SunnudagsMogginn - 08.01.2012, Side 4

4 8. janúar 2012
Meryl Streep lagði eins og gjarnan áður líf og sál
í hlutverkið sem margir spá að muni færa henni
enn fleiri viðurkenningar á glæstum ferli. Hún hef-
ur þegar verið tilnefnd til hinna og þessara verð-
launa, meðal annars Golden Globe-verðlaunanna.
Um það leyti sem tökur hófust í Bretlandi fyrir
réttu ári sagði leikkonan: „Það er í senn ögrandi
og yfirþyrmandi verkefni að fá tækifæri til að
kynna sér þessa stórbrotnu konu og áhrif hennar
á söguna. Ég ætla að nálgast hlutverkið af miklu
kappi og umhyggju fyrir hverju smáatriði í fari
hinnar raunverulegu frú Thatcher – vonandi hef
ég þol til að nálgast hana.“
Ekki ber á öðru.
Auk þess að setja sig inn í karakterinn, orðfær-
ið og taktana, kynnti Streep sér bresk stjórnmál
og drakk í sig andann á þingfundum í neðri deild-
inni í Westminster. Tökur á The Iron Lady fóru á
hinn bóginn fram í ráðhúsinu í Manchester en
það er gjarnan notað við gerð kvikmynda um
bresk stjórnmál vegna byggingalistarlegra lík-
inda.
Yfirþyrmandi og
ögrandi í senn
Meryl Streep hyllt við frumsýninguna í Lundúnum.
Reuters
Eins og jafnan þegar gerðar eru kvik-myndir um valda- og fyrirferðarmikiðfólk í þessum heimi eru skiptar skoðanirum útkomuna. The Iron Lady, flunkuný
bresk mynd um Margaret Thatcher, fyrrverandi
forsætisráðherra Bretlands, ætlar ekki að verða
nein undantekning frá þeirri reglu en verið er að
frumsýna hana vítt og breitt um heiminn þessa
dagana. Eins og rækilega hefur komið fram fer
bandaríska skapgerðarleikkonan Meryl Streep
með hlutverk „járnfrúarinnar“ og enda þótt ein-
hverjir Bretar hafi verið skúffaðir yfir því að út-
lendingur skyldi veljast í hlutverkið hverfast
fyrstu umsagnir ekki síst um frammistöðu Streep.
Gagnrýnendur eru á einu máli um að hún fari á
kostum, jafnvel með svo afgerandi hætti að það
skyggi á sjálfa myndina, eins og segir í umsögn
The Telegraph. Gagnrýnandi The Guardian segir
frammistöðu Streep hnökralausa og í umsögn the
Daily Mail segir hvorki meira né minna: „Aðeins
leikkona á borð við Meryl Streep getur tekið
Thatcher slíkum heljartökum og skilað því á hvíta
tjaldinu. Frammistaða hennar er engu lík, nýtt
viðmið hefur verið sett í leiklist.“
Meiri styr stendur um nálgunina og þá ekki síst
myndina sem dregin er upp af Thatcher sjálfri.
Þegar hefur verið haft eftir börnum hennar, Carol
og Mark, að The Iron Lady sé ekkert annað en
„órar vinstrimanna“. Þá þykir sumum myndin
ekki umgangast heilsubrest Thatcher á umliðnum
árum af nægilegri virðingu.
Taktleysi eða framsýni?
Femínistar hafa löngum tvístigið í kringum Thatc-
her og þau tíðindi að myndin sýni „járnfrúna“
sem hetju í baráttunni fyrir jöfnum réttindum
konum til handa hafa farið fyrir brjóstið á ýmsum.
Þannig segir rithöfundurinn Linda Grant í The
Guardian: „Margaret Thatcher varð leiðtogi
Íhaldsflokksins þegar kvennahreyfingin reis sem
hæst, eigi að síður stóð hún baráttu okkar, hug-
sjónum og sjálfsmynd víðsfjarri. Hún var miðaldra
kona með hattana, skartið, tennurnar, þvingaða
háa róminn og stefnu sem hafði ekkert með mál-
stað okkar að gera. Forsætisráðherratíð Thatcher
var gjörsamlega misheppnuð frá bæjardyrum
femínismans séð. Í okkar augum var hún karl-
maður klæddur í pils. Eða kona sem notar gömlu
góðu kynjaklækina og daðrið til að ná vilja sínum
fram og komast þangað sem hún vill. Kannski var
hún bara svona langt á undan sinni samtíð?“
Allt sem við vildum ekki vera
Listakonan Tacita Dean tekur í sama streng:
„Margaret Thatcher var alltumlykjandi á náms-
árum mínum og hafði gríðarleg áhrif á pólitíska
þátttöku mína en með öðrum hætti en hún hefði
sjálf viljað. Nú fer sagan (og Hollywood) mjúkum
höndum um hana en það breytir ekki því að ég
fyrirleit hana og fann ekki til neinnar samkenndar
með afrekum hennar sem konu. Ég var virkur
femínisti á námsárunum og ef eitthvað er var hún
and-hetjan okkar. Allt sem við vildum ekki vera.
Hún var afturhaldsseggur sem lét sér allan jöfnuð í
léttu rúmi liggja og fyrirleit menningu og listir.“
Meryl Streep í hlutverki Margaretar Thatcher í The Iron Lady.
Reuters
Pilsklæddur
karlmaður?
Ný mynd um Thatcher umdeild
en Streep þykir fara á kostum
Vikuspegill
Orri Páll Ormarsson orri@mbl.is
Leikstjóri myndarinnar, Phyllida Lloyd, til vinstri,
mætir á frumsýninguna í Lundúnum í vikunni.
Reuters
Margaret Thatcher er 86 ára
að aldri, fædd 13. október
1925. Hún gegndi embætti
forsætisráðherra Bretlands,
fyrst kvenna, í ellefu ár, frá
1979 til 1990. Thatcher nam
upprunalega efnafræði en
gerðist síðan lögmaður áður
en hún settist á þing fyrir
Íhaldsflokkinn árið 1959. Margaret Thatcher í eigin skinni.
Reuters
Fyrsta konan
í embættinu
ÞORRI
NN 201
2
Þorrahlaðborð
Nóatúns
Sendum um land allt
Gerum verðtilboð fyrir stærri
þorrablót (50-500 manna)
Upplýsingar í síma 822-7005
eða veislur@noatun.is
ÞJÓÐLEG
Á ÞORRA