hektarar, og hins vegar í Foss-
vogi, 23,6 hektarar. Alls er um að ræða 62,6 hektara
svæði sem talin eru mikilvæg búsvæði fugla.
Skerjafjarðarsvæðið í heild er talið hafa alþjóðlegt
verndargildi vegna farfuglategunda, svo sem rauðbryst-
ings og margæsar, en þar er einnig að finna lífríkar
þangfjörur, leirur og grunnsævi sem skapa undirstöðu
fyrir afar fjölbreytt fuglalíf allan ársins hring. Einnig er
svæðið mikilvægt vegna marhálms og sjávarfitjungs sem
hafa takmarkaða útbreiðslu hér á landi, en marhálmur
er ein aðalfæða margæsar. Í Fossvogi og Kópavogi er
stór hluti af leirum á Skerjafjarðarsvæðinu. Fræðslu-
gildi svæðisins er hátt með tilliti til lífríkis og aðgengi að
svæðinu er gott. Strandlengjan er vinsæl til útivistar og í
Fossvogi eru iðkaðar siglingar og annað sjósport.
Tillagan hefur verið auglýst til kynningar og er frestur
til að skila ábendingum til 27. janúar nk. Skal þeim skilað
í gegnum heimasíðu Umhverfisstofnunar. sisi@mbl.is
Mikilvæg búsvæði
fugla í Skerjafirði friðuð
 Skerjafjarðarsvæðið er talið hafa alþjóðlegt verndargildi
Morgunblaðið/Ómar
Áð Rauðbrystingar við Bakkatjörn, á norðurleið.
Kjartan Magnússon, fulltrúi Sjálf-
stæðisflokksins í skóla- og frí-
stundaráði, segir að á fundum
sínum í grunnskólum borgarinnar
hafi mjög víða komið fram
óánægjuraddir foreldra með
sameiningaráform og ekki síst
takmarkaða upplýsingagjöf frá
borgaryfirvöldum. Embættis-
menn hafi ekki getað veitt skýr
svör og þeir skiljanlega vísað á
kjörna fulltrúa í meirihlutanum.
Þeir verði að standa fyrir máli
sínu, sé um það beðið.
„Sameiningarmálin hafa verið
eitt klúður frá upphafi. Ef menn
ætla að ná árangri í þessu verður
að vinna náið með foreldrum og
starfsmönnum skólanna,“ segir
Kjartan og
undrast það að
Oddný Sturlu-
dóttir, formaður
skóla- og frí-
stundaráðs,
hafi neitað boði
foreldra í
Hamrahverfi
um að mæta
þangað á opinn
fund í næstu viku. Hann muni
ekki dæmi þess í seinni tíð að
borgarfulltrúar neiti að koma á
opinn fund um skólamál. „Borg-
arfulltrúar eru í vinnu hjá al-
menningi og þurfa að skýra sína
stefnu þegar um það er beðið,“
segir Kjartan.
„Eitt klúður frá upphafi“
FULLTRÚI Í SKÓLARÁÐI UM SAMEININGAR Í BORGINNI
Kjartan
Magnússon